JOSHUA 3:7 - PATHIEN LEKHABU THIENGTHO (BSI)

⁷ Chun, Lalpa’n Joshua kawmah, “Mosi kawma ka um bang khan na kawm ale um ding ka hi tih a het theihna dingun, tuni hin Israel te chengcheng mitmuh ah hun limbawl ding ka hi.

JOSHUA 3:7 ပူးပေါင်းရင်းမြစ်များ

JOSHUA 4:14

Zie ni chun Lalpa’n Joshua chuh Israel te chengcheng mitmuh achun a limbawl a; Mosi a kihchak mah bang u khan a damsung cheng chun a kihcha tau hi.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

1 KHANGTHUBU 29:25

Chun, Lalpa’n Solomon chu Israel te chengcheng mitmuh in nasatak in a a chawisanga, Israel gama a masanga lengte laka kuoma’n a na chan khâk loh uh, leng hihna lopitak a chan sak ta a.

SAM LEHKHABU THE PSALMS 18:35

Nangin na hukdam na phaw nei pie a: Na khut changlam in nei kai a, Na panpihna chun nei siem lien ta a.

JOSHUA 1:17

Thil bangkima Mosi thu ka zawp bang u khan, nang thu le zawp zel ung kau; Lalpa na Pathien chuh Mosi kawma a um bang khan na kawm ahin um hen.

JOB LEHKHABU THE BOOK OF JOB 7:17

Mihing hi bang ahi a, na ngaihsan a? A chungu a na lunggil na khuti ngak ahim?

2 KHANGTHUBU 1:1

Chun, David chapa Solomon chu a gamsung achun sukdet a hung hi ta a. Lalpa a Pathien chuh a kawmah a um a, nasatak in a hih lopi ta a.

JOHAN 17:1

Zie thu haw chuh Isu’n a gen zawhin, van lam en in, “Hepa, a hun a tung tai. Na Chapa limbawl ah, Chapa’n le a hun limbawl na ding in.

PHILIPPI 1:20

Ka utpen leh ka kinepna pên chuh, ka nasep ding hi thulh lo a, himahleh, hun tina, a diek takin tulai taka hi hansanna a ka dim a, ka thih in le, ka hin in le Krista chuh ka sapum a limbawl a a um theihna dingin.

JOSHUA 3:6

Chun, Joshua’n thiempute kawm achun, “Thugawlh bawm hi zawn unla, mipite ma pui un,” ti’n a gen a. Khutichun thugawlh bawm chuh a zawn u a, mipite ma chuh a pui tau a.

JOSHUA 3:8

Chun, Thugawlh bawm zawn thiempute chuh, Jordan lui pang na tun tieng u leh, Jordan lui achun ding zing un, ti’n thu pie’n,” a ti a.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.