JOSHUA 2:6 - PATHIEN LEKHABU THIENGTHO (BSI)

⁶ Himahlele, amahnu chun inchung ah a puito a, inchung a saikhau kung tien khawm laka chuh a selguk ahi ngâl a.

JOSHUA 2:6 ပူးပေါင်းရင်းမြစ်များ

JAKOB 2:25

Khutibang mah in, Rahab, nawhchizuoknu khan le, Israel te laka enthate khah a na lawp a, lampi chuom a a sawl mang lai khan, thilhih ziekin thiem a chang hilo maw?

HEBRAI 11:23

Taksanna ziekin Mosi a pien lai khan, nausen melhawih tak ahi, a tih ziekun, tha thum sung a nulepa selguk in a um a; leng thupiek le a lau puou hi.

KOLOSSA 3:3

Na thi tau a, na hinnau chuh Pathien achun Krista ah selgûk in a um ngâl a.

2 SAMUEL 17:19

Chun, zie In neipa zi chun tuisutdawk chu a sitna’n a sin a, a chung achun buh a pho a, kuomah hettheih ahi ta puoh a.

MATTHAI 24:17

In chunga um chu, a In sunga thil chuh la dingin kum ki heh.

JEREMIA 36:26

Chun, leng chun lengpa chapa Jerahmeel leh Azriel chapa Seraiah tawh Abdeel chapa Shelemiah chuh lehkhazikpa Baruk leh Jeremia man dingin thu a pie a, himahleh, amau chuh Lalpa’n a selgu tai.

2 LENGTE 11:2

Ahazia chapa Joash chauh chu a suokcha a. Mi dangte tawh thah khawm ngêi ding a hi a, himahleh, leng Joram chanu, Ahaziah suohpihnu a ni chun a na hukdawk a. A puimang a, a enkawl ding tawh, Ho-In a zâlkhun pindan sung lam achun a sawl lut a. Athalia apat chun a selgu ta a.

1 LENGTE 18:13

Jezebel in Lalpa thiemgaute a thah lai a ka thilhih Lalpa thiemgaute laka mi zakhat, sawmnga zelin kawlpûk ah ka selgu a, chângthâk leh tui a ka vak ziehaw kha ka pu hun hilh lo ahiu em?

1 LENGTE 18:4

Khutia Jezebel in Lalpa thiemgaute a thah lai khan, Obadia chun thiemgau zakhat a pui a, kawlpûk ah sawmnga zel in a selgu a, chângthâk leh tui in a vak sek a.)

2 SAMUEL 11:2

Chun, hiti hi a hi a, nitâk ni nem chun a zâlkhun apat David a tho a, leng In chungah a va vak viel a: chun, In chung apat chun numei khat kisil lai chu a vak mu a; zie numei chu melhawih tak ahi a.

JOSHUA 2:8

Chun, enthate chuh a ihmut mau in amahnu chuh inchung ah a kawm u ah a va chieh a;

DAN NIHNA 22:8

“In thak na sak tieng u leh, na In chung u apat mi kie lo a, na In u chuh thisan suohna In ahih lohna dingin na In chung u chuh na ûmkimvel dinguh ahi.

PAWTDAWKNA 2:2

Chun, numei chun nau a vawp a, chapa a nei a; amah chun nausen chuh melhawih a sa mah mah a, tha thum a selgu a.

JOSHUA 2:5

Chun, khawthim a kulhkawtkhak khâk hun lai vel khan zie mite chuh a pawt kit tau a; khawilam a chieh ahi tau em ka he puoi: kintakin delh leu chun, delhpha nalai unla,” a ti a.

JOSHUA 2:7

Tichun, mite chun Jordan lui lam ah, kaihmun tiengin a delh tau a; chun, a delhte chuh a pawt phet u chun kulh kawtkhak chuh a khâk tau a.

JOSHUA 6:25

Amahvang chuh Rahab nawhchizuoknu leh a neih chengcheng leh a pa inkawte chuh Joshua’n a hing hawih suok a; tichun Israel te lak ah chun tuni tiengin ana tel zing tau hi; Joshua’n Jerikoh khuo entha dinga a mi sawlte kha ana selguk ziekin.