JOSHUA 1:8 - PATHIEN LEKHABU THIENGTHO (BSI)

⁸ Zie Dan bu hin na kam chuh pawtsan hiel kihen; zie thu kizik chengcheng chuh na zawp theihna dingin sun leh zan a na ngaihtuoh zawk ding ahi; tichun na lampi haw chuh hih zang zel in na tin, hung lawhting zel ding na hi.

JOSHUA 1:8 ပူးပေါင်းရင်းမြစ်များ

THILSIEMBUL 24:63

Isak chuh nitâk lam in kingaihtuoh dingin daikieng ah a va pawtdawk a, chun, a vak dâk dawk leh, ngaitie, sangawngsau hung haw chuh a vak mu a.

2 KHANGTHUBU 26:5

Pathien kilâkna hethiem Zekaria damsung in Lalpa na ginum takin a sem a, Pathien in vang a sak zel hi.

SAM LEHKHABU THE PSALMS 119:11

Na chunga thil ka hih khelh lohna dingin, Na thu chuh ka lunggil ah ka khawlkhawm a.

SAM LEHKHABU THE PSALMS 119:15

Na thuguot chung achun kipâk ing ka ting, Na lampite le limsak ing ka.

SAM LEHKHABU THE PSALMS 119:97

Aw na dân hi ka ngaina na mai zên e! Nichang tum a ka ngaihtuoh sek ahi.

SAM LEHKHABU THE PSALMS 119:99

Ei sinsak haw chengcheng sangin chitna ka nei tam zaw a; Na thu hetsakhaw hi ka ngaihtuoh a hih sek ziek in.

SAM LEHKHABU THE PSALMS 19:14

Aw Lalpa, ka Suongpi leh ei Tanpa! Ka kama thu pawt haw leh ka lunggil ngaihtuohna cheng hi, na mitmuh in pawm tâk hi hen.

SAM LEHKHABU THE PSALMS 40:10

Na diktatna chuh ka lunggil sung ah ka îm puoh a; Na muon umna leh na hukdamna thu chuh ka tângsap pih zaw a; Na zaidawhna leh na thutakna chuh kikhawpna lopi taka mi haw lak achun ka îm puoi.

THUCHINGTE 3:1

Ka chapa, ka hun thuhilhte hi hengilh ki’n la, ka thupiek haw hi na lungthim in vawp zing hen:

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

MATTHAI 12:35

Mi pha chun a gobawm apat in thilpha a ladawk sek in, migilo chun a gobawm phalo apat in thil phalo chuh a ladawk sek hi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 7:21

“Lalpa, Lalpa, ei ti tacheng van gama lut zieng ding ahi puou a; ka pa van a um deih bang hihte vang lut un au.

MATTHAI 7:24

“Khutichun, kuole zie ka thugente hi za a, zawp chuh mipil, suongpi chunga In sa tawbang chuh ahi.

LUKE 11:28

Himahleh, Isu’n a dâwng a, “Ahi, Pathien thu za a, zawpte hi mi hampha ahi zawu hi!” a ti a.

JOHAN 13:17

Zie tawbang thudik na het u chuh hih leu chin, bang tienga kipâkin na um ta phet ding um maw!

JOHAN 14:21

“Kuole, ka thupiek haw pawm a, zawp ta chuh, ei hehpih ahii. Kuole, ei hehpih chuh Pa’n, amah le hehpih ina; ken le amah chuh hehpih ing ka ting, a kawmah kilak ing ka,” a ti a.

EPHESI 4:29

Na kam u ah thu phalo himhim pawt kihe’n, a kûl zie bang zela siem pha dingin thu pha pawt zaw hen, a ngaithate ding a lungsietna a hung hih theihna dingin.

DAN NIHNA 29:8

Chun, a gam u chuh I lâksak u a, Reuben leh Gad namte leh Manasseh nam kimkhatte luoh dingin I pieu a.

DAN NIHNA 29:9

Zieziekchun, na thilhih taphawt u a na lamzan zel theihna dingun zie thuthun thu haw hi pawm unla, chingthei takin zui un.

DAN NIHNA 30:14

Ei puoi, thu chun a hun naih mah mah hi; na zuih theihna dingun na kam u a le a uma, na lungthim u a le a um hi.

DAN NIHNA 31:11

Mun a guot dinga Israel mi chengcheng Lalpa na Pathien mau a a hung kilat tiengu leh, zie dân hi Israel te chengcheng zaka na sim dawk sek dinguh ahi.

DAN NIHNA 31:24

Chun, hiti hi ahung hi a, zie dân thu haw hi Mosi’n kimtaka lehkhabu a a zikthak zawh suok kêi phet chun,

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

DAN NIHNA 5:29

Zie bang lungthim chuh pu sek leu aw, ei lau intin un, ka thupiek haw chuh zui zing intin un, amau leh a chateu haw le kumkhuo a lamzang ding ahiu a!

DAN NIHNA 5:32

“Zieziekchun, Lalpa na Pathien uh thupiek guola hih dingin chingthei un; changlam ahim, veilam ahim a na pet dinguh ahi puoi.

KOLOSSA 3:16

Krista thu chuh a hauhsakna chengcheng tawh na lunggil u ah cheng zing he’n. Mitin chuh chitna tin cheng in sinsak in hilh un. Pahchakna la haw, Pathien la haw, leh thagau lam la sau in la; lunggil a kipahthu gen kawmin Pathien chuh na lunggil u ah lasak sak un.

JOSHUA 1:7

Ka suok Mosi’n dân chengcheng zawp dinga thu a hun piek kha zawp chak kêi dingin hattak leh hangsan takin um phawt mai in; na chieh na cheng a na lamzan theihna dingin na changlam ahim, na veilam ahim ah petmang san hiel ki’n.

JOSHUA 8:34

Chun, zie zawh chun Dan thu chengcheng, vangsakna thu leh hansie lawhna thu chengcheng chuh, dân lehkhabu a kizik bang tak chun a sim dawk a.

THUPHUON 22:14

Hinna thing chung achun thu a neih theihna ding u leh, khawpi kawtkhak a a lut theihna dinguh a, a puon uh sawp ngim te chuh a hamphau ui.