JOSHUA 10:11 - PATHIEN LEKHABU THIENGTHO (BSI)

¹¹ Chun hiti hi ahi a, Amor te chuh Israel te masanga a taihsiet uh a, Beth-horon apat a chieh sukna lampi a a um lai u chun Lalpa’n van apat in giel lientak takin Azekah khuo tiengin a vak seh sak a, tichun, a thiu a; Israel chate’n chemzâm a a satlup sang un giel sehlup chuh a tamzaw hiel tau hi.

JOSHUA 10:11 ပူးပေါင်းရင်းမြစ်များ

ISAI 28:2

Ngaitie, Lalpa chun mihat, thilhih thei tak a nei a; amah chuh giel nasatak kie zungzung, huihpi thil susie gei gui bang leh, tuilien nasatak, let zuoh zuoh bang mai in, lei ah paih tha’na.

VAIHAWMTE 5:20

Van aksite chun a mun u apat Sisera chuh a hun do u a;

THUPHUON 16:21

Giel lien tak, talent tawh kibang hiela gik hi van apat in mihiemte chungah a hung kie a, zie giel a gawtna ziek chun; mihiemte chun Pathien chuh a gensie tau a; zie gawtna chuh a nasa mah mah ngâl a.

THUPHUON 11:19

Tichun, van a Pathien Ho-In chuh a hung kihawng ta a, a sunga Thugawlh Thingkuong chuh a hung kilang ta a. Ziephet chun, kawlphe le, aw le, vangi le, leiling leh gielpi nasatak a hung um zieng ta a.

EZEKIEL 13:11

Thil nuh vamte kawm achun chim pai zieng ding ahi tih hi gen un. Guohpi hung zu’n tin, gielpi lien tak tak hung kie’n tin, chun, guohpi-huihpi kithuoh in mût chim ina.

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

SAM LEHKHABU THE PSALMS 11:6

Migilote chung achun mei leh kât zuk sak in na tin; Huihlum tak mi katum thei chuh a chanvo dinguh ahi.

THILSIEMBUL 19:24

Tichun, Lalpa’n Sodom leh Gomorra chung achun van a Lalpa kawm apat chun mei leh kât a zuk sak ta a.

JOB LEHKHABU THE BOOK OF JOB 38:22

Vuk kawihkhawmna mun ah na lut kha ta? Ahihloh leh, giel kawihkhawmna mun a le na lut kha ta?

DAN NIHNA 20:4

Guolzawhna na chan theihna ding u a na melmateu do dinga hun umpih zing chuh Lalpa na Pathien uh ahi ngâla,’ a tih ding ahi.

2 SAMUEL 18:8

A kidonau chu zie gam vel huop sung chengcheng chu ahi ngâl a; zie ni chun chemzâma thi sang chun gammânga thi chu a tamzawu hi.

JOB LEHKHABU THE BOOK OF JOB 38:23

Zie chuh buoina hun a ding leh, Kido leh gâlpi huna dinga ka kawih khawl ahi.

SAM LEHKHABU THE PSALMS 147:17

A vukkhal chuh changbuong guolin a paih dawk sek a: Amah vawt na masang achun kuo a ding thei ding?

ISAI 28:21

A nasep, nasep lamdang chuh a sep theihna dingin leh, a thilhih, a thilhih makte chuh a muolsuoh theihna dingin, Lalpa chuh Perazim tânga a dindawk bang khan ding dawk intin, Gibeon guoma a lungnat bang khan lungna ding ahi ngâl a.