JOSHUA 15:11 - PATHIEN LEKHABU THIENGTHO (BSI)

¹¹ Chun, gamgi chuh mâllam pang Ekron pang ah a chiehdawk a, Shikeron ah a chieh sak uh a, chun, Baalah tâng ah a chieh zel a, Jabneel ah a pawt a; tichun gamgi chuh Tuisuohgiet ah a tâwp hi.

JOSHUA 15:11 ပူးပေါင်းရင်းမြစ်များ

2 LENGTE 1:16

Chun, amah chun a kawmah, “Lalpa’n hiti hin a tii: ‘Ekron khuo a pathien Baal-zebub dawng dinga mite na sawl a, Israel gama hi Pathien dawt ding um talo guol maia na hih ziek chun, dam dawk puo’n na tin, thi tei tei inla,’ ti’n” a ti a.

2 LENGTE 1:6

Chun, amau chun a kawmah, “Mi khat ei hopih dingin a hung a, ka kawm u ah, Chieh kit unla, nanguh hun sawlpa leng kawm achun chieh kit tau unla, a kawmah, Lalpa’n hiti hin a tii: ‘Israel gama hih Pathien a um takloh ziek ahim Ekron khuo pathien Baal-zebub chu dawng dinga na sawl tâk mai chuh? Na kisukliemna apat khan dam dawk puo’n na tin, thi tei tei inla, ti’n, hun tiu,’ a tii,” a tiu a.

1 SAMUEL 7:14

Chun, Philistia mite’n Israel te khuo a lak hawu chu Ekron apat Gath tiengin Israel te a pie kit uh a, Philistia mite khut apat a gamsung u chu Israel te’n a hukdawk u a. Chun Israel te leh Amor te kal ale chamna a um ta a.

1 SAMUEL 5:10

Khutichun Pathien bawm chu Ekron ah a thak dawk tau a, a vatun phetin Ekron khuo mite chu “Israel te Pathien bawm chu eihaw leh I miteu sulum dingin I kawm u ah ahun puo tau hi” ti’n Ekron khuo a mite chu a kiko zak tau a.

JOSHUA 15:45

Ekron leh a kiengvêl khuo haw leh a khawpel haw tawh,

JOSHUA 15:9

Chun, gamgi chuh tângsip apat in Neptoah luicha haw tiengin a chieh sak uh a, Ephron tâng a khawpi haw ah a chieh zel a; chun gamgi chuh Baalah ah (zie chuh Kiriath-jearim ahi) a chieh sak tau a.

JOSHUA 15:10

Gamgi chuh Baalah apat in tumlam panga Seir tâng tiengin a kiheikuol kit a, mâllam pang ah Jearim (zie chuh Kesalon ahi) tâng zul ah a chieh zel a, Beth-shemesh ah a chieh suk a, Timnah lam ah a chieh zel a:

JOSHUA 15:12

Chun, tumlam pang gamgi chuh Tuisuohgiet lien tak leh a phai cheng chuh ahi a. Zie gamgi tieng chuh ahi Juda suonte dinga a inkuon dungzui zel a a piek chuh.

1 SAMUEL 17:52

Chun, Israel te leh Judate chu a kipan u a, a kiko u a, Philistia te chu Gath leh Ekron kulhkawt tieng hielin a delhzui tau a. Chun, Philistia te haw chu Shaaraim lampi tungtawn in Gath leh Ekron tiengin, a puk zeng zung mai tau a.

KISIMNA 34:6

A tumlam pang achun Tuisuohgiet lien chuh a gamgi din chang un na tin, ziehi tumlam a na gamgiu hi’n a.

VAIHAWMTE 1:18

Chun, Juda chun Gaza, Ashkelon, Ekron leh a kimvel a khuo te chuh a la a,

1 SAMUEL 5:8

Khutichun Philistia lengte chengcheng chu a samkhawm u a, a kawm u ah, “Israel te Pathien bawm hi bang lawh ding I hi tau em?” a tiu a, Chun, Gad khuo mite chun, “Israel te Pathien bawm chu kei uh kawmah puoklut hi hen” ti’n a dâwng uh a. Tichun Israel te Pathien bawm chu zie chun a chawn tau a.

2 KHANGTHUBU 26:6

Chun, Uzziah chu Philistia te do dingin a kuon dawka, Guth kulh te, Jabneh kulh te, Ashdod kulh te a suchim a; chun, Ashdod naih leh Philistia te lak ah, khawpi a siem a.