JOSHUA 4:6 - PATHIEN LEKHABU THIENGTHO (BSI)

⁶ Tichun ziehaw hi na lak u ah melchikna hung hi ding ahi a, tunung leh na chateu in, ‘Zie suonghaw hi bang etsakna ahi?’ ti a a hun dawt tieng u leh,

JOSHUA 4:6 ပူးပေါင်းရင်းမြစ်များ

PAWTDAWKNA 13:14

Chun, hiti hi hung hi’n tin hun hungtung dinga na chapateu in, ‘Ziehi bangti dân ahi?’ ti a a hun dawt tak u leh, nang un a kawm u ah, ‘Khut hattak in Lalpa’n Aigupta gama suok a ka um u khah ei puihdawk ahi:

JOSHUA 4:21

Chun, Israel chate kawm achun, “Tunung a na suonteu in a pateu, ‘Zie suonghaw hi bang etsakna ahi?’ ti a a hun dawt tieng u leh,

SAM LEHKHABU THE PSALMS 44:1

Aw Pathien ni dang lai a na thilhih haw kha ei suonteu in a damlai un ei hilh u a, ka nakhang un ka zau a.

JOSHUA 22:27

Kei uh haw leh nanguh haw leh, I nung u a I suonte hawu kikal a hetpih dingin, tichun I hâlmang thillat teu leh I kithawihnateu leh, I chamna thillat teu hin Lalpa na I sep theihna dingun leh a suonteu inle tunung leh ka suonteu kawm achun, Lalpa ah chanvo na nei puou hi, a hun tihloh na dingun,

DAN NIHNA 11:19

Ziehaw chuh na chateu sinsak unla, na In u a na chut lai un le, lampi a na chieh pet un le, na kuol tiengu lele, na thawh dawk tiengu lele ziehaw thu achu na holim dinguh ahi.

ISAI 55:13

Hamlingnei thasang in châk thingte kek zaw’n tin; Lingbawk thasang in vaisuoklu thingte kek zaw ta’n a. Zie chuh Lalpa hetzingna, kumlekhuo a dinga melchikna satthak tâk loh ding hi’n a,” ti’n

ISAI 38:19

Tuni a ka hun pahchak bang hin mihing, a hingte chauh in a hun pakcha thei uh ahi. Pate chun chate chuh na ginumna na hilh sawn un au.

SAM LEHKHABU THE PSALMS 71:18

Ahi, Aw Pathien, ka têk a ka sam kân tieng lele ei taihsan ki’n la; Na hatna hi khangthak sawnte kawma le, Na thilhih theihna hi khang hung um dingte kawm ale ka phuon masang sieh in.

NASEPTE 2:39

Pathien thutiem khah, nang haw leh na chateu ding leh, gamla taka mi chengcheng ding leh, Lalpa I Pathien un a kawma a sap tapohte ding le ahi ngâl a,” a ti a.

EZEKIEL 20:20

Himahleh, ka Sabbath haw chuh chang unla, kei leh nang haw kikala melchikna hi’nau, Lalpa na Pathien u chuh ka hi tih na het theihna dingun’, ka ti a.

EZEKIEL 20:12

Zielo chun le, kei leh amau kikala melchikna dingin ka chawlhni haw chuh amau ka pie a, kei hi amau haw suthiengtho Lalpa chuh ka hi tih a het theihna dingun.

KISIMNA 16:38

Lalpa maichâm a a lut ziek chun a thiengtho ta a. Khutichun, zie a gitloh ziek u a thah a umte meilakna kuong hi la’n la, kuong pa takin sek inla, maichâm khuhna siem in, zie chuh Israel chate ding chun tiemtehna hi ding ahi.”

PAWTDAWKNA 31:13

“Ka Chawlhni te hi na nit ngêi ngêi ding uh ahi; na suonteu chanin kei leh nanguh kikala melchikna ahi ngâla, kei hi Lalpa, nangmau haw hun suthiengthopa ka hi hi tih na het theihna ding un.

PAWTDAWKNA 13:9

Lalpa Dan chuh na kam u a a um zing theihna ding in, na khut u a melchikna leh, na mit u kikala hetzingna guola na neih ding uh ahi, khut hattak a Lalpa’n Aigupta gama pata a thilhih theihna a a hun puihdawk na hiu hi.

PAWTDAWKNA 12:14

Chun, zie ni hi nang uh dingin hetzing na ni hi’n tin, Lalpa dinga guolvakna ni a na mat dinguh ahi; na suonteu chanin kumkhuo thuguot ding a um zing dinga guolvakna ni a na mat dinguh ahi,” a ti a.

JOSHUA 4:5

a kawm u ah, “Lalpa na Pathien uh bawm masanga khan Jordan lui lailung ah chieh unla, Israel chate phung dungzui zelin, mitin in suong khat chiet na liengko un puu un.