JOSHUA 2:11 - PATHIEN LEKHABU THIENGTHO (BSI)

¹¹ Zie thu haw chuh ka na zak phet un ka lunggilteu chuh lauhna’n a dim zo ta a, nang haw ziek hin taisie lo mawngmawng a um puou; Lalpa na Pathien u chuh chunglam van leh nuoi lam lei a Pathien ahi ngâl a.

JOSHUA 2:11 ပူးပေါင်းရင်းမြစ်များ

DAN NIHNA 4:39

Zieziekchun, tuni hin na lunggil un vawp unla, chunglam van a leh nuoi lam leia hin le Lalpa chuh Pathien ahi tih heu in; adang himhim a um puoi tih heu in.

JOSHUA 5:1

Chun, hiti hi ahi a, Jordan lui gal tumlam a um Amor lengte chengcheng leh tuipi panga um Kanaan te lengte chengcheng chun a kaih macheng u chun Lalpa’n Jordan tui haw chuh Israel chate masang achun a hihkang hi tih a na het un, Israel chate ziek chun a lunggilteu a tui zo ta a, lungkie lo himhim a um ta puou hi.

ISAI 13:7

Zieziekchun, khut chengcheng hung zawi tha’n tin, mihing lunggil cheng le hung tui ina.

JOSHUA 7:5

Chun, Ai khuo mite chun kulh kawtkhak bul apat in Sebarim tieng hiel in a delh u a, mi sawmthum leh gup a that u a, tichun Israel chate lunggil chuh a tui zo a, tui bang mai a hung hi tau a.

SAM LEHKHABU THE PSALMS 102:15

Khutichun namte chun Lalpa min chuh lau un tin, Lei a lal chengcheng chun na lopina chuh lau un au.

SAM LEHKHABU THE PSALMS 83:18

Nang mah mai hi JEHOVAH min pu, Lei chung chengcheng chunga Chungnung pên na hi, tih a het theihna dingun.

1 LENGTE 8:60

a mi Israel te chung thu ahin amah theih dân bang zela a tawih theihna dingin zie ka thugen haw, Lalpa masanga ngetna ka tut hi sun leh zan in Lalpa I Pathien uh masanga chun châm zing hen.

THUPHUON 6:16

Tichun, tângte leh suongpite kawm achun. “Ei delh khum unla, Lalchutphah a chu pa maikawk apat leh Belamno lungnatna apat ei lieh u!

NAHUM 2:10

Ninevi chuh suksiet leh nutsieh ahi a, a hawmngawn ahi ta ngâl a. Lauhna’n lungthim a tuitha zo ta a; khûpte kithing in, kâwng a tha hatna a bei zo ta a; a mai uh a dângtha zo tai.

SAM LEHKHABU THE PSALMS 22:14

Tui tawbanga buokthâk in ka um a, Ka guh chengcheng le kisupel in a um a: Ka lunggil hi khuoilu thaumei bang a hi a; Ka gil lak a hin a tui zo tai.

JOSHUA 14:8

Himahleh, ka suohpih ka kitawnpihte khan mipite lunggil a su lauthawng u a; kei chun chuh Lalpa ka Pathien chuh ka lunggil pumpi’n ka zui a.

DAN NIHNA 20:8

“Lawiupate chun mipite kawm achun, ‘A lau leh a lungkie na um u? A In lam ah chieh kit hen a unaute le a lungkiek lohna dingun,’ tih beh nalai u hen.

DAN NIHNA 1:28

Khawilam zuon I hitau hileh? Ka suohpihteu in, ‘Mi haw chuh eihaw sangin a lienzawu a, a sang zawu a; khuo haw chule lien tak tak, van dawt hiel hiela sang kulh nei ngencha ahiu a, chun Anak suonte le ka muu hi,’ ti’n ei sulungkieu a,” na tiu a.

PAWTDAWKNA 15:14

Mipite’n a hêu a, a kilîng u a, Philistia gama chêng haw chuh lungkhamna’n a man ta a.

PAWTDAWKNA 15:15

Tichun Edom gama lawiupa haw chun mak a sa mah mah u a, Moab mihat haw chuh lînglauhna’n a hun man ta a; Kanaan gama um chengcheng chuh a tui zo tau a.

2 LENGTE 5:15

Tichun, amah leh a lawite cheng chu Pathien mi umna lam achun a vaikit tau a, a masangah a va ding u a, a kawmah, “Tuhin, Israel Pathien tih loh hi, lei chung chengcheng achun pathien dang a um puoi, tih ka he tau hi; zieziekchun, lungsiet takin hepu, kipahman hi la tie!” a tiu a.

SAM LEHKHABU THE PSALMS 58:7

Amau haw chuh tui hattak a luong bangin tuimang u hen la; A thal a a dawih tieng leh, hampa guol a sat bul in um zel u hen.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

EZEKIEL 21:15

Lunggil a tuia, tamtak a pukna dingun, A kelkawt u ah chemzâm mûk zum ka pan sak hi. Katei! kawlphe guolin a val, mi thahna dinga pat ahi.

JOSHUA 2:24

Chun, Joshua kawm achun, “Lalpa’n a gam pumpi chuh I khut u ah a pie kêi nai; zie mai chuh ahi puoh a, zie gam a chêngte chengcheng chun ei lau in I masang u ah a tuitha zo tau hi,” a tiu a.

JOSHUA 9:24

Chun amau chun Joshua chuh a dâwng u a, “Lalpa na Pathien in a suok Mosi kha gam pumpi hi nanguh hun pie’n tin, a gam luoh mite chengcheng hi na masang uh apat hih mangthai zel ding ahi tih thu a na piek khah na suokte hi a na hilhchien bêka; zieziekchun nangmau haw ziekin ka hinnau hi chân ka lau bêk uh a, hitibang hin ka na hih mai uh ahi.

NEHEMIA 6:16

Chun, hiti hi ahung hi a, ka melmateu chun zie thu chuh a na zau a, ka kimvel u a nam dang te chun zie chuh a muh phet un; zie nasep hi Pathien panpihna a zawh ahi tih a het ziekun, a lungkie mah mah mai u a.

ESTHER 8:17

Leng thupiek leh leng thu sukpuk tunna gambung leh khaw tin a lawpna leh kipâk taka guolvakna siem in, um nitna’n a mang tau hi. Tichun, zie gama mite laka tamtak chun Judate chuh a lauh tâk ziekun, Juda’n a kiminvawh tau hi.