JOSHUA 23:16 - PATHIEN LEKHABU THIENGTHO (BSI)

¹⁶ Chun,Lalpa na Pathien uh thugawlh, zawp dinga a hun piek uh hi na bawhsiet uh a, Pathien dangte na nasep u a, khûn a chibai na bûk u chun, Lalpa lungnatna chuh na chung u ah um intin, gam phatak a hun piek uh apat hin mangthai pai zieng ding na hiu hi,” a ti a.

JOSHUA 23:16 ပူးပေါင်းရင်းမြစ်များ

2 LENGTE 24:20

Tichun, Jerusalem leh Judate chung achun Lalpa a lungna ta a, tichun, a mit muh phâk loh ah a nawhmang ta a. Zedekia chu Babulon lengpa chungah a kiphin zing a.

1 LENGTE 14:15

Tui in phailuong kung a suklîng lîng bangin, Lalpa’n Israel te gawt intin; a pulepateu kawma a piek zie gam phataka kipat hin Israel bawt dawk intin, lui gâl lam ah chun theh dalh suok in a, Lalpa lungnat sak dinga Asher te chu a siem ziekun.

2 LENGTE 17:7

Samari khuo hung sietna ziek chu, Israel chate chun Aigupta leng Pharaoh khut apat, Aigupta gam apat a puidawkpa, Lalpa a Pathien uh chung ah thil a hihkhiel u a, pathien dangte a ho ziekuh ahi.

JEREMIA 32:24

“Entie, khawpite, tângte chuh la dingin a hung u a, khawpi chuh Kaldai te khuta piek ahi ta a; a hun dote chuh Chemzâmte, kielte, hipite ziek chun, ti chun, na gensa haw chuh a hung ta a, entie na mu hila.

KISIMNA 33:56

Chun, amau haw chunga ka hih guot haw chuh nang u chunga hih ding ka hi,” ti’n a ti a.

DAN NIHNA 6:15

Na lak u a um zing, Lalpa na Pathien u chuh Pathien thikthusie ahi ngâl a; khutilochun, Lalpa na Pathien uh lungnatna chun mei guolin hun kâng intin, lei chung apat hin hun sumangthai kha’na.

DAN NIHNA 17:3

Thu ka hun piek kalh a pathien dangte na a sep a, nisa ahim, thapi ahim, van lam thilte ho a;

DAN NIHNA 28:15

“Ahih ziekin, hiti hi hung hi’n tin, Lalpa na Pathien u aw chuh gunchuh taka na ngaihthak loh u a, tunia thu ka hun piek thupiek haw chengcheng hi chingthei taka na zuih loh u chun zie gâusapna haw chengcheng hi na chungu ah hung tung intin, hun delhzui zing ina.

VAIHAWMTE 2:14

Khutichun, Lalpa chuh Israel chate chung achun a lungna ta a, a melmateu khut achun a pie ta a; tichun a kimvel u a a melmateu khut apat chun a kivêng zo ta puou hi.

VAIHAWMTE 2:20

Chun, Lalpa chuh Israel te chungah a lungna ta a, “Zie namte hin a suonteu thu ka piek, ka thugawlh chuh a bawhsieu a, ka thu a zawp ta puou hi,

1 SAMUEL 12:25

Ahih ziekin thil phalo tak na hih zel u chun, nang haw leh na lengpau le sukmangthai hin lau,” a ti a.

1 LENGTE 9:6

Amahvang chuh nang na him, na suonte ahim nei zuih uh chu na kiheimang u a, ka thupiekte leh ka thuguot te ka hun hetsak hi na pawm loh u a, pathien dangte na sema, na va ho u chun,

1 LENGTE 9:7

Israel te haw hi gam ka piek apat chun hih mangthai ing ka ting; zie ka min a dinga ka hih thiengtho sa hi ka mitmuh ngêi in paih ing ka. Tichun Israel te hi namtin chengte lak ah muhsit leh thupil a gensiet mai hung hi’n a.

ISAI 24:5

Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.