JOSHUA 4:11 - PATHIEN LEKHABU THIENGTHO (BSI)

¹¹ Chun, hiti hi ahi a, mipi chengcheng chuh a galkaih zawh kêi phat u chun Lalpa bawm zawn thiempute chuh mipite masang achun a chieh tau a.

JOSHUA 4:11 ပူးပေါင်းရင်းမြစ်များ

JOSHUA 3:8

Chun, Thugawlh bawm zawn thiempute chuh, Jordan lui pang na tun tieng u leh, Jordan lui achun ding zing un, ti’n thu pie’n,” a ti a.

JOSHUA 4:18

Chun, hiti hi ahi a, thiempute, Lalpa thugawlh bawm zawn te chuh Jordan lui apat a hung pawt u a, a keng u a lui pang a hun tawh phet un, Jordan tui haw chuh a luon ngeina bangin a luong kit a, masanga bang khan a kuong chengcheng achun a luong let kit ta a.

JOSHUA 3:17

Chun, Israel te chengcheng chun lei hul chung a hawh u a, mipite chengcheng chuh Jordan lui a kaih suok macheng u chun, Lalpa thugawlh bawm zawn thiempute chuh Jordan lui lailung tak a chun a ding zing tau a.

JOSHUA 4:10

Chun, Mosi’n chun Lalpa thupiek bang taka mipite kawma hih dinga Joshua thu a piek chuh a hih zawh suok kêi mau chun thiempu bawm zawn te chuh Jordan lui lai achun a ding zing u a; tichun mipite chuh a kinawh u a, a galkai tau a.

JOSHUA 4:12

Chun, Reuben suonte, Gad suonte, Manasseh nam kimkhatte chuh Mosi’n a kawm u a a na gen tâk bang khan Israel chate masang achun kigalthuom zo sa’n a galkai u a.

JOSHUA 24:11

Chun, Jordan lui na galkai u a, Jerikoh khuo na va tung u a; Jerikoh khuo a mite chun a hun na do u a. Amor te, Periz te, Kanaan te, Hit te, Girgash te, Hiv te, Jebus te kha tawh, tichun amau haw chuh na khut u ah ka pie ta a.

ISAI 52:12

Kinawh taka chiehdawk ding na hi puou a; taisie a pawt ding le na hi diek puou hi; Lalpa chun na mau pui ding ahi a, chun, Israel Pathien chuh na nung dal uh a pang ding ahi.