JOSHUA 23:10 - PATHIEN LEKHABU THIENGTHO (BSI)

¹⁰ Na lak uh a mi khat in mi sangkhat delh intin; na kawma a gensa bang khan, Lalpa na Pathien un ahi, nanguh a dinga a hun do sak sek chuh.

JOSHUA 23:10 ပူးပေါင်းရင်းမြစ်များ

DAN NIHNA 32:30

Bangti’n e mi khatin sang khat a delh a, Mi nih in sing a taihsiet sak dinguh, A Suongpiu in a nutsieh a, Lalpa’n a piekdawk ahih loh ngâl chun?

THIEMPUDANTE 26:8

Mi nga’n za khat delh un na tin uh, zakhat in sangsawm delh un na tin, na melma teu chuh na mau ah chemzâm a thah in um un au.

DAN NIHNA 3:22

Amau chuh lau kiu in; Lalpa na Pathien un, amah ngêi in, hun dopih ding ahi ngâla,” ti’n thu ka pie a.

PAWTDAWKNA 14:14

Lalpa’n hun do sak intin, nang uh vang na um hiet hiet mai dinguh ahi,” a ti a.

SAM LEHKHABU THE PSALMS 35:1

Aw Lalpa, ei sawisate chuh nangin sawisa’n la: Ei dote chuh nangin do inla.

DAN NIHNA 20:4

Guolzawhna na chan theihna ding u a na melmateu do dinga hun umpih zing chuh Lalpa na Pathien uh ahi ngâla,’ a tih ding ahi.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

SAM LEHKHABU THE PSALMS 46:7

Sepaih hawnte Lalpa chuh I kawm u ah a um a; Jakob Pathien chuh I insang uh ahi.

JOSHUA 23:3

Lalpa na Pathien un nangmau haw zieka zie nam haw chengcheng chunga a hih dân hi na muu a; Lalpa na Pathien un, amah mawng in ahi, a hun do sak chuh.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

JOSHUA 10:42

Zie lengte chengcheng leh a gam uh chuh, Lalpa, Israel Pathien in Israel te chuh a do pih ziekin, Joshua chun tumkhat in a la suok kêi ta a.

VAIHAWMTE 15:15

Tichun, sabiltung khabeguh thak khat a mu a, a vak bana, a la a zie chun mi sangkhat a khen lum ta a.

2 SAMUEL 23:8

Ziehaw hi David sepaih hangsante min chu ahi: Takemonmi Josheb-bashebeth chu sepaih lawiupate laka a lienpen ahi a; amah chu tum khata mi zagiet thatpa Eznite mi Adino a tih pau mah kha ahi.

VAIHAWMTE 3:31

Chun, zie nung chun Anath chapa Shamgar chuh a hung kilang a; amah chun bâwng sutna mawlh in Philistia mite chuh zagup hiel a sun lum a; tichun, Israel chate chuh a hukdawk tai.

DAN NIHNA 20:3

‘Aw, Israel te haw, ngaiun, tuni hin na melmateu do ding na hi tau a, lungkie kiu inla, lau kiu in; tiza kiu inla, a masang u ah taisie kiu in,

DAN NIHNA 28:7

“Na melmateu nang u hun do dinga hung kipan haw chuh Lalpa’n hun zawhsak intin; a hun do dingin lampi khat hun hawh intin un, na mau ah lampi sagih ah taizak in au.

DAN NIHNA 32:20

‘Kiselmangsan ing ka, Bang a hung suok um, en ka,’ a tii. Khang ngaihnabei, ginumlo chate ahiu.

JOSHUA 23:11

Zieziekchun Lalpa na Pathien u chuh hehpih dingin chingthei takin um un.

1 KHANGTHUBU 5:22

Zie kidona chu Pathien phasakpih a hih ziekin, mi tamtak a that u a. Sala puih manga a um macheng u chun, zie gam achun a cheng zing tau hi.

ISAI 30:17

Mi khat lau in mi sang khat tai un na tin; mi nga lau in, a hawn in taisie dup dup unlau; a tâwp leh, tângsip a piel pak tak bang leh, muol chunga melchikna um bangin nutsieh in um unlau.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

THIEMPUDANTE 26:7

Chun, na melmateu chuh delh un na tin, na masang u ah chemzâm a thah in um un au;

1 KHANGTHUBU 5:20

Pathien achun a ginnau a ngau a, a kawma chun panpihna a ngên u a, tichun, Pathien in a ngetnau chu a dâwng a, Hagri te leh a kithuohpihteu chunga chun zawhna a pie ta a.