JOSHUA 24:21 - PATHIEN LEKHABU THIENGTHO (BSI)

²¹ Chun, mipite chun Joshua kawmah, “Hilo e! Lalpa na sem ding ka hiu hi,” a tiu a.

JOSHUA 24:21 ပူးပေါင်းရင်းမြစ်များ

ISAI 44:5

“Mi khat hung in tin, ‘Lalpa a ka hi hi,’ ti’n. Israel mipite chun hun zuon untin, midang in Jakob kiminvawh intin; chun, midang in a ban u ah, ‘Lalpa a’ tih zik intin, Israel chuh a nam min dingun hun mang ta’n au.”

PAWTDAWKNA 20:19

Tichun Mosi kawmah, “Ka kawm u ahin nangin thu gen zaw tie, a na ngaitha’ng kau: Pathien chun vang ka kawm u ahin thu gen ta kiheh, khutilochun thi kha’ng kau,” a tiu a.

PAWTDAWKNA 19:8

Chun, mipi chengcheng chun, “Lalpa gen chengcheng chuh hih zel ing kau,” ti’n kiguol takin a dâwng u a. Tichun Mosi’n mipite thugen chuh Lalpa a hilh sawn a.

DAN NIHNA 26:17

Tuni hin a lampite hawh a, a dân haw, a thupiek haw leh a vaihawmna haw zuia Lalpa chuh na Pathien u hi dingin na phuong tau a;

PAWTDAWKNA 24:7

Chun, thugawlh lehkhabu chuh a la a, mipite zak achun a sim a: amau chun, “Lalpa’n a gen chengcheng chuh hih zel ing ka ting un, zawp zel ing kau,” a tiu a.

PAWTDAWKNA 24:3

Tichun Mosi chuh a va chieh a, Lalpa thugen chengcheng leh vaihawm dân ding chengcheng chuh mipite kawmah a va gen a: chun, mi chengcheng chun, “Lalpa gen chengcheng chuh hih ing kau,” ti’n kiguol in a dâwng u a.

JOSHUA 24:20

Lalpa chuh na nutsieh u a, nam dang pathiente na nasep u leh vang, na chung u ah na pha sem mahleh thil phalo hun tunsak in tin, hun hih mangthai ding ahi,” a ti a.

JOSHUA 24:22

Chun, Joshua’n mipite kawmah, “A na sep guo’n Lalpa chuh na tel tau hi tih thu hetpihte chuh nangmau haw ngêi hi na hiu hi,” a ti a. Amau chun, “A hetpihte ka hi tau hi,” a tiu a.