JOSHUA 11:15 - PATHIEN LEKHABU THIENGTHO (BSI)

¹⁵ Chun, Lalpa’n a suok Mosi kawma thu a piek bangin, Mosi’n le Joshua thu a pie a; khutibang chun Joshua’n a hih zel ta a. Lalpa’n Mosi thu a piek chengcheng chuh hihloh himhim a nei puoi.

JOSHUA 11:15 ပူးပေါင်းရင်းမြစ်များ

JOSHUA 1:7

Ka suok Mosi’n dân chengcheng zawp dinga thu a hun piek kha zawp chak kêi dingin hattak leh hangsan takin um phawt mai in; na chieh na cheng a na lamzan theihna dingin na changlam ahim, na veilam ahim ah petmang san hiel ki’n.

NASEPTE 20:20

Khati khan, a phachuom ding thu, na kawm u ah bangmah suklat ka kitim puoh a, vantâng lak ale, In tin ale, nanguh ka hun sinsak sek kha.

DAN NIHNA 7:2

Lalpa na Pathien un amau chuh na khut u a a hun pieka na zawh tiengu leh na sukmangthai suok kêi dinguh ahi; amau haw chuh tawh thu na thun dinguh ahi puoh a, a chungu ale na zahngaih dinguh ahi puoi;

2 KHANGTHUBU 30:12

Juda gam te vang chuh Lalpa thu a lengpa leh milien haw thupiek chu zawp dingin Pathien in lunggil kibang a put sak a.

DAN NIHNA 31:7

Chun, Mosi’n Joshua chuh a sama, Israel mite chengcheng muhna ah a kawmah, “Hattak leh hangsan takin um in, Lalpa’n a pileputeu kawma kihâksiela piek dinga ana tiem gama chuh zie mipite hi tawh chieh ding na hi a, chun, zie gam chuh na luoh sak ding ahi.

DAN NIHNA 12:32

Hih dinga thu ka hun piek chengcheng hi na hih dinguh ahi; na behlap dinguh ahi puoh a, na lâk khen dinguh le ahi diek puoi.

DAN NIHNA 4:5

“Ngaitiem u, na valuoh dinguh gama chule na zuih zel dingun Lalpa ka Pathien in thu ei piek bang takin dân haw leh thutanna haw chuh ka hun sinsak a.

NASEPTE 20:27

Pathien thiltup chengcheng a bawnin, na kawm u a suklat ka kitim puoh kha.

DAN NIHNA 4:2

Ka hun thupiekte hi na behlap dinguh ahi puoh a, chun, na lâk khen ding u le ahi puoi; khutichun, Lalpa na Pathien dân thu hun piekte leh zuih dinga ka gente hi zui dik thei un lau.

1 SAMUEL 15:11

“Saul lenga ka na siem chu ka kisik ahi; ei zuihna apat a a kinunghei a ka thupiekte a zawp loh ziekin,” a ti a. Chun, Samuel chu a lungna a, zankhuo’n Lalpa chu a sama.

JOSHUA 11:12

Chun, Lalpa suok Mosi thupiek bang khan, khawpi haw leh a leng hawu chengcheng chuh, Joshua’n a la suok kêi a, chemzâm a do in a that a, a hihchimit suok ta a.

LUKE 11:42

“Na chunguh a gik hi! Nanguh Pharisaite haw, Pudina bang, pathikhawm ngat bang leh, thai tin chengte Pathien kawmah sawma-khat na pie sek u a, himahleh, vaihawm dikna leh Pathien hehpih ding chuh na ngaihsak ngâl puou a. Ziehaw chuh apuo, na sin ding u chuh, a dangte hih chuh haihsan diek lo in,

MATTHAI 23:23

“Na chunguh a gik hi! Nang haw, Danthuzik leh Pharisai gukhahte haw! Pudina leh pathikhawm, chuleh zira cheng hi sawma-khat na tuok sek u a, himahleh, dân thu khawk zaw diktatna, lungsietna, ginumna haw chuh na ngaitam ngâl sek un; ziehaw chuh a puo na hih dinguh chuh, a dangte chuh haihsan diek lo in.

JOSHUA 11:14

Chun, zie khawpi a a gâllâk hawu chengcheng leh gancha haw chuh Israel chate chun amau haw chanvo dingin a kilak u a; mihiem haw chu vang a thah suok kêi macheng un chemzâm in a that zel u a, khatchale a hing hawih uh a um puoi.

JOSHUA 11:16

Khutichun, Joshua’n zie gam chengcheng, thingtâng gam te, sim lam gam chengcheng te, Gosen gam chengcheng te, phaicham te, Arabah gam te, Israel tâng gam te leh a phai gam hawu tawh a la suok a:

KISIMNA 33:50

Chun, Jerikoh zawna Jordan lui kaihna, Moab phaizawl achun Lalpa’n Israel chate dingin zie dante hi Mosi kawmah a pie a:

KISIMNA 33:52

zie gama mite chengcheng chuh nawhdawk suok un la, a milim siemteu chuh suksiet sak unla, a suong milimteu chuh susieu inla, a pathien hona mun teu le na sukchim sak vek dinguh ahi:

DAN NIHNA 31:3

Lalpa na Pathien u ngêi chun na mau kai zel intin; zie nam haw hi hun sukmangthai sak intin, a gam u chuh luoh inlau; chun, Lalpa’n ana gen guol khan Joshua’n na mau kai ina.

DAN NIHNA 31:5

Lalpa’n amau chuh hun pien tin, thu ka hun piek haw chengcheng guola kha a chung u a na hih ding ahi.