JOSHUA 2:24 - PATHIEN LEKHABU THIENGTHO (BSI)

²⁴ Chun, Joshua kawm achun, “Lalpa’n a gam pumpi chuh I khut u ah a pie kêi nai; zie mai chuh ahi puoh a, zie gam a chêngte chengcheng chun ei lau in I masang u ah a tuitha zo tau hi,” a tiu a.

JOSHUA 2:24 ပူးပေါင်းရင်းမြစ်များ

PAWTDAWKNA 23:31

Na gamgiu chuh Tuipi San apat a Philistia tuipi chanin, chun gamgaw apat a Euphrates lui chanin hun zam sak ing ka: zie gam a um haw chuh na khut u a hun pie ding ka hi ngâl a; tichun amau haw chuh na nawhdawk ding uh ahi.

THUCHINGTE 25:13

Palai ginum tak chuh a sawlpa a dingin; buh-ât laia vuk vawt tak kie tawbang ahi a; a pute lungthim a suthak zing sek hi.

JOSHUA 5:1

Chun, hiti hi ahi a, Jordan lui gal tumlam a um Amor lengte chengcheng leh tuipi panga um Kanaan te lengte chengcheng chun a kaih macheng u chun Lalpa’n Jordan tui haw chuh Israel chate masang achun a hihkang hi tih a na het un, Israel chate ziek chun a lunggilteu a tui zo ta a, lungkie lo himhim a um ta puou hi.

JOSHUA 1:8

Zie Dan bu hin na kam chuh pawtsan hiel kihen; zie thu kizik chengcheng chuh na zawp theihna dingin sun leh zan a na ngaihtuoh zawk ding ahi; tichun na lampi haw chuh hih zang zel in na tin, hung lawhting zel ding na hi.

PAWTDAWKNA 15:15

Tichun Edom gama lawiupa haw chun mak a sa mah mah u a, Moab mihat haw chuh lînglauhna’n a hun man ta a; Kanaan gama um chengcheng chuh a tui zo tau a.

JOSHUA 2:23

Tichun, enthate nih chuh tâng apat chuh a chieh suk u a, Jordan lui chuh a kân u a. Nun chapa Joshua kawm chuh a tung u a; a chung u a thil tung chengcheng chuh a hilh tau hi.

VAIHAWMTE 7:9

Chun, tihi a hung hi a, zie zan chun Lalpa’n a kawmah, “Kipan inla, a giehbuk lam u ah va chieh suk tie, amau chuh na khuta ka pie tai,” a ti a.

JOSHUA 6:2

Chun, Lalpa’n Joshua kawmah, “Entie, Jerikoh leh a lengpau leh a mihat hangsante hi na khut ah ka hun pie tai.

JOSHUA 8:1

Chun, Lalpa’n Joshua kawmah, “Lau ki’n la, lungkie diek ki’n, galdo mi chengcheng na kawmah pui inla, kipan inla, Ai khuo ah chieh ah; Ai khuo lengpa leh a mite leh a khuo leh a gam chuh na khut ah ka hun pie tai.

VAIHAWMTE 1:2

Lalpa chun “Juda kuon masapen hen, ngaitiem u, gam chuh a khut ah ka pie tai,” a ti a.

VAIHAWMTE 18:10

“Na valuoh u leh gâlmuong taka um thei ding na hiu hi, a gam letdan haw chule va mu ding na hiu a: Pathien in na khut u ah a hun pie tai. Gamsung a chun tâksap bangmah a um puoi,” a tiu a.