JOSHUA 15:8 - PATHIEN LEKHABU THIENGTHO (BSI)

⁸ Chun, gamgi chuh Hinnom chapa phaicham Jebus te gam sik simlam (zie chuh Jerusalem ahi) tiengin a chieh to a; chun, gamgi chuh Hinnom tumlam pang phaicham a um tângsip ah a chieh to a, zie chuh Rephaim mâllam pang phaicham tâwp kei ahi.

JOSHUA 15:8 ပူးပေါင်းရင်းမြစ်များ

JOSHUA 18:16

Chun, gamgi chuh Rephraim mâllam pang guom a Hinnom chapa phaizawl bul a tâng tâwp achun a chieh suk a; tichun Jebus te sîk ah, simlam panga Hinnom phai ah a chieh suk a, Enrogel ah a kum suk hi.

JOSHUA 15:63

Himahlele Jerusalem khuo a cheng Jebus te vang chuh Juda suonte chun a nawhdawk thei puou a, khutichun Jebus te chuh Juda suonte tawh tuni tieng hin Jerusalem ah a cheng khawm zing tau hi.

VAIHAWMTE 19:10

Himahlele, zie pa chuh zie zan a giek kit ding chuh nuom lo in a kipandawk ta a, Jebus khuo zawn a va tung u a (zie chuh Jerusalem ahi) sabiltung nih leh a meinu chuh a pui a.

JOSHUA 18:28

Zela, Ha-eleph, Jebus (zie chuh Jerusalem ahi), Gibeah leh Kiriath-Jearim haw ahi; khawpi haw sawmleli leh a khawneu haw tawh. Benjamin suonte a inkuon uh bang zela a chanvo dinguh a piek chuh ziehi ahi.

2 LENGTE 23:10

Chun, leng Josia chun, kuoma’n a chapau ahim, a chanuu ahim, Molek pathien kawma kithawihna dinga a piek lohna dingun, Ben-hinnom guoma milim pathien hona, Topheth chu a hihbuok sak a.

VAIHAWMTE 1:21

Chun, Benjamin suonte chun Jebus mite Jerusalem a cheng te chuh a nawhdawk puou a; tichun, Jebus mite chuh Benjamin suonte tawh tuni tieng hin Jerusalem ah a cheng khawm zing tau hi.

JEREMIA 19:14

Chun, Jeremia chuh hilhlawkna thu gen dinga Lalpa’n a sawlna mun Topheth apat chun a hunga, chun, Lalpa In huongsung achun a ding a, mipi haw kawm achun hiti hin a gen a.

JEREMIA 19:6

Zieziekchun, ngaitie, nite chuh hung tung ding ahi, Lalpa’n hiti hin a gen hi. Zie ni haw achun zie mun hi Topheth kiti ta puo’n tin, Benhinom guom le kiti diek ta puo’n a, kithahna guom tih hizaw ta’n a.

JEREMIA 19:2

Harsith kawtkhak lutna bula Ben-hinnom guom achun chieh in la, zie tak achun na kawma thu ka hun hilh ding hi phuong in.

ISAI 17:5

Tichun, buh-ât pa’n buh a ât a, a vui haw a khuta a lak bang mai hi hi’n tin, Rephaim phaizawl a buhvui mi’n a lakkhawm bang mai hi’n a.

2 KHANGTHUBU 28:3

Hinom luiphai ah gimlim te a hâla, Lalpa’n Israel te masanga a nawhdawk tâk nam te’n thil kihdak-um tak a hih sek bangun a chate chu hâlmang thillat in a pie a.

2 SAMUEL 5:22

Chun, Philistia mite chu a chieh to kit u a, Rephaim guom ah a kitieng kit u a.

2 SAMUEL 5:18

Tichun Philistia mite chu Rephaim guom ah a kitieng u a.

VAIHAWMTE 1:8

Chun, Juda suonte chun Jerusalem khuo a vak do u a, a la tau a, chemzâm in a that u a, khawpi chuh mei in a hâl tum u a.

1 KHANGTHUBU 11:4

Leng David leh Israel te chengcheng chu Jerusalem ah a chieh u a, khawpi chu a va do tau a. Zie lai chun Jebus ti a het a hi a, a gam luoh masate, Jebus te chu a cheng zing u a.

NEHEMIA 11:30

Zanoah, Adullam leh a khawneu haw leh Lakish leh lo mun haw achun le a cheng u a; Azekah leh a khawneu haw achun tawh a cheng u a. Beer-sheba apat in Hinnom phaicham tieng in a cheng u a.