JOSHUA 23:13 - PATHIEN LEKHABU THIENGTHO (BSI)

¹³ Lalpa na Pathien un ziehaw namte hi na mitmuh u chun hun nawhdawk sak ta hiel puo’n tin, Lalpa na Pathien un gam phatak a hun piek uh apat hin, na manthai suok kêi macheng uh amau haw chuh nanguh haw dingin thâng leh piel leh, na nungzang uh a dinga zêpna mawlh leh, na mit uh a dingin ling hung hi zaw ding ahi tih chientakin heu in.

JOSHUA 23:13 ပူးပေါင်းရင်းမြစ်များ

DAN NIHNA 7:16

Chun, Lalpa na Pathien un a hun piek ding nam chengcheng te chuh na sukmangthai vek dinguh ahi; na lungsiet dinguh ahi puoh a, a pathienteu na le na sep dinguh ahi puoi; zie chuh nang u dingin thâng hi ding ahi ngâla.

KISIMNA 33:55

Amahvang zie gam a umte chuh na nawhdawk loh u chun, na umsak teu chuh na mit uh a dingin buoksie leh na taksau a dinga ling hiu untin, na chênna gam u achun hun subuoi zing ding ahiu hi.

PAWTDAWKNA 23:33

Na gamsung u a a chên loh ding uh ahi, khutilochun kei chung ahin thil gilo hun hih sak kha’n au; a pathienteu na na sep u chun nang u a dingin thâng hi tei ding ahi,” ti’n a ti a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

SAM LEHKHABU THE PSALMS 69:22

A masang uh a a dawhkhâng u chu thâng na hi hen la; Thamuong taka a um lai un piel a na hi hen.

2 TIMOTHE 2:26

Khutichun, Diabol thâng a awkte chuh Pathien deih bang sem dinga a hung suohchak theih na dingun.

2 LENGTE 25:26

Tichun, mi chengcheng alien aneu in sepaih lawiupate tawh a pawt u a, Babulon te a lauh ziek un Aigupta gam ah a chieh tau a.

DAN NIHNA 30:18

Mangthai ngêi ngêi ding na hiu hi tih tuni hin ka hun hilh na hiu hi; Jordan lui kân a, luoh dinga na va lutnau gam achun dam sawt puo’n lau.

DAN NIHNA 29:28

Chun, iplah leh lungna leh hachangthak in Lalpa’n amau chuh a gam u apat in a bawt dawka gam danga a paih lut ahiu hi, tunia amau haw na muh guol ngêi hin,’ ti’n au.

DAN NIHNA 4:26

Jordan gâlkai a, na va luoh dinguh gam apat chuh beimang pai zieng ding na hiu hi tih na chungchâng thuu a ei hetpih dingin tuhin lei leh van ka sam hi; cheng sawt puo’n na tin un, beimang vek zieng inlau.

2 LENGTE 25:21

Zie tak achun leng chun a zêp diek a, a that ta a. Khutichun, Judate chu, a gamsung uh apat, sala puih dawkin a hung um tau hi.

1 LENGTE 11:4

Chun, hiti hi a hung hi a, Solomon chu a hung upat nung chun, a zite chun pathien dangte lam ah a lunggil a puih kawi sak tau a. Tichun a pa David bangin Lalpa a Pathien lam ah a lunggil chuh a hung pha bukim ta puoh a.

PAWTDAWKNA 10:7

Chun, Pharaoh miliente chun a kawmah, “Zie pa hin bang chan ahim ei sukbuoi zing ding? Ziete hin Lalpa a Pathien uh a ho theihna dingun chiehsak mai ta’n la. Aigupta gam hi suksiet ahi tai tih helo na him?” a tiu a.

PAWTDAWKNA 34:12

Chingthei in, khutilochun, na chieh na ding gama chêngte kawma thuthun in na tin, zie chuh na lak u a ding in thâng hung hi kha’n a.

PAWTDAWKNA 34:16

Chun, na chapateu a dingin a chanuteu nei un na tin, a chanuteu chun a pathienteu ho sak un tin, na chapateu le a pathienteu kawmah zawlsaih sak kha’n au.

EZEKIEL 28:24

Khutichun, Israel inkuon dingin a sun ding hamlingnei um ta puo’n tin, a kimvel u a amau musitte lak ah a suna ding ling um ta puo’n tin; khutichun, Lalpa Pathien chuh ka hi tih he’n au.

VAIHAWMTE 2:21

Ken le tu a kipat chuh Joshua’n a nawhdawk loh, a thihsan namte chuh nawhdawk sak ta puo’ng ka.

2 LENGTE 17:18

Zieziekchun, Lalpa chuh Israel te chungah a lungna ta mah mah a, a mitmuh apat in a chawn mang kêi ta a, Juda lenggam chauh chu a hâwi ta a.

2 LENGTE 17:20

Chun, Lalpa’n Israel chate cheng chu deih lo in, a gawt ta a, a mitmuh apat a a delh mang macheng chun, melma gilo takte khut ah a pie ta a.