JOSHUA 22:27 - PATHIEN LEKHABU THIENGTHO (BSI)

²⁷ Kei uh haw leh nanguh haw leh, I nung u a I suonte hawu kikal a hetpih dingin, tichun I hâlmang thillat teu leh I kithawihnateu leh, I chamna thillat teu hin Lalpa na I sep theihna dingun leh a suonteu inle tunung leh ka suonteu kawm achun, Lalpa ah chanvo na nei puou hi, a hun tihloh na dingun,

JOSHUA 22:27 ပူးပေါင်းရင်းမြစ်များ

JOSHUA 24:27

Chun, Joshua’n mipite kawm achun, “Entiem u, zie suong hi I thuu ei hetpih hi hen; Lalpa’n I kawmuh a thu a gen chengcheng chuh a za suok kêi ahi. Zieziekchun na thu hetpih uh hi ding ahi a, khutilochun na Pathien u hi kihet mawhsak kha’n lau,” a ti a.

THILSIEMBUL 31:48

Chun, Laban chun, “Zie suong tienkhawm hi tuni hin kei leh nang kal a hetpih ahi hi,” a ti a.

JOSHUA 22:34

Chun, Reuben suonte leh Gad suonte chun zie maichâm chuh Ed a min vawh u a; “Lalpa chuh Pathien a na hi ngêi na hi tih I kal u ahin hetpihtu ahi hi,” a tiu hi.

DAN NIHNA 12:11

Lalpa na Pathien un a Min umna dinga a guot ding muna na hun chawih dinguh ka tih chengcheng chuh zie a chuh na hun chawih dinguh ahi, na hâlmang thilpiekteu, na kithawihnateu, na sawma-khatteu, na pei thilpiekteu, na neih lak u a phapen Lalpa dinga na tiem hawu chuh;

1 SAMUEL 7:12

Khutichun, Samuel chun suong a la a, Mizpah leh Shen kikala chun a phut a, “Hiti tieng hin Lalpa’n ei na panpih ahi” ti’n a min dingin Eben-ezer a sa a.

JOSHUA 22:10

Chun, Kanaan gamsung a Jordan lui gamgi Geliloth a va tun u chun Reuben suonte, Gad suonte leh Manasseh nam kimkhatte chun Jordan lui pang achun maichâm lientak kidawh tak a siem tau a,

THILSIEMBUL 31:52

Thil kisuksiet sak dingin, ken zie suong tienkhawm hi kan in nang kawm lam ah hung puo’ng ka, tih leh, nang le zie suong tienkhawm leh zie suongphuh hi khel in ka kawm lam ah hung lo ding na hi tih, zie suong tienkhawm hi ei hetpih hi henla, zie suongphuh hile ei hetpih hi hen.

JOSHUA 22:26

Zieziekchun, hung tiem u, maichâm siem hitiu, hâlmang thillat leh kithawihna dingin vang hilo in:

JOSHUA 22:28

Zieziekchun, hiti hih hi’n tin, tunung leh I kawm u ah ahim, I suonteu kawmah ahim, khutibanga a hun tih hun u a ei uh haw’n, ‘En tau u, ei suonteu in Lalpa maichâm tawbang a siem u hih, hâlmang thillatna ding leh kithawihna ding hilo in; kei uh haw leh nanguh haw kikala hetpihtu dingin a hih uh ahi zawi,’ a hun tih dinguh a ka siem uh ahi.

SAM LEHKHABU THE PSALMS 16:5

Lalpa chuh ka gochan ding leh ka khawn chan ding chuh ahi. Nang in ka chanvo chuh nei sukdet sak sek a:

ISAI 19:19

Zie ni chun, Aigupta gam lailung lai tak ah Lalpa dingin maichâm um intin, a gamgi achun Lalpa dingin suongphuh um ina.