JOSHUA 2:14 - PATHIEN LEKHABU THIENGTHO (BSI)

¹⁴ Chun, mite chun a kawmah, “Ka thilhih u hi na gendawk loh ding chun na thih sik in thi’ng kau; tichun hiti hi hi’n tin, Lalpa’n gam ei hun piek tieng u leh hun lungsiet in na chung ah ginum takin hih ung kau,” a tiu a.

JOSHUA 2:14 ပူးပေါင်းရင်းမြစ်များ

THILSIEMBUL 24:49

Tichun, tuhin ka pu na lungsiet u a, a chunga thudik taka na hih ding u chun nei hilh un: na hih loh ding u lele ei hilh un: khutichun changlam ahim, veilam ahim nga thei ing ka,” a ti a.

THILSIEMBUL 47:29

Chun, Israel chuh a thih hun a hung nai ta a: tichun, a chapa Joseph chuh a sama a kawmah, “Na mit ka tun chun lungsiet takin na khut kha ka malpi nuoi ah gawlh inla, Aigupta gama hi ei vui lo dingin kihâksiel in.

2 SAMUEL 2:5

Tichun Jabesh-gilead mite kawm achun David chun mi a sawl a, a kawm u ah, “Na puu Saul chu na lungsiet dân uh sulang a na na vuih ziekun Lalpa chun hun vangsak hen.

2 SAMUEL 2:6

Tichun Lalpa chun na chung u ah lungsietna leh thutak latsak hen la: zie thil na hih ziek u hin ken le na phatnau man chu hun din ing ka.

2 SAMUEL 9:1

Chun, David chun, “Jonathan zieka lungsietna ka suklat theihna dingin Saul inkuote laka mi a um nalai um?” a ti a.

1 LENGTE 20:39

Chun, leng chuh a hung phet chun thiemgau pa chuh leng kawmah a hung kiko dawk a, “Na suok hi kidona phuol a ka va chieh leh, ngaitie, mi khat a hung kilehkit a, amah chun ka kawmah, mi khat a hun pui a, zie mipa hi a na veng inla, na thahsuok a ahih leh amah hinna sik in nang hinna na piek ding ahi; ahihloh leh dangka talent khat na piek ding ahi, ei ti a.

THUCHINGTE 14:22

Thil phalo guonggalhte chuh thil sukhiel hilo ahiu em? Thil pha guonggalh te chun ginumna leh taksan umna mu’n au.

THUCHINGTE 18:24

Mi khenkhat chuh guolpha guolin a kisiem u a, himahleh guolpha tak tak chuh inkuon kinaihpih pên sanga kinai zaw a um hi.

MATTHAI 5:7

“Mi lungsiet thei takte chuh a hamphau ui; lungsietna hun lawh ding ahi ngâl u a.

NASEPTE 23:22

Ziephet chun, sepaih lawiupa lienpen chun tangvalpa kawm achun, “Zie thu haw hi nei hetsak tai tih kuomah hilh ki’n,” a ti a. Tichun, tangval chuh a sawl mang ta a.

JOSHUA 2:13

ka nu leh ka pate, ka suohpihnute, ka suohpih te leh a neih tâk phawt uh chu hâwi unla; thihna lak apat a ka hinnau hi ei hukdawk sak dingin Lalpa min lo in lungsiet takin ka kawmah kipautiem unla, melchikna bang ahim khat ei bawlsak un,” a ti a.

JOSHUA 2:15

Khutichun amau chuh tukvan achun khauhuol in a tultha ta a: a In chuh khawpi kulh bâng chunga kisa ahi a, amah chuh khawpi sunga chêng ahi.

JOSHUA 6:17

Khawpi leh a sunga thil um chengcheng hih Lalpa kawma piek ahi tai; Rahab nawhchizuoknu leh a In a a kawma um haw cheng vang chuh hing hawih ding ahi, I mi sawlteu kha ana selguk ziekin.

JOSHUA 6:22

Chun, Joshua’n mi nih gam va enthate kawm achun, “Nawhchizuoknu In akhun va lut unla, a kawma na kipautiem bang u khan, zie numei chuh a neih chengcheng tawh va puidawk un,” a ti a.

JOSHUA 6:25

Amahvang chuh Rahab nawhchizuoknu leh a neih chengcheng leh a pa inkawte chuh Joshua’n a hing hawih suok a; tichun Israel te lak ah chun tuni tiengin ana tel zing tau hi; Joshua’n Jerikoh khuo entha dinga a mi sawlte kha ana selguk ziekin.

1 SAMUEL 20:8

Zieziekchun, na suok hi phatak in bawl in; na suok hi Lalpa ma ah thuthun na neihpih ta ngâla; ahih ziekin sukkhelh ka neih chun nangin ei that zieng in; bang zieka e na pa kawma nei puih khelkhel ding?” a ti a.