JOSHUA 17:11 - PATHIEN LEKHABU THIENGTHO (BSI)

¹¹ Issakar leh Aser gam achun Manasseh chun, Beth-shean leh a kiengvêl a khuo haw, Ibleam leh a kiengvêl a khuo haw, Dor leh a kiengvêl a khuo haw, Endor leh a kiengvêl a khuo haw, Taanak leh a kiengvêl a khuo haw, Megiddo leh a kiengvêl a khuo haw, gambung thum a nei a.

JOSHUA 17:11 ပူးပေါင်းရင်းမြစ်များ

1 KHANGTHUBU 7:29

Manasseh suonte chu Bethshan khawpi te, Tanak khawpi te, Megiddo khawpite leh Dor leh a kimvela khawpite chunga chu thunei ahiu ui. Zie munte hi Jakob chapa Joseph suonte chênna mun chuh ahi.

2 LENGTE 9:27

Himahlele, Juda leng Ahazia chun zie chu a muh phetin, a sakawlkangtalai chun Beth-Haggen khawpi lam ah a tai ta a, Jehu chun a delh a, “Amah le kangtalai a khan that ngâl un,” a ti a; tichun Ibleam khuo leng, Gur chieh tohna lampi a a chieh lai chun a suliem tau a. Khutichun Megiddo khuo ah a tailut a, zie tak achun a thi ta a.

VAIHAWMTE 5:19

Lengte’n a hun do u a, Tichun Kanaan lengte chun Megiddo lui panga; Taanak khuo a do u a, Sum lak ah phatchuomna ding a nei puou hi.

VAIHAWMTE 1:27

Chun, Manasseh te chun Beth-shan khuo leh a khawpelte, Taanak khuo leh a khawpel a umte. Dor khuo leh a khawpel te, Ibleam khuo leh a khawpel a um te, Megiddo khuo leh a khawpel a umte chuh a nawhdawk puou a, zie gam achun Kanaan mite chuh a um den tau hi.

JOSHUA 12:23

Naphath-dor a Dor leng khat, Gilgal a Goiim nam haw leng khat;

SAM LEHKHABU THE PSALMS 83:10

Ziehaw chu Endor khuo ah a beimang u a; Amau haw chu lei a dingin êk tawbang phet ana hiu kha.

1 LENGTE 9:15

Leng Solomon in nasema pawnggawih lawi a siem ziek chuh ziehi ahi: Lalpa In leh amah In sa ding leh Millo in dingte, Jerusalem kulhte, Hazor khawpite, Megiddo khuote, Gezer khawpite, siem dingin ahi.

1 SAMUEL 31:10

Chun, a gâlvan chu Asteroth pathien In ah a kawih u a; a luong chu Bethshan kulh bâng ah a tâk u a.

1 SAMUEL 28:7

Ziephet chun Saul in a suokte kawmah, “A kawma ka chieh a, thil ka dawt dingin thitha zawlnei numei ei hawldawk sak un” a ti a. Chun, a suokte chun a kawmah, “Ngaitie, Endor khuo ah thitha zawlnei numei khat a um ve” a tiu a.

JOSHUA 11:2

mâllam thingtâng gam leng haw, Kineroth simlam a Arabah leng haw, phaicham a leng haw, tumlam panga Dor gamgi chin a leng haw,

ZEKARIA 12:11

Zie ni chuleh Jerusalem achun sûnna nasatak um intin; Megiddo guoma Hadadrimmon muna sûnna bang khah hiding ahi!

2 KHANGTHUBU 35:22

Himahleh Josia chun do a guo hâmhâm a. Leng Neko manga Pathien thugen chu a niel a, khutichun, a kisiem zatchuom a, Megiddo phai zawl achun kido dingin a chieh ta a.

1 KHANGTHUBU 6:70

Thanglam panga Manasseh nam kimkhatte chanvo a chun Kohath inkawte nam a na um haw ding chun Aner leh a kimvel te tawh, Bileam leh a kimvela gamte tawh a pieu a.

1 SAMUEL 31:12

Mi hangsan cheng chengte chu a kipan tau a, zânkhuo’n a chieh u a, Saul luong leh a chapate luong chuh Bethshan kulh bâng apat chu a lau a; chun, Jabesh a hung tung u a, zie chun a hâl u a.

JOSHUA 16:9

Manasseh suonte chanvo laka Ephraim suonte a dinga khawpi guot chuom sakte tawh, a khawpi chengcheng leh a khawpel haw le ahi.

JOSHUA 12:21

Taanak leng khat, Megiddo leng khat;

JOSHUA 17:10

Simlam pang chuh Ephraim a ahi a, mâllam pang chuh Manasseh a ahi, chun, tuisuohgiet chuh a gamgi ahi. Mâllam pang achun Aser tiengin a va hi a, suohlam achun Issakar tiengin ahi.

JOSHUA 17:16

Chun, Joseph suonte chun, “Tang gam hi kei uh ding in a huntawk puoi; phai gam a Kanaan mite um chengcheng, Beth-shean leh a khawpi a umte leh Jezreel guoma umte hin thik kangtalai a nei chiet ngâl u a,” a tiu a.

2 SAMUEL 21:12

Chun, David chu a chieh a, Philistia ten Gilboa a Saul a thah niu a Philistia ten Beth-shan khawlai a a khaih uh guh, Jabesh-gilead mite kawm apat Saul guh leh a chapa Jonathan guhhaw chu a la a;

JEREMIA 49:2

Zieziekchun, ngaitiem u, nite chuh a hung tung hi tih hi Lalpa kamsuok ahi. Kido thawm zak sak ing ka ting, Amon chate Rabbah chung achun, khutichun, thil sie umkhawm bang mai hung hi ding ahi, a khuo teu chuh mei in ka’n tin; tichun Israel chun amah neitu chuh nei thuk ina, Lalpa’n a tii.