JOSHUA 10:13 - PATHIEN LEKHABU THIENGTHO (BSI)

¹³ Tichun, a melmateu chunga phuba a lak zawh macheng u chun, nisa chuh a ding zing ta a, thapi chule a kichawl ta a. Zie thu hi Jashar lehkhabu a zik sa hilo ahim? Tichun nisa chuh vanlaizawl ah a um zing ta a, ni khat pumlum chuh tum guo lo in a um hi.

JOSHUA 10:13 ပူးပေါင်းရင်းမြစ်များ

HABAKKUK 3:11

Nisa leh thapi chuh a ding zing ui, amau umna mun ah, na thal chang leng dawk leh na tiengcha mûk val liu lieute vaka chun.

ISAI 38:8

Ngaitie, leng Ahaz In a hunbi tiemtehna chuh kalbi sawm in kinungchawn sak kit ding ka hi” a ti a. Khutichun, nisa chuh hunbi tiemtehna achun kalbi sawm in a kinungtawl ta a.

JOSHUA 10:14

Chun, Lalpa’n khutibanga mihing aw a ngaihthak ni chuh masang in a um kha mawngmawng puoh a, a nung inle a um kha diek puoi; Lalpa’n Israel chate chuh a do pih ahi ngâl a.

VAIHAWMTE 16:28

Chun, Samson chun Lalpa a sama, “Aw Lalpa Pathien, lungsiet takin ei hun hezing inla, lungsiet takin khatvei mai ei hun hihhat kit in, ti’n ka hun ngên hi. Aw Pathien, Philistia te chung ahin ka mitchangte nih phuba hih ka lak theih na dingin,” a ti a.

LUKE 18:7

Pathien in, a mah mite ngêi, a sun a zan a panpihna ngên a kiko sekte phuba chuh lâksak lo ding ahim? Amau haw panpih dingin a ngak nalai dinga ahim?

JOEL 3:15

Ni leh tha a hung thim a, aksite chun a vakuh a suoh ta puou!

JOEL 2:10

A masang u ah lei a kilîng a; vante a kithing a, Ni leh tha chuh a thim a, aksite’n le a vakuh a suoh ngam puou hi.

SAM LEHKHABU THE PSALMS 148:3

Ni leh tha haw amah chuh pakchau inla: Aksi vak chengcheng haw amah chuh pakchau in.

SAM LEHKHABU THE PSALMS 19:4

A awu chun lei chung chengcheng zel suok a; A thuu chuh kâwlmawng tiengin a thang suok ta a, Ziehaw a chun ni a dingin puon-In a zak a.

ESTHER 8:13

Zie chuh dana mat ding a, gambung tin a mite kawm a chuh phuon ding ahi, khutia chuh, a ni a hungtun phat leh Judate chuh a melmateu chunga phuba la ding a a kisak lawk theihna ding un.

2 SAMUEL 1:18

chun, thalpi kah la chu Juda suonte sinsak dingin a ngên a, Jashar lehkhabu a zik ahi.

ISAI 24:23

Zie tieng chuleh, tha chuh hung thim intin, nisa le vak diek ta puo’n a, Sepaihte Lalpa chuh Zion tâng leh Jerusalem achun leng a um ding ahi ngâla; tichun, a upate masang a chun a lopina latsak ding ahi ngâla.

VAIHAWMTE 5:2

“Israel chate laka lawiupa haw chun ma a kai u a, Mipi haw chuh kiphal takin a hung kipie dawk u a, Israel chate phuba a lâk sak tâk ziekin, Lalpa chuh pakchau un,” ti’n.

JOSHUA 10:11

Chun hiti hi ahi a, Amor te chuh Israel te masanga a taihsiet uh a, Beth-horon apat a chieh sukna lampi a a um lai u chun Lalpa’n van apat in giel lientak takin Azekah khuo tiengin a vak seh sak a, tichun, a thiu a; Israel chate’n chemzâm a a satlup sang un giel sehlup chuh a tamzaw hiel tau hi.

KISIMNA 31:2

“Midian te chungah Israel chate phuba la’n la, zie zawh chuleh na chipihte kawmah puih hi ta’n la,” a ti a.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

THUPHUON 8:12

Chun, vânsâwlchâk lina chun a pengkun chuh a vak mût a. Zie chun ni sa, mun thuma khena mun khat, thapi, mun thuma khena mun khat, aksi le mun thuma khena mun khat chuh suksiet ahi ta a; tichun, ni, mun thuma khena mun khat, tha mun thuma khena mun khat chuh a hung thim ta a.

THUPHUON 6:12

Chun. Belamno, tiemtehna gupna hihsie a a phel chuh ka vak mu a. Ziephet chun, lei nasatak in a hung kilîng a, nisa chuh samul puon vawm bang mai in a hung vawm tha ta a, chun, tha chuh thisan bang mai in a hung san ta a.

THUPHUON 6:10

Amau chun aw ngeih tak in, “Aw Lalpa, mi thiengtho leh diktak, bang chana lei chunga mite chunga vaihawm lo a, ka thisan phubau chuh la lo a na um ding?” ti’n a kiko u a.

NASEPTE 2:20

Nisa chuh hung thim intin, Tha thisan hung suok intin; Lalpa Ni lopitak leh minthang tak chuh a hungtun ma’n,

MATTHAI 5:45

ti a chuh na Pau van a um chate na hih theihna ding un. Amah chun mi gilote leh mi phate chunga le ni kibang in a suoh sak sek a; mi pha leh mi phalote chunga le guoh a zuk sak ngâl a.

KISIMNA 21:14

Zieziekchun Lalpa galdona bu achun, “Vaheb khawpi Supha a um, leh Arnon luiguom te,

MATTHAI 24:29

“Himahlele, zie tawbang ni dahum tak zawh chuleh ni chuh hung thim intin, tha vak ta puo’n tin, van apat in aksite hung kie’n tin, van thilhih theihna haw chuh suklîng a um ding ahi.

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

2 LENGTE 20:10

Chun, Hezekia chun a dâwng a, “Nisa lim chu kalbi sawm tienga a kitawl toh chu a baihlam taluo a, zie chu hilo in, lim chu kalbi sawm tiengin kinungtawl kit zaw hen,” a ti a.

JOB LEHKHABU THE BOOK OF JOB 9:7

Nisa chuh suok lo dingin a hihthei a, Aksihaw chule zan a vak lo dingin a khâm thei hi.