JOSHUA 1:7 - PATHIEN LEKHABU THIENGTHO (BSI)

⁷ Ka suok Mosi’n dân chengcheng zawp dinga thu a hun piek kha zawp chak kêi dingin hattak leh hangsan takin um phawt mai in; na chieh na cheng a na lamzan theihna dingin na changlam ahim, na veilam ahim ah petmang san hiel ki’n.

JOSHUA 1:7 ပူးပေါင်းရင်းမြစ်များ

1 LENGTE 2:2

“Leisiet dân banga chieh ding ka hi ta a, hattak in um inla, pating takin um in.

1 LENGTE 2:3

Na thilhih na cheng leh, na ngatna lam cheng a na lamzan theihna dingin Mosi dân a zik bangin, Lalpa na Pathien in a lampi haw hawh ding leh, a thuguot haw, a thupiek haw, a vaihawm haw leh, a thu hetsak haw pawm dinga thu a piek haw hi zawp in.

2 LENGTE 22:2

Chun, Josia chun Lalpa mitmuh in thil diktak a hih sek a, a pu David lampi hawh chengcheng chu a hawh sek a, changlam ahim veilam ahim ah a petsan kha himhim puoi.

1 KHANGTHUBU 22:13

Tichun, Israel te chungchâng thu a dante leh vaihawmnate, Lalpa’n Mosi a piek kha na zawp chun, lamzang zel inla. Hat takin um in la, hangsan takin um in; lau ki’n la, lung le lungthuoi diek ki’n.

2 KHANGTHUBU 15:7

Himahlele, nang haw vang hattak in um unla, lungkie kiu unla, na thilhih man uh mu ding na hiu hi,” a ti a.

2 KHANGTHUBU 26:5

Pathien kilâkna hethiem Zekaria damsung in Lalpa na ginum takin a sem a, Pathien in vang a sak zel hi.

JOB LEHKHABU THE BOOK OF JOB 1:8

Chun, Lalpa chun Setan kawmah, “Ka suok Job hi na ngaihtuoh kha? Lei chunga hin amah banga demna bei, mi dik, Pathien kihcha mi, thil phalo laka kidêk thei amah tawbang kuomah a um puou hi,” a ti a.

SAM LEHKHABU THE PSALMS 80:19

Aw Pathien, Sepaihte Pathien, kei uh ei siempha sak kit inla; Na mel khan salh vak in, tichun hukdam in um ung kau.

THUCHINGTE 4:27

Changlam ahim, veilam ahim ah kihei ki’n la, gitlohna apat in na keng chuh heimang in.

THUCHINGTE 8:20

Kitûpna lampi chuh ka hawh a, diktatna lampi chuh ka zui a.

DANIEL 10:19

Tichun, ka kawmah, “Pathien in a hun lungsiet hi, bangmah lungkham ki’n la, lauh le lau diek ki’n,” a ti a. Zie chuh ka kawma a hun gen lai chun ka hung hatzaw deuh ta a, a kawmah, “Hepu, na gen nawp chuh gen in. Nei suhat deuh deuh ta ngâl a,” ka ti a.

KISIMNA 27:23

a chungah a khut a nga a, Mosi manga Lalpa’n a gen bang khan thuneihna a pie ta a.

DAN NIHNA 11:8

Zieziekchun, na hung hât u a, luoh dinga na zawtnau gam chuh na luoh theihna dingun leh,

DAN NIHNA 12:32

Hih dinga thu ka hun piek chengcheng hi na hih dinguh ahi; na behlap dinguh ahi puoh a, na lâk khen dinguh le ahi diek puoi.

DAN NIHNA 28:14

tuni a thu ka hun piek haw hi, pathien dang haw na sem ding leh zui dinga veilam ahim changlam ahim a khatchale na petmangsan loh phawt u chun.

DAN NIHNA 29:8

Chun, a gam u chuh I lâksak u a, Reuben leh Gad namte leh Manasseh nam kimkhatte luoh dingin I pieu a.

DAN NIHNA 29:9

Zieziekchun, na thilhih taphawt u a na lamzan zel theihna dingun zie thuthun thu haw hi pawm unla, chingthei takin zui un.

DAN NIHNA 31:7

Chun, Mosi’n Joshua chuh a sama, Israel mite chengcheng muhna ah a kawmah, “Hattak leh hangsan takin um in, Lalpa’n a pileputeu kawma kihâksiela piek dinga ana tiem gama chuh zie mipite hi tawh chieh ding na hi a, chun, zie gam chuh na luoh sak ding ahi.

DAN NIHNA 4:2

Ka hun thupiekte hi na behlap dinguh ahi puoh a, chun, na lâk khen ding u le ahi puoi; khutichun, Lalpa na Pathien dân thu hun piekte leh zuih dinga ka gente hi zui dik thei un lau.

DAN NIHNA 5:32

“Zieziekchun, Lalpa na Pathien uh thupiek guola hih dingin chingthei un; changlam ahim, veilam ahim a na pet dinguh ahi puoi.

JOSHUA 1:1

Chun, hiti hi ahi a, Lalpa suok Mosi thih nung chun, Mosi zenviel Nun chapa Joshua kawmah Lalpa’n zie thu hi a gena,

JOSHUA 1:8

Zie Dan bu hin na kam chuh pawtsan hiel kihen; zie thu kizik chengcheng chuh na zawp theihna dingin sun leh zan a na ngaihtuoh zawk ding ahi; tichun na lampi haw chuh hih zang zel in na tin, hung lawhting zel ding na hi.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 11:15

Chun, Lalpa’n a suok Mosi kawma thu a piek bangin, Mosi’n le Joshua thu a pie a; khutibang chun Joshua’n a hih zel ta a. Lalpa’n Mosi thu a piek chengcheng chuh hihloh himhim a nei puoi.

JOSHUA 23:6

Zieziekchun, Mosi Dan lehkhabu a zik chengcheng haw hih changlam ahim, veilam ahim a na petsan loh na dingun chingthei tak leh hangsan takin pawm unla, hih un;