JOSHUA 17:1 - PATHIEN LEKHABU THIENGTHO (BSI)

¹ Chun, Manasseh suonte chanvo chuh ziehaw hih ahi; Amah chuh Joseph chapa masapen ahi. Manasseh chapa masapen Makir, Gilead pa chuh gâlhât a hih ziekin Gilead leh Bashan piek ahi tai.

JOSHUA 17:1 ပူးပေါင်းရင်းမြစ်များ

KISIMNA 26:29

Manasseh suonte: Makir suonte apat Makir te inkuon: chun, Makir in Gilead a hing a; Gilead suonte Gilead te ahiu hi.

THILSIEMBUL 41:51

Chun, Joseph in a cha masapen min ding in Manasseh a sa a, “Pathien in ka sepgimna chengcheng leh ka pa inkawte cheng chuh ei hetngilhsak ta ngâla” a ti a.

THILSIEMBUL 50:23

Chun, Joseph chun Ephraim cha, a tute khang thum chan a mu a: Manasseh chapa Makir chate le Joseph pheichung ah a pieng u a.

THILSIEMBUL 46:20

Chun, Joseph in Aigupta gam ah chapa Manasseh leh Ephraim a nei a, ziete chuh Heliopolis khuo a thiempu Potiphar chanu Asenat in a hinsak ahi.

THILSIEMBUL 48:18

Chun, Joseph in a pa kawmah, “Hepa, khuti ding chuh ahi puoi: cha lutîl chuh zie hih ahi, na khut changlam hi a luzâng ahin nga zawh,” a ti a.

1 KHANGTHUBU 2:23

Himahleh, Geshur leh Aram chun, Jair khawpite, Kenath khuo leh khawpelhaw tawh, Khuo sawmgup a lâksak u a. Zie khawpi a chengcheng chêngte chu, Gilead pa Makir suonte chu ahiu hi.

VAIHAWMTE 5:14

Ephraim a kipat chuh Amalek zung zam a hungsuk u a, Benjamin, nang leh na mite ngêi chuh a hun zui u a; Makir akipat in gam vaihawmte a hungsuk u a, Chun, Zebulun akipat in lehkhazikte chuh a hung pawt u a.

DAN NIHNA 21:17

A deihloh zawk nu chapa chuh cha lutîl a a pawm a a neih chengcheng chan nih chuh a piek ding ahi; amah chuh a hatna gah masa ahi a, cha lutîl dinmun chuh amah a ahi.

KISIMNA 32:33

Tichun Mosi chun. Gad suonte leh Reuben suonte leh Joseph chapa Manasseh suon, nam kimkhatte chuh Amor leng, Sihon gam haw, Bashan leng Og gam haw leh zie gama khawpi um chengcheng chu tawh, a kimvel gama khuo um haw natieng in a pie a.

KISIMNA 27:1

Tichun, Zelophehad chanute chuh a hung kipan u a; Zelophehad chuh Herper chapa ahi a, Herper chuh Gilead chapa ahi a; Gilead chuh Makir chapa ahi a Makir chuh Manasseh chapa ahi: tichun, Zelophehad chuh Joseph chapa Manasseh phung a mi ahi.A chanute min chuh Malah, Noah, Hoglah, Milkah leh Tirzah ahiu hi.

THILSIEMBUL 48:17

A pa’n a khut changlam Ephraim luzâng a a ngak chuh Joseph in a muh phetin a ki-awi ta puoh a; tichun, a pa khut chuh Ephraim luzâng apat a Manasseh luzâng a chawn dingin a dawm kâng a.

JOSHUA 17:2

Chun, chanvo chuh Manasseh suonte dang cheng a dingin a inkuon uh bang zelin piek ahi; Abiezer suonte a ding, Helek suonte a ding, Asriel suonte a ding, Shekem suonte a ding, Hepher suonte a ding, Shemida suonte a ding in; ziehaw chuh a inkuon bang zelin Joseph chapa Manasseh suon pasal haw chuh ahiu hi.

JOSHUA 22:7

Chun, Manasseh nam kimkhatte khah Mosi’n Bashan gam ah chanvo a pie a; a kimkhat dangte vang chuh Joshua’n tumlam pang Jordan gal ah a suohpih teu lak ah chanvo a pie zaw a. Chun, Joshua’n a in lam uh a a chiehsak ding lai khan a vangsak a,

EZEKIEL 48:4

Naphtali chan tawh kigamgi’n, suohlam apat tumlam zuonin chan khat chuh Manasseh te chan ahi.

THILSIEMBUL 41:52

A chapa nihna min chuh Ephraim a sa a; “Pathien in ka gimtheih thawkna gam ahin chi ei suon sak tai” a ti a.

2 SAMUEL 2:9

Gilead chunghaw ah, Aser chunghaw ah, Jezreel chunghaw ah, Ephraim chunghaw ah leh Israel chengcheng te chunghaw ah leng in a siem ta a.

EZEKIEL 47:13

Lalpa Pathien chun hiti hin a tii, “Ziehaw hi Israel nam sawmlenihte laka gam kihawp dân ding chuh ahi a, Joseph phungte chan nih chang in au.