9 Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.
Chun, ngaitie, na kawmah ka um a na chieh na taphawt ah hun vangsak zel ing ka ting, zie gam ahin hun puikit ing ka; Na kawma ka thugen hi ka hih masieh chuh hun thahtham lo hiel ding ka hi,” a ti a.
Chun, Absalom chun a suokte chu, “Ngaitiem u, Amnon chu uain dawna a lunggil a tai lai leh na kawm u ah, ‘Amnon chu that un,’ ka hun tih chun, that zieng unla, lau kiu in, thu ka hun piek uh hita lo ahim? Kihih hangsan unla, kipasalphat sak un,” ti’n thu a pie a.
Leng David chun, a chapa Solomon kawm achun, “Hat tak leh hangsan takin um inla, na chuh sem inla, lau ki’n la, lungkie diek ki’n! Lalpa Pathien, ka Pathien, a na na sep pa hi na kawmah a um hi; Ho-In sak hi na zawh suok kêi ma’n, hun hengilh in hun thahtham puo’n a.
Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.
Himahleh, Aw Jakob, nangmau haw hun siempa, Aw Israel nangmau haw hun dindawk pa chun hiti hin a tii, “Lau kiu inla, ka hun tandawk ta ngâl a. Na min un ka hun sam ta a, Keia na hi tau a puo!
Tichun, ka kawmah, “Pathien in a hun lungsiet hi, bangmah lungkham ki’n la, lauh le lau diek ki’n,” a ti a. Zie chuh ka kawma a hun gen lai chun ka hung hatzaw deuh ta a, a kawmah, “Hepu, na gen nawp chuh gen in. Nei suhat deuh deuh ta ngâl a,” ka ti a.
Aw Jerubabel, tuhin chuh hangsan takin um in, Lalpa’n a tii. Aw Joshua, nang Jehozadak chapa, thiempu lienpen, nangle hattak in um in. Chun, nang haw zie gama mi cheng cheng te haw, hattak in um unla, sem un, na kawm u ah ka um ngâla, tih hi Sepaihte Lalpa kamsuok ahi.
Aigupta apat a na hung pawt lai u khan le, na kawm u a um zel ding ka hi tin ka hun thutiem sa bang khan na lak uh ah ka thagau a cheng zing hi, lau kiu in.
Ngaitiem u, Lalpa na Pathien un gam chuh a hun pie chienkei ta a; chieh to unla, Lalpa na pileputeu Pathien in a na gen tâk guol khan va luoh un; lau kiu inla, lungkie hiel kiu in,” ka ti a.
“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.
Chun, Nun chapa Joshua chuh a thu a pie a, a kawmah chun, “Hattak leh hangsan takin um in; Israel suonte chuh kihâksiela ka tiem gama chuh puilut ding na hi ngâla; chun, hun umpih zing ding ka hi,” a ti a.
A hetna ngêi u a zie thu hi ka gena, a chung u a hetpih a pang dinga lei leh van ka sap theihna dingin, na phung tin u a upahawu leh na hotuteu chengcheng ei sap khawmsak un.
Kuole na thupiek chunga kiphin a, thu na piek taphawt zawp nuom lo chuh suklup ding hi’n au. Hattak leh hangsan takin um phawt mai in,” ti’n a dâwng u a.
Chun, Joshua’n a kawm u ah, “Lau kiu unla, lungkie hiel kiu un; hattak leh hangsan takin um un; na melmateu chungah Lalpa’n hitibang hin hih zel ding ahi,” a ti a.
Chun, Lalpa’n Joshua kawmah, “Mosi kawma ka um bang khan na kawm ale um ding ka hi tih a het theihna dingun, tuni hin Israel te chengcheng mitmuh ah hun limbawl ding ka hi.
Chun, Lalpa’n Joshua kawmah, “Lau ki’n la, lungkie diek ki’n, galdo mi chengcheng na kawmah pui inla, kipan inla, Ai khuo ah chieh ah; Ai khuo lengpa leh a mite leh a khuo leh a gam chuh na khut ah ka hun pie tai.
Chun, Lalpa chun amah chuh a en a, a kawmah, “Na tha hât lai ahi a, chieh inla Israel chate hi Midian te khut apat in va hukdawk in; ka hun sawl hilo ahim?” a ti a.
Chun, zie melchikna haw hi na chunga ahung tun tieng leh ahun ahun a thil umdan dungzuia na hih zieng sek ding ahi: Pathien in a hun umpih na hih tâk ziekin.