JOSHUA 21:44 - PATHIEN LEKHABU THIENGTHO (BSI)

⁴⁴ Chun, Lalpa’n a suonteu kawma kipautiema a na tiem bang tak chun muntin ah chawlhdamna a pie a; Lalpa’n a melma teu chengcheng chuh a khut u a a piek ziekin, a melmateu chuh kuomah a masang u ah a pang thei mawngmawng a um puou hi.

JOSHUA 21:44 ပူးပေါင်းရင်းမြစ်များ

2 KHANGTHUBU 13:16

Tichun Israel chate chu Juda te masang achun a taise tau a, Pathien in a khut u ah a pie tai.

PAWTDAWKNA 23:31

Na gamgiu chuh Tuipi San apat a Philistia tuipi chanin, chun gamgaw apat a Euphrates lui chanin hun zam sak ing ka: zie gam a um haw chuh na khut u a hun pie ding ka hi ngâl a; tichun amau haw chuh na nawhdawk ding uh ahi.

PAWTDAWKNA 33:14

Chun, amah chun, “Na lak u ah um zel ing ka ting, tichun chawlhdamna hun pie’ng ka,” a ti a.

ISAI 63:14

Luiphai lei phatna muna gan guolte puih a a um bangun. Lalpa thagau chun amau chuh chawlhdamna a pie a, khutibang chun min lopi tak na kisiem na dingin na mite chuh na pui kha” ti’n.

DAN NIHNA 2:36

Amon phai guom panga um Aroer apat leh guom sunga khuo apat Gilead chan chun khuo I lak zawh loh ding khawp u a hât leh det a um puoh kha, Lalpa I Pathien un ei piek vek tâk ziek khan.

DAN NIHNA 21:10

“Na melmateu do dinga na kuon u a, Lalpa na Pathien un amau chuh na khut u a a pieka galhing na mat tiengu leh,

HEBRAI 4:9

Khutichun, Pathien mite ding chun, ni sagih ni a Pathien a chawlh bang khan, chawlhni chawlhni ana um zing hi.

JOSHUA 1:13

“Lalpa na Pathien un na chawlhdam na dingun, zie gam hi hun pie ding ahi, ti a Lalpa suok Mosi’n thu a hun piek hi hezing un.

JOSHUA 1:15

Lalpa’n na suohpih teu chuh nangmau haw bang mah a chawlhna a piek a, Lalpa na Pathien un gam a piek chuh a mau inle a luoh macheng un; tichun Lalpa suok Mosi’n Jordan lui gâl, ni suohna gam lam na chanvo u a a hun na pieknau lam achun vaikit un na tin, na luoh dinguh hi’n a,” ti’n a gen a.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

JOSHUA 11:12

Chun, Lalpa suok Mosi thupiek bang khan, khawpi haw leh a leng hawu chengcheng chuh, Joshua’n a la suok kêi a, chemzâm a do in a that a, a hihchimit suok ta a.

JOSHUA 11:23

Khutichun, Lalpa’n Mosi kawma a gen haw bang tak khan Joshua chun gam pumpi chuh a la ta a; Joshua chun Israel te haw chuh a phung uh kikhen dân bang zelin a go chan dinguh a pie chiet a, tichun gam chuh gâlmuong in a um tai.

JOSHUA 11:8

Chun, Lalpa’n amau haw chuh Israel te khut ah a pie ta a, a do u a, Sidon leh Misrephoth-maim, suohlam panga Mizpah guom tiengin a delh u a; khatchale sît mawngmawng nei lo in a that suok kêi u a.

JOSHUA 2:24

Chun, Joshua kawm achun, “Lalpa’n a gam pumpi chuh I khut u ah a pie kêi nai; zie mai chuh ahi puoh a, zie gam a chêngte chengcheng chun ei lau in I masang u ah a tuitha zo tau hi,” a tiu a.

JOSHUA 22:4

Lalpa na Pathien un a kawmuh a a na gen tâk bang khan, na suohpih teu hi chawlhdamna a na pie ta a; zieziekchun, Lalpa suok Mosi’n Jordan gal suohlam a na chanvo ding u a gam a hun piek nau, na In lam hawu achun chieh kit tau in.

JOSHUA 22:9

Chun, Reuben suonte leh Gad suonte leh Manasseh nam kimkhatte chuh a vaikit u a, Kanaan gama Shiloh apat chun Israel chate kawm apat in Lalpa’n Mosi manga thu a na piek tâk bang khan a chanvo ding uh a a na guotsa Gilead gam lama chieh dingin a kipandawk tau hi.

JOSHUA 23:1

Chun, hiti hi ahi a, kum bang zah ahim a hunghih nung in Lalpa’n Israel te chuh a kimvel a melma chengcheng lak apat chawlhna a piek nung chun Joshua chule a hung upa’n a hung têk ten ta a.