JOSHUA 13:7 - PATHIEN LEKHABU THIENGTHO (BSI)

⁷ Khutichun zie gam hi nam kuo te leh Manasseh nam kimkhat te gochan in hawp sak in, a ti a.

JOSHUA 13:7 ပူးပေါင်းရင်းမြစ်များ

KISIMNA 33:54

A gam chuh phunsân a inkuon bang zela na hawp dinguh ahi a, a tam deuhte chuh gam lien deuh pieu unla, a tawm deuh te chuh gam neu deuh pieu un: Phunsân a a kiekna taphawt chuh a chan uh hi’n tin; na pileputeu inkuon chiehdan bang zelin na luoh ding uh ahi.

JOSHUA 13:6

Chun, Lebanon apat a Misrephoth-maim mun tiengin, thingtâng gama cheng te chengcheng, Sidon mite chengcheng chuh; amau haw chuh Israel chate masang a hin nawhdawk ing ka ting, thu ka hun piek bang khan Israel te go chan ding siem sak in.

JOSHUA 13:8

Chun, Manasseh nam kimkhatte leh Reuben namte leh Gad namte chuh Jordan suohlam panga khan a chanvo dinguh Mosi’n a piek chuh a na chang tau a, Lalpa suok Mosi ngêi in a na piek tâk bang khan.

SAM LEHKHABU THE PSALMS 78:55

Namtin chuh a masang uh ah a nawhdawk a, Amau haw chuh a gochan ding in a hawm a, A puon in hawu achun Israel namte chuh a um sak ta a.

SAM LEHKHABU THE PSALMS 105:44

Chun, gam haw chu namte kawm achun a pie a; Amau chun mite hauhsakna chu a luoh tau a.

EZEKIEL 45:1

Chun, gam chuh phung tinte kawma gochan dinga na hawp tiengu leh, huntieng chuh Lalpa dinga na sehkhen dinguh ahi: A dunglam chuh tawng singnih leh sangnga, a vailam chuh tawng singnih hi’n tin, a pum in gam thiengtho a hi ding ahi.

KISIMNA 34:13

Tichun Mosi chun Israel chate kawmah, “Ziehi Lalpa’n nam kuote leh nam kimkhat te piek dinga thu a piek, Phunsân a na luoh dinguh gam chuh ahi.

JOSHUA 14:2

Lalpa’n Mosi kawma thu a na piek bang khan, nam kuo leh nam kimkhat te chanvo ding gam chuh Jordan tumlam pang chuh phunsân in ana hawm tau a.