JOSHUA 22:26 - PATHIEN LEKHABU THIENGTHO (BSI)

²⁶ Zieziekchun, hung tiem u, maichâm siem hitiu, hâlmang thillat leh kithawihna dingin vang hilo in:

JOSHUA 22:26 ပူးပေါင်းရင်းမြစ်များ

JOSHUA 22:25

Nanguh haw Reuben suonte leh Gad suonte haw, Lalpa’n nanguh leh kei uh dingin Jordan hi gamgi dinga a siem ahi; Lalpa ahin chanvo na nei ding um,’ hun ti kha’n au ti a, chittheihna ziekin, umzie nei taka ka hih uh ahi, na suonteu in ka suonteu chuh Lalpa lauhna châng helo in hun siem thei ding ahiu a.

JOSHUA 22:27

Kei uh haw leh nanguh haw leh, I nung u a I suonte hawu kikal a hetpih dingin, tichun I hâlmang thillat teu leh I kithawihnateu leh, I chamna thillat teu hin Lalpa na I sep theihna dingun leh a suonteu inle tunung leh ka suonteu kawm achun, Lalpa ah chanvo na nei puou hi, a hun tihloh na dingun,

ISAI 19:19

Zie ni chun, Aigupta gam lailung lai tak ah Lalpa dingin maichâm um intin, a gamgi achun Lalpa dingin suongphuh um ina.

JOSHUA 22:29

Lalpa chung achun kiphin in tuni hin Lalpa kiheisan a Lalpa I Pathien uh maichâm, hobuk kawma maichâm tihloh hi hâlmang thillat na’n ahim, nek ding thillat na’n ahim, kithawih na ding ahim a maichâm siem ka hih loh zieu mai chuh,” a tiu a.

VAIHAWMTE 6:24

Khutichun, Gideon in zie mun achun Lalpa a dingin maichâm a siem a, Jehovah-Shalom a sa a; tuni tieng hin Abiezrite mite gam a Ophrah mun ah a um zing hi.