JOSHUA 18:10 - PATHIEN LEKHABU THIENGTHO (BSI)

¹⁰ Chun, Joshua’n Shiloh achun Lalpa masangah phun a na san sak a: zie tak achun Israel chate chuh Joshua’n a kikhen dân bang zel un gam chuh a hawm ta a.

JOSHUA 18:10 ပူးပေါင်းရင်းမြစ်များ

KOLOSSA 1:12

Chun, thuokhat tak leh kipâk takin, lenggam vakna muna mithiengthote go chuh luohpih dinga ei siempa. Pa kawm achun kipahthu gen un.

NASEPTE 13:19

Kanaan gama nam sagihte chuh sumangthai in, a gam chuh luoh dingin a pie ta a.

JOSHUA 18:6

Chun, gam chuh mun sagih in va hawm unla, zie zik chuh ei hun pieu un: tichun zie tak ahin Lalpa Pathien masangah phun hun sân sak ing ka.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

MATTHAI 27:35

Chun, kross a a khetdên zawh un, phunsân in a silhlechen haw chuh a kihawm u a.

EZEKIEL 48:29

“Zie hi Israel namte gochan leh gam kihawp ding dân leh a gambungte chuh a hi tih hi,” tih hi Lalpa Pathien kamsuok ahi, a ti a.

EZEKIEL 47:22

Chun, hiti hi hi’n tin, na gam chan ding u leh na lak u a nam dang cheng, zi le cha neisate gam chan ding chuh na hawp dinguh ahi. Amau haw chule, Israel cha a piengte banga a um dinguh ahi a, Israel chate lak ah, nangmau haw bang mah a chan a neih dinguh ahi.

THUCHINGTE 18:18

Âisân in kinielna chuh a subei a, Mi thunei tak tak kinielna chuh thutan sak ahi sek hi.

SAM LEHKHABU THE PSALMS 61:5

Aw Pathien nang chun ka thutiem haw na ngaitha ngâla; Na min kihchate gam luoh chuh nei pie a.

SAM LEHKHABU THE PSALMS 47:4

A mah chun I go luoh ding u chuh ei tel sak intin. A hehpih Jakob kisuonpih pên gam chuh. Selah

JOSHUA 19:51

Ziehaw hi thiempu Eleazar, Nun chapa Joshua leh Israel chate nam a inkuon lawiupate’n Shiloh a Lalpa masanga a kikhawp khawmna puon-In kawtkhak a phunsân a a chanvo dinguh a hawp sak u chuh ahi, khutichun gam chuh a hawm zo tau hi.

JOSHUA 18:8

Tichun, mite chuh a kipandawk tau a; chun gam chanchin va zik dawk ding te chuh Joshua’n, “Gam chuh va tawhtha tau inla, hun zik dawk unla, ka kawmah hun tun kit unla, zie Shiloh khuo ahin Lalpa masangah phun hun san sak ing ka,” ti’n thu a pie a.

KISIMNA 34:16

Chun, Lalpa’n Mosi a hopih a,

JOSHUA 18:9

Khutichun mite chuh a chieh u a, gam chuh a va tawhthau a, hawp sagih in a hawm u a, lehkhabu ah a khuo khuo’n a zik dawk u a, giehmun Shiloh achun Joshua kawmah a chieh kit tau hi.

JOSHUA 18:11

Chun, phunsân chuh Benjamin suonte phung ah a inkuon uh bang zelin a chung u ah a kie ta a: chun, a gam u chuh Juda suonte leh Joseph suonte kikal chuh ahi.

JEREMIA 7:12

A tunga ka min umna Shiloh achun chieh unla, ka mite Israel te nunsiet zieka ka thilhih chuh va en un.

MIKA 2:5

Tichun, Lalpa mipite kikhawm haw lak achun phunsan a khau a hun teh sak ding kuomah nei puon la.

JOSHUA 14:2

Lalpa’n Mosi kawma thu a na piek bang khan, nam kuo leh nam kimkhat te chanvo ding gam chuh Jordan tumlam pang chuh phunsân in ana hawm tau a.

JOSHUA 14:5

Lalpa’n Mosi thu a piek bang khan Israel chate chun a hih u a, gam chuh a hawm u a.

JOSHUA 23:4

Ngaitiem u, zie nam um nalaite hih, zie nam ka hihmang tâk haw chengcheng gam haw hi tawh, Jordan apat a ni tumna lam tuisuohgiet lien tieng hielin na chiteu gochan dingin ka hun hawp sak na hiu hi.

1 KHANGTHUBU 24:5

Eliezer leh Ithamar suonte lak achun Ho-In nasem miliente leh Thagau lama puitu a um gel ziekun, a nasep ding u chu phunsân in a hawm u a.

NEHEMIA 11:1

Tichun, mipite laka vaihawm te chuh Jerusalem ah a cheng u a, midang te chuh sawm laka khat zel khawpi thiengtho Jerusalem a cheng ding leh, sawm laka kuo te chuh amau khuo chieta cheng dingin phun a san u a.