JOSHUA 18:7 - PATHIEN LEKHABU THIENGTHO (BSI)

⁷ Levi te hin vang na lak uh ahin chanvo a nei puou a; Lalpa thiempu hihna hi a chanvo uh ahi ngâl a: chun, Gad te, Reuben te leh Manasseh nam kimkhatte khan vang Jordan gal suohlam akhan a chanvo u chuh Lalpa suok Mosi’n a na piek khah a na chang tau a,” a ti a.

JOSHUA 18:7 ပူးပေါင်းရင်းမြစ်များ

JOSHUA 13:33

Levi chite vang chuh Mosi’n gochan ding a pie puoi; a kawm u a a na gen tâksa guol khan Lalpa, Israel Pathien kawma thillat te chuh a gochan uh ahi zawi.

KISIMNA 18:20

Lalpa’n Aron kawmah, “A gam u achun go chan nei puo’n na tin uh, a lak u a le chanvo nei diek puo’n lau: Israel chate laka na chanvo leh na go chan chuh keimah hi ka hi,” a ti a.

DAN NIHNA 10:9

Zieziekchun, Levi mite chun a suohpih teu lak ah chanvo le, gochan le a nei puou a; Lalpa Pathien in na kawm u a a gen guolin, Lalpa chuh a gochan uh ahi zawi.

KISIMNA 18:23

Tu apat hin Levi te chauh hin puon-In na sem untin, a mawh chengcheng chuh puo’n au. Zie hi na suonteu tieng a dingin le zuih hi’n a. Levi te chun Israel te lak achun gochan det nei puo’n au,

KISIMNA 18:7

Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

JOSHUA 12:6

Mosi leh Israel chate chun zie leng nih te hi a zo u a. Lalpa suok Mosi chun zie gam hi Reuben leh Gad phung te leh Manasseh phung kimkhatte kawmah a goluoh dingun a pie ta a.