JOSHUA 2:19 - PATHIEN LEKHABU THIENGTHO (BSI)

¹⁹ Chun, hiti hi hi’n tin, kuole na kawtkhak apat khawlai a pawt tapoh chuh amah thiemlohna mawh chuh kipuok intin, keihaw vang thiemloh changin um puo’ng kau; kuo’n le insung a na kawma um tapohte chung a khut a thâk u chun, kei uh mawhpuok hi’n a.

JOSHUA 2:19 ပူးပေါင်းရင်းမြစ်များ

NASEPTE 27:31

Himahleh, Paul chun, sepaih zalawiupa leh sepaihte kawma chun, “Kuong pute chuh kuong a a um zing loh u chun bit thei puo’n lau,” a ti a.

NASEPTE 18:6

Himahlele, a dodal u a, a gensiet phet un, Paul in a puon a thing a, a kawm u ah, “Na thihna mawh u chuh nangmau in kipuok un; kei vang ka thieng hi; tu a kipat Jentel te kawmah chieh ta’ng ka,” a ti a.

PAWTDAWKNA 12:23

Lalpa chun Aigupta mite that dingin hun hawhpai ding ahi ngâl a; tichun kawtkhak chung leh kawtbieng tuoka thisan bek a muh tieng leh Lalpa chun kawt chuh chiehkân intin, thihna vânsâwlchâk chuh nang haw hun sulum dingin insung achun hun lut sak puo’n a.

PAWTDAWKNA 12:13

Chun, thisan chuh nang uh dingin na umna In uh melchikna hi’n tin; thisan chuh ka muh tieng leh hun chiehkân ing ka, tichun, Aigupta gam ka gawt tieng chuleh hipi chun nang haw hun sukha puona.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

PHILIPPI 3:9

Amah tawh pumkhata ka um theihna dingin. Keimah diktatna, Dan thu zawp zieka diktatna chuh ka nei ta puoi. Himahlele, tuhin, Krista taksanna zieka diktatna, Pathien apat a diktatna ngêi, taksanna zieka um ngêi chuh ka nei tai.

NASEPTE 20:26

Zieziekchun, mi chengcheng thisan ah ka thieng hi tih, tuni hin ka hun hetsak na hiu hi.

MATTHAI 24:17

In chunga um chu, a In sunga thil chuh la dingin kum ki heh.

1 LENGTE 2:32

Tichun, amah sanga mi kitûp zaw leh phazaw mi nih, Ner chapa Abner, Israel te sepaih lawiupa leh Jether chapa Amasa, Judate sepaih lawiupa khah ka pa David het loh in a sawisa a, chemzâm a a thah ziekin Lalpa’n a thisan chu amah lu chung ngêi ah hun chuk sak hen.

2 SAMUEL 4:11

Mi kitûp, amah insung lum a a zâlkhun chunga mi nunsiete’n thah uh thisan man chu na chung u ah ka hah ngek zaw diek in lei chunga pat in ka hun hah sukmang na ding e,” a ti a.

2 SAMUEL 1:16

Chun, David chun a kawmah, “Na thisan mawh chu nangmah lu chung ngêi ah um hen; nangmah kam ngêi in, ‘Lalpa thaunuh chu ka that hi,’ ti’n na phuong ngâl a,” a ti a.

JOSHUA 2:14

Chun, mite chun a kawmah, “Ka thilhih u hi na gendawk loh ding chun na thih sik in thi’ng kau; tichun hiti hi hi’n tin, Lalpa’n gam ei hun piek tieng u leh hun lungsiet in na chung ah ginum takin hih ung kau,” a tiu a.

THIEMPUDANTE 20:11

Chuleh mi, a pa zi kuolpih ta chun, a pa sumuolpho ahi a, a numei leh amah chuh thah ngêi ngêi ding ahiu ui. A thisan mawh chu a mau chunga chuh um ding ahi.

THIEMPUDANTE 20:9

Kuole, a nu ahim a pa ahim hansie lawh ta chuh thah ngêi ngêi ding ahi; a nu ahim a pa ahim a gensiet zieka chuh, a thisan mawh chuh a kipuok ding ahi.

JOSHUA 2:12

Khutichun, na chung u ah hin ka hun lungsiet dân ka latsak ahi a, nang un le ka inkawte chung ah na lungsiet nau chuh hun latsak thuk unla,

JOSHUA 2:20

Amahvang chuh ka thilhih u hi na gendawk chun nei kipautiem saknau ahin thiemloh changin um puo’ng kau,” a tiu a.

PAWTDAWKNA 12:22

Chun, husop bawk lau in na tin, chun, kuong a thisan achun dieh un na tin, kawtkhak chung leh kawt bieng tuok achun kuong a thisan chuh tât un na tin chun; khawvak masangsieh chuh kuomah a In a pata a pawt loh ding uh ahi.