JOSHUA 11:6 - PATHIEN LEKHABU THIENGTHO (BSI)

⁶ Chun, Lalpa’n Joshua kawmah, “Amau haw chuh kihcha ki’n, zing leh tuphat hileh amau haw chuh thahsa a Israel te hun pie ding ka hi; a sakawl hawu zagui sât tan sak un na tin, a kangtalai hawu chuh hâl sak unlau,” a ti a.

JOSHUA 11:6 ပူးပေါင်းရင်းမြစ်များ

2 SAMUEL 8:4

Tichun David chun a sakawl chung chu mi sangkhat leh zasagih leh sepaih singnih a lâksak a: chun David chun kangtalai kai sakawl chengcheng chu a zagui uh a sattan sak a, kangtalai zakhat kai ding vang chu a hing hawih a.

2 LENGTE 6:16

Chun, amah chun, “Lau dah ta, amau haw lama pang sangin, ei lama pang a tamzawu a puo!” a ti a.

2 KHANGTHUBU 20:16

Zing leh va do un; Ziz zawt tohna ah a hung to u a, Jeruel gamthip mun guom tawp lam ah va mu’n lau.

SAM LEHKHABU THE PSALMS 46:10

Thip unla, Pathien ka hi tih hi heu in: Namte cheng lak ah chawih sa’n in um ing ka ting, lei ahin chawihsân in um ing ka.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

SAM LEHKHABU THE PSALMS 46:9

A mah chun kido na haw hi kâwlmawng chan in a suhai sek a; Thalpo chuh ahih bawnga, tiengcha chu sattan seka; Kangtalai haw chu mei in a hâl mang sek a.

THUCHINGTE 20:7

Mi diktat chun dik takin kalsuon intin, amah suonte chuh mi hampha ahiu hi.

ISAI 30:16

“Nang u chun la, hilo e, sakawl chunga chu’n taimang ung kau,” na ti zaw ngâl u a, zieziekchun, zie chun taimang ngêi un na tin; chun, “Thil hattak chungah chu’ng kau,” na tiu a; zieziekchun, a hun delh dingte chu, nang haw sanga hât zaw hi’nau.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

EZEKIEL 39:9

Israel te chuh khawpi apat chun pawt un tin, gâlvan chuh chawm khawm un tin, mei ah tik un tin; tichun, phawte, thalpi leh thalchangte, tiengchate leh a phe te chuh kum sagih sung tik un au.

HOSEA 14:3

Asuria te chun ei hukdam thei ta puou a, kidona sakawlte chun le ei hukbit thei diek puoi. Ka khutsuok teu kawm achun, ‘Ka pathien uh na hiu,’ ti kit ngêi ta puo’ng kau. Nauchagahte chun nang ah zahngaihna a mu sek ngâl u a,” ti’n.

NAHUM 2:13

“Ngaiin, nang ka hun do hi!” Sepaihte Lalpa chun a ti a. “Na kangtalaite chuh hâltum vek ding ka hi. Na sepaihte chuh kidonaa thah in um untin, chun, lei chung akipat in na salmatte sutawp ing ka ting, na thangkote aw mawng mawng kiza ta puo’n a,” ti’n.

DAN NIHNA 7:16

Chun, Lalpa na Pathien un a hun piek ding nam chengcheng te chuh na sukmangthai vek dinguh ahi; na lungsiet dinguh ahi puoh a, a pathienteu na le na sep dinguh ahi puoi; zie chuh nang u dingin thâng hi ding ahi ngâla.

JOSHUA 10:8

Chun, Lalpa’n Joshua kawmah, “Amau chuh kihcha hiel ki’n, na khut ah ka pie tai; a lak uh a mi kuomah na ma a ding thei um hiel puo’n au,” a ti a.

JOSHUA 11:5

Zie leng haw chengcheng chuh a kizawm khawm uh a, Israel chate do dingin Merom luicha achun a giek khawm uh a.

JOSHUA 11:7

Khutichun Joshua leh a sepaihte chengcheng chun Merom luicha achun a va do phut tau a, amau chuh a bawh uh a.

JOSHUA 11:9

Chun, Lalpa’n a sawl bangin Joshua chun a chung u ah a hih a: a sakawl hawu zapigui chuh a sât tan sak u a, a kangtalai haw chuh a hâl sak tau a.

JOSHUA 3:5

Tichun Joshua’n mipite kawmah, “Kihihthiengtho un: zing leh Lalpa’n na lak u ah thilmak takte hih ding ahi,” a ti a.

VAIHAWMTE 20:28

Aron chapa Eleazar chapa Phinehas chuh a enkawl in a pang a). Mipite chun, “Ka suohpih pau Benjamin suonte chuh ka do kit ding um, ka haihsan mai ding um?” ti’n Lalpa a dawng u a. Chun, Lalpa’n, “Va do kit un, zing leh chuh na khut u a hun pie ding ka hi tai,” a ti a.

VAIHAWMTE 7:9

Chun, tihi a hung hi a, zie zan chun Lalpa’n a kawmah, “Kipan inla, a giehbuk lam u ah va chieh suk tie, amau chuh na khuta ka pie tai,” a ti a.

1 SAMUEL 11:9

Chun, a mi hun sawlteu kawm achun, “Jabesh-gilead mite kawm a chun, ‘Zing leh nisat huoisiet ma’n hukdawk hi’n lau’ va tiu in,” a tiu a. Chun, a mi sawlteu chu ava chieh uh a, Jabesh mite chu a hilh uh a, tichun a kipâk mah mah tau a.