JOSHUA 22:15 - PATHIEN LEKHABU THIENGTHO (BSI)

¹⁵ Chun, Reuben suonte, Gad suonte leh Manasseh nam kimkhatte kawmah Gilead gam achun a chieh tau a, a kawm u ah,

JOSHUA 22:15 ပူးပေါင်းရင်းမြစ်များ

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

1 KORINTH 5:4

Thil khuti hiela hihpa chuh, tuhin le, Lalpa Isu min in na lak uh a tel guolin, a chung thu ka ngaihtuoh zo tai. Nang haw na kikhawp khawm u a, keile thagau a na lak u a ka tel na chun; I Lalpau Isu thilhih theihna chuh I laku ah a um ziekin,

1 KORINTH 1:10

Chun, suohpihte, na bawn u a na thugen hawu a na kithuguol u a, na lak u a kibungkhenna a um lohna dingin, Lalpa Isu Krista min in ka hun nget na hiu hi. Ngaihtuoh munkhat leh, tup kibang in dettak in um un.

MATTHAI 18:17

Chun, amau haw thu le a ngaih loh zel leh, sapchuomte kawmah tun ah; chun sapchuom thu le a ngaih loh chun, amah chuh nang dingin Jentel leh siehdawl bang hi hen.

ISAI 63:10

himahleh, a chungah a kiphin uh a, lungkhamna’n a tunkhum sek uh ahi. Zieziekchun, a chungu ah Lalpa a lungna ta a, amau haw chuh a do ta a.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

EZRA 9:15

Aw Lalpa Israel Pathien, nang na diktat ngâla, a um nalaite leh a suokcha te ka hiu a, tuni a na muh guol hin. Ngaitie, ka gitlohnau kipuok zingin na masang ah ka um u a, zieziek hin na masang ah kuomah ding thei lo ding ahi ngâla,” ka ti a.

EZRA 9:2

Zie gam mite chuh suon pawlhcheh suong dingin a chanu teu zi’n a nei u a, a chapa teu chuh zi’n a neih sak u a; khutichun, nam thiengtho chuh a subuok zo tau hi. Ahi a milien teu leh vaihawm te chuh zie tawbang thil gilo bawlna achun a makai pên in a pang u a,” ti’n ei hung hilh u a.

2 KHANGTHUBU 28:13

A kawm u ah, “Zie sala matte chu hun puilut kiu in, Lalpa deihloh lam hih in na na gilo tau a, ei gawt dingin ka sulungna tawk tau hi. Tuhin, ka thiemmawhnau behlap dingin bang ahim khat ei hih beh sak guo na hiu hi,” a tiu a.

2 KHANGTHUBU 26:18

A kawm achun, “Uzziah; Lalpa kawma gimlim hâlna dingin thuneihna na nei puoi. Aron suona thiempu te chauh chu zie hih ding a chu kawihchuom ahiu ui. Zie munthiengtho hi pawtsan vak in, Lalpa Pathien na dodal a, a vangsakna le changlo na hi tai,” a tiu a.

2 KHANGTHUBU 25:27

Khutichun Amaziah chu Lalpa zuih a haihsan nung in Jerusalem ah a phiel u a, Lakish khuo ah a tai a; Himahleh Lakish khuo a chun mi a delhsak u a, zie tak achun a that tau hi.

2 KHANGTHUBU 10:19

Khutichun mâllam Israel te chu tuni chanin David inkawte chungah a hel tau hi.

1 KHANGTHUBU 21:3

Chun, Joab in leng kawm achun, “Lalpa’n a mite hi, a leh zakhat in hihpung lele, hepu, na mite a hi vek uh hilo ahim? Bangati a he nuom na hi? Bang zieka Israel te thiemmawh channa ding hih ding?” a ti a.

1 SAMUEL 15:23

Helna hi phunsan a gitlohna tawh a kibanga, lochalna hi milim ho leh manlohna tawh kibang ahi. Lalpa thu na deihloh ziekin ama’n le leng dingin a hun deih diek ta puoi,” a ti a.

JOSHUA 22:18

Ahih leh, tuni a hih Lalpa chuh kiheisan na guot taktak uh ahim? Lalpa chunga na kiphin tâk ziek u hin, Amah chuh zing leh chuh Israel mipi haw chengcheng chungah lungna tei in a.

JOSHUA 22:12

Zie chuh Israel chate haw chun a na zak un, Israel suon mipi chengcheng chuh amau haw va do dingin Shiloh khuo ah a kikhawm tau hi.

DAN NIHNA 30:17

Ahih ziekin, na lungthim un, a kiheimangsan a, na limsak loh u a, pathien dang haw ho ding leh a nau sem dinga hîp mang a, na um u chun,

DAN NIHNA 7:4

Khutilochun, na chapateu haw hi ei zuihnau apat in pathien dang haw hona lam ah pui kawi intin un; chun, Lalpa lungnatna chuh na chunguh a hung kuong in thakhat in hun sumangthai kha khâna.

KISIMNA 32:15

Tu a nang haw Reuben te leh Gad te hin na zuih nawp loh kit u chun, zie mipite hi thalek a hin umsak kit intin, a sietnau mawh na puok dinguh ahi,” a ti a.

KISIMNA 14:43

Tichun, Amalek te leh Kanaan te chun hun na kido pih un tin; chemzâm in hun that ding ahiu hi. Lalpa chuh na kiheimang san u a; a thu na zuih loh ziekun na kawm u a umlo ding ahi,” a ti a.

KISIMNA 5:6

Israel chate kawma zie thu hi gen dingin a hilh a, pasal ahim numei ahim in, Lalpa chunga a ginna susie’n, a suohpih chunga thil diklo hih taleh, zie mihiem chuh thil hihkhiel ahi;

THIEMPUDANTE 26:40

“Himahlele, Ka chunga a gitlohnau leh a manlohnau leh a pileputeu manlohna leh ei kalh lama a um ziek u a,

THIEMPUDANTE 5:19

Ziehi Lalpa dân bawhsie a, gitlohna zieka ditthuk kitna kithawihna thillat dân chu ahi.

PAWTDAWKNA 32:8

Ka thupiekte chuh a kiheisan tau a, bâwngno lim a siem u a, a kawm achun a kithawi u a, a ho tau hi; Aw Israel te, ziehi Aigupta gam apat hun puidawk, na pathienteu ahiu hi,” a tiu hi, a ti a.

JOSHUA 22:14

Amah tawh milien sawm, Israel te phung laka inkuon lawiupa pên khat chiet tawh, ziehaw chuh Israel chate asâng-asâng laka phung upa pên chiet ahiu hi.

JOSHUA 22:16

“Lalpa mipi haw chengcheng in, Israel te Pathien chunga na hihkhelh uh hi bang ahi, tuni hin Lalpa chunga kiphin guo a maichâm siem in Lalpa chuh na kiheisan uh ahim?