JOSHUA 23:1 - PATHIEN LEKHABU THIENGTHO (BSI)

¹ Chun, hiti hi ahi a, kum bang zah ahim a hunghih nung in Lalpa’n Israel te chuh a kimvel a melma chengcheng lak apat chawlhna a piek nung chun Joshua chule a hung upa’n a hung têk ten ta a.

JOSHUA 23:1 ပူးပေါင်းရင်းမြစ်များ

JOSHUA 13:1

Chun, Joshua chuh a hung upa a, a hung têk ten ta a, chun, Lalpa’n a kawmah, “Na hung upa a na hung têk ten ta a, gam lak ding lah a tam ten nalai ngâl a,” a ti a.

JOSHUA 21:44

Chun, Lalpa’n a suonteu kawma kipautiema a na tiem bang tak chun muntin ah chawlhdamna a pie a; Lalpa’n a melma teu chengcheng chuh a khut u a a piek ziekin, a melmateu chuh kuomah a masang u ah a pang thei mawngmawng a um puou hi.

JOSHUA 11:23

Khutichun, Lalpa’n Mosi kawma a gen haw bang tak khan Joshua chun gam pumpi chuh a la ta a; Joshua chun Israel te haw chuh a phung uh kikhen dân bang zelin a go chan dinguh a pie chiet a, tichun gam chuh gâlmuong in a um tai.

SAM LEHKHABU THE PSALMS 46:9

A mah chun kido na haw hi kâwlmawng chan in a suhai sek a; Thalpo chuh ahih bawnga, tiengcha chu sattan seka; Kangtalai haw chu mei in a hâl mang sek a.

JOSHUA 22:4

Lalpa na Pathien un a kawmuh a a na gen tâk bang khan, na suohpih teu hi chawlhdamna a na pie ta a; zieziekchun, Lalpa suok Mosi’n Jordan gal suohlam a na chanvo ding u a gam a hun piek nau, na In lam hawu achun chieh kit tau in.

DAN NIHNA 31:2

A kawm u ah, “Tuhin chuh kum za leh sawmnih ka hi ta a; vakviel thei ka hita puoh a, na mau ka kai thei ta puoi; zielo a chun le, Lalpa’n, ‘Zie Jordan lui hi galkai lo ding na hi,’ ei ti a.

THILSIEMBUL 25:8

Abraham chuh kum ting tak, têkkûn a dam in a thi a, a chipihte kawm achun puih in a um tai.

ISAI 63:14

Luiphai lei phatna muna gan guolte puih a a um bangun. Lalpa thagau chun amau chuh chawlhdamna a pie a, khutibang chun min lopi tak na kisiem na dingin na mite chuh na pui kha” ti’n.

1 SAMUEL 12:2

Tuhin ngaitiem u, leng chun na mau a pui ta a: kei chu ka têk in ka sam le a kângzo ta a: chun, ngaitiem u, ka chapate chu na kawm u ah a um u a; ka tangval tûng apat tuni chan hin na mau ka na pui a.

1 LENGTE 1:1

Chun, leng David chuh a hung upa a, a hung têk ten ta a; a suokte’n puon haw silh sak mahleu le lum a sa thei diek puoh a.

1 KHANGTHUBU 23:25

David in, “Lalpa Israel Pathien in a mite chu: gâlmuong takin a umsak a, Amah ngêi chu Jerusalem a chun a um zing ta a.

1 KHANGTHUBU 27:1

Chun, Israel te tam dân chu-inkuon lawiupate, sepaih sangkhat chunga lawiupate, zakhat chunga lawiupate, lam chuom chuom a leng nasem cheng cheng, kum khat sunga tha chenga thu lut leh thu pawt dungzuia kitheng zel sek haw chu mi singnih leh sangli ahiu hi.

2 KHANGTHUBU 14:1

Khutichun leng Abijah chu a thi ta a, David khawpi ah a vui u a, A thasang in a chapa Asa a lal tai. A mah hun in gam chuh kum sawm zet gâlmuong in a um tai.

2 KHANGTHUBU 14:5

Juda te khuo chengcheng a milim pathien hona um leh milim te le a sukmang ziekin, amah nuoi a gam chu gâlmuong in a um ta a.

2 KHANGTHUBU 20:30

Khutichun Jehoshaphat chun muong tak in vai a hawm a, ning tin achun Pathien in bitna a pie a.