JOSHUA 22:18 - PATHIEN LEKHABU THIENGTHO (BSI)

¹⁸ Ahih leh, tuni a hih Lalpa chuh kiheisan na guot taktak uh ahim? Lalpa chunga na kiphin tâk ziek u hin, Amah chuh zing leh chuh Israel mipi haw chengcheng chungah lungna tei in a.

JOSHUA 22:18 ပူးပေါင်းရင်းမြစ်များ

KISIMNA 16:22

Tichun amau chuh tuol ah a khupbawk u a, “Aw Pathien, hinna nei phehlevo chengcheng te bulpi na hi a, mi khat gitloh ziekin mipite chung ahin na lungna ding a ahim,” a tiu a.

JOSHUA 22:16

“Lalpa mipi haw chengcheng in, Israel te Pathien chunga na hihkhelh uh hi bang ahi, tuni hin Lalpa chunga kiphin guo a maichâm siem in Lalpa chuh na kiheisan uh ahim?

2 KHANGTHUBU 34:33

Leng Josia chun Israel gam in a huop chengcheng a pat in thil kihdak-um cheng chu a paihmang a, Israel gama um chengcheng te chu Lalpa a Pathien uh na a sepsak a. Chun, a damsung in Lalpa a pileputeu Pathien na chu a sem ui.

2 KHANGTHUBU 25:27

Khutichun Amaziah chu Lalpa zuih a haihsan nung in Jerusalem ah a phiel u a, Lakish khuo ah a tai a; Himahleh Lakish khuo a chun mi a delhsak u a, zie tak achun a that tau hi.

1 KHANGTHUBU 21:14

Khutichun, Lalpa’n Israel te lak achun hipi a lên sak ta a, Israel te haw chu singsagih a thiu a.

1 KHANGTHUBU 21:1

Chun, Setan chun, Israel chate chunga buoina siem a nuom a, tichun, David chu mi sim nawpna lungthim a neih sak ta a.

2 LENGTE 17:21

Lalpa’n Israel te chu Juda nam apat a a khenchuom nung chun, Israel te chun, Nebat chapa Jeroboam chu a leng dingun a kisiem u a. Jeroboam chun Lalpa kinungheisan in, gitlohna huoisie tak ah a puilut ta a.

1 LENGTE 9:6

Amahvang chuh nang na him, na suonte ahim nei zuih uh chu na kiheimang u a, ka thupiekte leh ka thuguot te ka hun hetsak hi na pawm loh u a, pathien dangte na sema, na va ho u chun,

2 SAMUEL 24:1

Chun, Israel te chung a chun Lalpa lungnatna chu a hung kuong dawk kit ta a, “Chieh inla, Israel mi leh Juda mite sim vekin,” ti’n David chu a sietna dinguh hih dingin a châwk tho a.

1 SAMUEL 12:20

Chun, Samuel chun mipite kawm achun, “Laukiu in, zie thil phalo tak hi na na hih ngut tau a, ahihziekin Lalpa na zuihnau apat hin petmang kiu inla, na lungthim chengcheng un Lalpa na chu sem zawu in;

1 SAMUEL 12:14

Lalpa chu na lauh u a, a na nasep uh a, a thu na awih u a, Lalpa thupiek haw na helsan loh uh a, nang haw leh na chung u a vaihawm na lengpau in Lalpa na Pathien u chu na zuih zawm zel u chun pha’ntin:

JOSHUA 22:20

Zerah chapa Akan khan thil zek a khan thil a hihkhiel a Israel mipite chung akhan lungnatna a kie hilo ahim? Akan kha amah hihkhelhna ah amah mai in a mangthai chuom puoh kha, a tiu a puo,” ti’n a gen u a.

JOSHUA 7:21

Gâllâk laka van Babulon gam puon phatak leh, dangka sekel zanih leh, sana tang sekel sawmnga bûk ka mu a, ka deih bêka ka na la ta mai hi; ngaitie, ka puon-In sunga lei a selguk ahi a, a nuoi ah dangka chuh a um hi,” a ti a.

JOSHUA 7:11

Israel te hin thil a hihkhiel uh ahi; ka thugawlh zawp dinga thu ka piek kha a bawhsieu a; thil thienglo kha a lau a ahi; gûk le a gu a, sel le a selguu a, a thuomphuo lak ngêi u ah a selguu hi.

JOSHUA 7:1

Himahleh Israel chate chun thilzek achun thil a sukhiel tau a; Juda phung a Zerah chapa Zabdi chapa Karmi, zie pa chapa Akan chun thilzek chuh a na la ta a, tichun Israel te chung achun Lalpa a lungna ta a.

DAN NIHNA 7:4

Khutilochun, na chapateu haw hi ei zuihnau apat in pathien dang haw hona lam ah pui kawi intin un; chun, Lalpa lungnatna chuh na chunguh a hung kuong in thakhat in hun sumangthai kha khâna.

THIEMPUDANTE 10:6

Chun, Mosi chun Aron leh a chapate, Eleazar leh Ithamar te kawm achun, “Mithi sûn na hiu ui tih hetna dingin, na sam u chuh subuoh kiu unla, na puonteu le bawtthêk diek kiu in. Khutia chuh na hih u chun, thi ding na hiu a, Lalpa lungnat chuh mipite chunga hin um kha’na. Himahlele, Lalpa kawm apat a mei hung zieka thihna um hi, na suohpih uh Israel inkuon teu sûn vang chuh phal ahi.

KISIMNA 32:15

Tu a nang haw Reuben te leh Gad te hin na zuih nawp loh kit u chun, zie mipite hi thalek a hin umsak kit intin, a sietnau mawh na puok dinguh ahi,” a ti a.

JOSHUA 22:15

Chun, Reuben suonte, Gad suonte leh Manasseh nam kimkhatte kawmah Gilead gam achun a chieh tau a, a kawm u ah,