JOSHUA 5:1 - PATHIEN LEKHABU THIENGTHO (BSI)

¹ Chun, hiti hi ahi a, Jordan lui gal tumlam a um Amor lengte chengcheng leh tuipi panga um Kanaan te lengte chengcheng chun a kaih macheng u chun Lalpa’n Jordan tui haw chuh Israel chate masang achun a hihkang hi tih a na het un, Israel chate ziek chun a lunggilteu a tui zo ta a, lungkie lo himhim a um ta puou hi.

JOSHUA 5:1 ပူးပေါင်းရင်းမြစ်များ

KISIMNA 13:29

A simlam achun Amalek te a cheng u a, thingtâng gam achun Hit mite, Jebus mite, Amor te haw chuh a cheng u a; chun, Kanaan mite chuh tuisuohgiet pang leh Jordan luidung ah a cheng ui,” ti’n a hilh u a.

1 LENGTE 10:5

A dawhkhâng a nek ding te, a suokte chut dân te, a zenviel haw bawl dân te, a kivan dân teu, a khawn piete, Lalpa In a a lat hâlmang thillat te a vak muh chun lungthim nasan a gel thei ta puoh a.

THUPHUON 18:10

“Babulon khuo lopi, khuo det chuh a chung a gik ie! a gik ie! Dâkkâl khat sungin na chungah vaihawmna chuh a hungtung ta ngâl in,” ti’n, a sukgim lauh zieka gamla taka dingin. kahcham kawmin, a âwm uh kichup un au.

AMOS 2:9

“Himahleh, amau haw masangah sidar thing banga sang leh, gangpi thing banga khauh Amor te khale ka sumangthai a; a chunglam apat in a gah leh, a nuoi lam apat a a zung te chule ka sumangthai vek a.

DANIEL 5:6

Ziephet chun leng chuh a mel a hung duptha ta a, a lunggil chuh a buoi zo ta a, a keng guh kisuktuohna te chuh a zawi zo ta a, a khûpte chuh a kitattuoh lun lun mai ta a.

EZEKIEL 21:7

‘Bang zieka khuti mau na hi?’ a hun tih tieng u leh, ‘Chanchin ziekin; zie chuh a hung tun tieng leh lunggil chengcheng chuh lauhna’n dim ta’n tin, khut chengcheng chuh zawitha ta’n tin, ngaihtuohna chengcheng chuh chauzo ta’n tin, khûp chengcheng chuh tui bang mai in zawi zo ta’n a; ngaitie, a hung hi, hung tung ding ahi, Lalpa Pathien chun a tii’, ti’n,” a ti a.

EZEKIEL 16:3

Lalpa Pathien chun Jerusalem kawma chun hiti hin a tii: “Na pienna leh na mawmna gam chuh Kanaan gam ahi a, na pa chuh Amor mi ahi a, na nu chuh Hit mi ahi.

SAM LEHKHABU THE PSALMS 135:11

Sihon, Amor te lal leh Og, Bashan lal Kanaan gama lalgam chengcheng chuh:

EZRA 9:1

Chun, ziehaw zawh chun leng chate ka kawmah a hung u a, hiti hin a hung gen u a, “Israel mipite, thiempute leh Levi chite chuh zie gam mite laka hin a kikiengkawih diek puou a, Kanaan mite. Hit mite, Periz mite, Jebus mite, Amon mite, Moab mite, Aigupta mite leh Amor mite thilhih kihdak-um tak chuh amau inle a hih tau hi.

2 SAMUEL 21:2

Chun, leng chun Gibeon mite chu a sama, a kawm u ah; (Gibeon mite chu Israel suonte ahi puou a. Amor mi a um nalaite kha ahi zawu a; Israel chate chun a kawm u ah a na kipautiem tau a: Saul chun Israel chate leh Juda suonte a-dinga a phatchuomngaih ziekin thah a guot sek him ahi),

1 SAMUEL 25:37

Chun, hiti hi ahi a, Nabal chu zingkal a uain hu a theu a, a hung halh phet chun a zi chun zie thu haw chu a vak hilh leh, a lung a phawng phut a, a thingilh hiela, suong guolin a um ta a.

VAIHAWMTE 11:23

Khutichun, Lalpa Israel Pathien in a mi Israel te ding a Amor mite gam chuh a lak sak ahi a, tuhin nangin na luoh kit thei ding a ahim?

VAIHAWMTE 4:2

Tichun, Lalpa’n amau chuh Hazor a vaihawm, Kanaan lengpa Jabin khut ah a pie dawk ta a; a sepaih hotu chuh Sisera ahi a, Jentel gam Haroseth muna cheng ahi.

VAIHAWMTE 3:3

Ziehaw chuh Philistia leng ngate, Kanaan mite, Zidon te, Lebanon tânga um Hiv te Baalhermon tâng apat a, Hamath khuo lutna tienga cheng te ahiu hi.

VAIHAWMTE 1:1

Chun, hiti hi a hung hi a, Joshua thih nung chun Israel chate chun, “Kanaan mite do dinga kei uh thasang a va kuon masapen ding kuo a?” ti’n Lalpa a dâwng u a.

JOSHUA 24:15

Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.

JOSHUA 17:18

Tang gam khu nanguh ding hi henla; gammâng hilele, vat unla, a gam cheng chuh nanguh a ding hi ding ahi, a gamgi tiengin; Kanaan te’n thik kangtalaite nei in, hât mah mah leule, nawhdawk ding na hiu hi,” ti’n a gen a.

JOSHUA 17:12

Himahlele Manasseh suonte chun zie khawpi a umte chuh a nawhdawk thei puou a; Kanaan mite chuh zie gam achun a chêng zing tau hi.

PAWTDAWKNA 23:28

Chun, na masang u ah khuoingal sawl ing ka ting, zie chun Hiv te, Kanaan te, Hit te, na masang u achun delhmang in au.

THILSIEMBUL 48:22

Zielo chule, na suohpihte chanvo sangin chan khatin ka hun pie tam zawi, ka chemzâm leh ka thalphel Amor te khuta pat ka lâksak ngêi khah,” a ti a.

THILSIEMBUL 12:6

Abram chun zie gam chengcheng chuh a tawh viel a, Sekem muna Moreh a gangpi thing tieng chun a chieh zel a. Zielai chun Kanaan mite chuh zie gam achun a cheng nalai u a.

ISAI 41:5

“Tuikuol gama mite chun, ka thilhih chuh a muu a, a kithing u a, kâwlmawng tawppen le a kithing sek uh ahi. A hung u a, a tai khawm tau a.

JOSHUA 3:16

saklam apat a tui hung luong suk lai chuh a châwl ta a, gamla taka Zarethan panga Adam khawpi achun a kiting khawm viehvuoh zieng a; chun, Arabah Tuipi, Tuipi Al lama luong suk lai chuh a châwl ta a.

JOSHUA 3:17

Chun, Israel te chengcheng chun lei hul chung a hawh u a, mipite chengcheng chuh Jordan lui a kaih suok macheng u chun, Lalpa thugawlh bawm zawn thiempute chuh Jordan lui lailung tak a chun a ding zing tau a.