JOSHUA 24:15 - PATHIEN LEKHABU THIENGTHO (BSI)

¹⁵ Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.

JOSHUA 24:15 ပူးပေါင်းရင်းမြစ်များ

1 LENGTE 18:21

Chun, Elijah chun mipi haw chuh a va naih a, “Lung-awpkai a bang chan a na um ding uh? Lalpa chuh Pathien a hih chun zui unla, chun, Baal chu Pathien a hih chun amah chu zui un,” a ti a. Mipite chun kam khat cha’n le a dâwng puou a.

DAN NIHNA 29:18

Khutilochun, na lak u ah pasal ahim, numei ahim, inkuon ahim, phung ahim zie nam pathiente ho ding chun a lunggil un tuhin Lalpa I Pathien u chuh kiheisan in, na lak u ah thil kha leh gamsai kehdawkna bulhaw hung um khapalh kha’n lau.

EZEKIEL 20:39

Nang u chuh na hih u leh, Aw Israel insung mite haw, Lalpa Pathien chun hiti hin a tii: “Chieh unla, na milim hawu na chuh sem chiet mai tau u! Ahihziekin, tunung leh ka thu hun ngaitha ta’n na tin un, ka min thiengtho chuh na thilpiek hawu leh na milim hawu chun subuok ta puo’n lau.

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

PAWTDAWKNA 23:24

A pathienteu chuh na ho ding uh ahi puoh a, a nau le na sep ding uh ahi puoi, a thilhih hawu bang chu le na hih ding uh ahi puoi; na sukchip suok ding uh ahi a, a suongphuh teu chuh na suknel sak suok ding uh ahi.

VAIHAWMTE 6:10

Chun, kei hi Lalpa na Pathien uh ka hi, zie a na umnau gama Amor Pathien te hi na ho loh dinguh ahi, ka ti a; himahlele, ka thugen chuh na zawp ngâl puou a, a ti ie,” ti’n.

THILSIEMBUL 18:19

Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.

SAM LEHKHABU THE PSALMS 101:2

Lampi phabukim ah chun ching takin um ing ka ting: Aw bangtik leh ka kieng ah na hung dem: Ka insung ah lunggil phabukim pu’n um ing ka.

SAM LEHKHABU THE PSALMS 119:106

Na vaihawmna diktatte zui dingin, Ka kihâksiela, ka hihdet tai.

DAN NIHNA 13:7

Na kawm u a chêngte pathien ahim, gam gamla taka chêngte pathien ahim kâwlmawng langkhat a pata langkhat chan mite ho dingin a hun hopih thei u a.

PAWTDAWKNA 34:15

Khutilochun zie gama mite kawm achun thu gawlh un na tin, a pathienteu ah zawlsai un na tin, a pathienteu kawm achun kithawi un na tin, a hun chiel tieng u leh a kithawihnau chuh ne kha’n lau.

THILSIEMBUL 35:2

Chun, Jakob in a inkawte leh a kawma um cheng chengte kawm achun, “Na lak u a midang pathien um haw chuh kawihmang kêi un; kisuthieng unla, na silhlechen hawu theng un:

JOSHUA 24:16

Chun, mipite chun a dâwng u a, “pathien dangte nasem dingin Lalpa Pathien chuh nusieh hiel puo’ng kau,

DANIEL 3:18

Khutichu hi kimawng lele na pathien na chuh sem puo’ng ka ting un, chibai bûk diek puo’ng kau tih hi he’n,” a tiu a.

MIKA 4:5

Namtin te chun amau pathien chiet ho in a thu zawp un tin uh, Himahleh Kei hawn vang, Lalpa ka Pathien chuh ho in, a thu zawp ing kau.

PAWTDAWKNA 23:2

Thil diklo hih dingin mipi chuh na mawk zuih ding ahi puoh a; mi thubuoi ale a hetpihtu a na pan tieng leh, a dik zaw thiemloh chan sak dingin a tam lam lama chuh na pan zieng ding ahi puoi;

THIEMPUDANTE 14:42

Zie a suong kiladawkte thasanga chuh suong dang mata, a châlna le a thak a mat a, bang chule a thak a bawl ding ahi.

1 KHANGTHUBU 1:14

Jebus te, Amor te, Girgash te;