JOSHUA 11:14 - PATHIEN LEKHABU THIENGTHO (BSI)

¹⁴ Chun, zie khawpi a a gâllâk hawu chengcheng leh gancha haw chuh Israel chate chun amau haw chanvo dingin a kilak u a; mihiem haw chu vang a thah suok kêi macheng un chemzâm in a that zel u a, khatchale a hing hawih uh a um puoi.

JOSHUA 11:14 ပူးပေါင်းရင်းမြစ်များ

JOSHUA 11:11

Chun, zie khuo a mi chengcheng chuh chemzâm in a that u a, a hih chimit suok u a, a hing taphawt chuh khatchale a sît puou; tichun Hazor khuo chuh a hâl tau a.

JOSHUA 10:40

Khutichun Joshua’n, thingtâng gam chengcheng te, sim lam gam te, phai gam te, tuinak nei gam te chuh a bawnin a susie veka, a lengteu chengcheng chuh a satlum suok kêi a, khatchale sit mawngmawng a nei puoi. Lalpa, Israel Pathien thupiek bangin a hing tapoh chuh a hihchimit suok kêi ta a.

JOSHUA 8:27

Lalpa’n Joshua thu a piek a, hih ding a tih bang tak khan zie khawpi a ganchate, leh gâllâkte mai chuh Israel te chun amau haw chanvo dingin a la tau hi.

DAN NIHNA 20:14

Ahih ziekin numei leh naupang, gancha leh khaw sunga thil um chengcheng chuh gâllâk thil chengcheng tawh, nang u ding ahi; Lalpa na Pathien un a hun piek gâllâk thil chengcheng chuh na chan dinguh ahi.

KISIMNA 31:9

Tichun, Israel chate chun Midian numei haw cheng leh a chateu chuh salin a pui u a; a ganchateu chengcheng, a belam guolteu, leh a thuomphuo hawu chengcheng chuh a kilak u a.

DAN NIHNA 20:16

“Ahih ziekin, Lalpa na Pathien un luoh dinga a hun piek gama namte khawpi sunga hinna nei taphawt chuh, Lalpa na Pathien un thu a hun piek guolin, bangmah na hinhawih loh dinguh ahi.

JOSHUA 11:13

Tâng chunga khawpi ana umsa haw chuh vang, Hazor tihloh in Israel te chun khatchale a hâl puou; zie khuo vang chuh Joshua’n a hâl hi.

JOSHUA 11:15

Chun, Lalpa’n a suok Mosi kawma thu a piek bangin, Mosi’n le Joshua thu a pie a; khutibang chun Joshua’n a hih zel ta a. Lalpa’n Mosi thu a piek chengcheng chuh hihloh himhim a nei puoi.

JOSHUA 8:2

Jerikoh leh a lengpau chunga na hih bang khan Ai khuo leh a lengpau chung ah le na hih ding ahi; gâllâk leh ganchate mai chuh nanguh haw chan hi’n tin; khawpi chânggu ding a nung lam ah kawih in,” a ti a.

2 KHANGTHUBU 20:25

Tichun, Jehoshaphat leh a lawite chu gâllâk sum la ding in a va chieh u a, alak u achun sumlepaite, silhlechen te, suongmantamte, tamtak a muu a, a puok zawh loh khawp un a lau a. A tam bêk a, ni thum hiel gâllâk sum chu a thak ui.