JOSHUA 24:19 - PATHIEN LEKHABU THIENGTHO (BSI)

¹⁹ Chun, Joshua’n mipite kawm achun, “Lalpa na chuh sem thei puo’n lau; amah chuh Pathien thiengtho ahi ngâl a; Pathien thikthusie ahi a; na bawhsietna hawu leh na gitlohna hawu chuh hun ngaidam puo’n a.

JOSHUA 24:19 ပူးပေါင်းရင်းမြစ်များ

ISAI 5:16

Himahlele, Sepaihte Lalpa chun diktatna chuh thil dik hih in etsak intin, a thienthona chuh a mipite vaihawm sak ni achun a sulang tai.

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

SAM LEHKHABU THE PSALMS 99:9

Lalpa I Pathien u chuh pakchau unla, A tâng thiengtho a chun ho un: Lalpa I Pathien u chuh a thiengtho ngâla.

SAM LEHKHABU THE PSALMS 99:5

Lalpa ka Pathien u chuh chawiân unla, A keng bula chun chibai bûk un: Amah chuh thiengtho ahi.

THIEMPUDANTE 19:2

“Israel mipi, kikhawmkhawmte chuh hopih inla, a kawm u ah, ‘Na thientho dinguh ahi; Kei Lalpa na Pathien u hi ka thiengtho ngâl a.

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

1 SAMUEL 6:20

Bethsemesh khuo a mite chun, “Zie Pathien thiengtho Lalpa ma ahih kuo a ding thei ding? I kawm uh apat hin khawi ah a chiehdawk ta dem?” a tiu a.

PAWTDAWKNA 34:14

“Pathien dang himhim chuh na ho ding uh ahi puoh a; Lalpa chuh amin le thikthusie ahi a, thikthusie Pathien ahi.

MATTHAI 6:24

“Kuoma’n to nih na a sem kawp thei puoi; khat chuh mudah in, khat chuh deihchuom in ahim, a hihloh leh khat chuh limbawl in khat chuh simmawh ding ahi ngâl a. Pathien leh sum na na sem kawp thei puou hi.

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.

ISAI 30:11

Lampi hilo ah chieh un, lam sik ah pet un. Israel Mi thiengtho thu ka ngaitha nuom puou ui,” ti sekte ahi ngâl u a.

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

1 SAMUEL 3:14

Zieziekchun Eli inkawte sukkhelhna chu kithawihna ahim thilpiek in ahim bangmah tikin sukkiem theih hi puo’n a ti’n Eli insung a ding chun ka na kihâksiel ta ngâla” a ti a.

RUTH 1:15

“Ngaitie, na mo chanpih nu chuh a chipihte kawm leh a pathien kawm lam achun a vaikit ta a; nang le amah chuh zui inla chieh kit mai ta’n,” a ti a.

JOSHUA 24:23

Chun, Joshua chun, “Khuti ahih chun na lak uh a nam dang pathien umte chuh kawihmang kêi unla, Lalpa Israel Pathien lam achun na lunggil uh hei un,” a ti a.

THIEMPUDANTE 20:26

Keia dinga mi thiengtho na hih dinguh ahi; kei Lalpa hi ka thiengtho ngâla, keia na hih na ding u a nam dangte lak apat a ka hun teldawk na hi ngâl u a.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

HABAKKUK 1:13

Na mit chuh thil gilo etna dingin a thiengtho taluo a, mi gilote thilhih chuh na en thei puoh ngâl a! Zie migilo thephatte chuh bangti’n a na thuok theih ding? Zieziekchun, amau haw sanga phazawte a sukmangthai lai u a chuh bang zieka thip hiet hiet na him?

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

PAWTDAWKNA 34:7

sang tamtak chunga lungsietna latsak sek, manlohna haw, sukkhelhna haw, gitlohna haw ngaidam sek; himahleh, diklo a mawhchangte bangti ale pawtsak lo; pate manlohna zieka chate, cha sawn te, suon thumna leh suon lina chana gawt sek chuh ka hi,” ti’n a phuong ta a.

THIEMPUDANTE 20:7

Zieziekchun, kihihthiengtho unla, thiengtho in um un, Kei Lalpa na Pathien u chuh ka hi ngâl a.

JOSHUA 24:18

Tichun Lalpa’n ka masang ngêi uh ahin namtin, zie gam a um Amor te ngêi chuh a nawhdawk suok kêi a; zieziekchun ahi kei uh haw’n le Lalpa na hi ka sep dinguh; amah chuh ka Pathien uh ahi ngâl a,” a tiu a, a dâwng u a.

SAM LEHKHABU THE PSALMS 99:3

Amau chun na min lopi tak leh lauh-um tak pakchau hen; Amah chuh a thiengtho ngâla.

NAHUM 1:2

Lalpa chuh thikthusie Pathien leh phuba la Pathien ahi. Lalpa chun phuba a la a, lungnatna a dim ahi. Lalpa’n a melmate chungah phuba la’n tin, chun, a melmate dingin lungnatna a khawlkhawm hi.

THIEMPUDANTE 11:44

Kei hi, Lalpa na Pathien uh ka hi a, zieziekchun, kihihthiengtho un, kei ka thiengtho ngâl a. Lei chunga chêng a bawka vak thawh chi himhim chun kisubuok kiu in.

THIEMPUDANTE 11:45

Kei hi, Lalpa na Pathien uh hi dinga, Aigupta gam apat a hun puidawkpa chuh ka hi. Na thientho dinguh ahi, Kei ka thiengtho ngâl a.

ISAI 2:9

Khutichun, mitin chuh sukniem leh sukmuolpho in a um u a, zieziekchun, Lalpa amau haw chuh ngaidam ki’n.