JOSHUA 22:28 - PATHIEN LEKHABU THIENGTHO (BSI)

²⁸ Zieziekchun, hiti hih hi’n tin, tunung leh I kawm u ah ahim, I suonteu kawmah ahim, khutibanga a hun tih hun u a ei uh haw’n, ‘En tau u, ei suonteu in Lalpa maichâm tawbang a siem u hih, hâlmang thillatna ding leh kithawihna ding hilo in; kei uh haw leh nanguh haw kikala hetpihtu dingin a hih uh ahi zawi,’ a hun tih dinguh a ka siem uh ahi.

JOSHUA 22:28 ပူးပေါင်းရင်းမြစ်များ

HEBRAI 8:5

Ziete haw chun van a um haw lim leh a tawbang maimai chuh a sem sek uh ahi. Mosi’n hobuk a sak ding kuon vela Pathien in a kawm a, “Tanga etkalpih ding etsak a na um bang khan, bangakai siem dingin chingthei ah,” a tih bang khan.

PAWTDAWKNA 25:40

Tichun tânga a lim ka hun etsak bang ngêi a khah kuhkal taka na siem ding ahi tih hezing in.

2 LENGTE 16:10

Chun, Leng Ahaz chu, Asuria leng Tiglath Pileser hopih dingin, Damaska khuo ah a chieh a, Damaska khuo a maichâm chu a va mu a; tichun, leng Ahaz chun, zie maichâm lim leh a siem dân bang tak chu va la dingin thiempu Uria a sawl kit a.

JOSHUA 22:27

Kei uh haw leh nanguh haw leh, I nung u a I suonte hawu kikal a hetpih dingin, tichun I hâlmang thillat teu leh I kithawihnateu leh, I chamna thillat teu hin Lalpa na I sep theihna dingun leh a suonteu inle tunung leh ka suonteu kawm achun, Lalpa ah chanvo na nei puou hi, a hun tihloh na dingun,

JOSHUA 22:29

Lalpa chung achun kiphin in tuni hin Lalpa kiheisan a Lalpa I Pathien uh maichâm, hobuk kawma maichâm tihloh hi hâlmang thillat na’n ahim, nek ding thillat na’n ahim, kithawih na ding ahim a maichâm siem ka hih loh zieu mai chuh,” a tiu a.

THILSIEMBUL 31:48

Chun, Laban chun, “Zie suong tienkhawm hi tuni hin kei leh nang kal a hetpih ahi hi,” a ti a.

JOSHUA 24:27

Chun, Joshua’n mipite kawm achun, “Entiem u, zie suong hi I thuu ei hetpih hi hen; Lalpa’n I kawmuh a thu a gen chengcheng chuh a za suok kêi ahi. Zieziekchun na thu hetpih uh hi ding ahi a, khutilochun na Pathien u hi kihet mawhsak kha’n lau,” a ti a.

ISAI 19:19

Zie ni chun, Aigupta gam lailung lai tak ah Lalpa dingin maichâm um intin, a gamgi achun Lalpa dingin suongphuh um ina.