JOSHUA 1:6 - PATHIEN LEKHABU THIENGTHO (BSI)

⁶ Hattak leh hangsan takin um in; a suonteu kawma kipautiema piek ka na tiemna gam kha, ziehaw hi luoh sak ding na hi ngâl a.

JOSHUA 1:6 ပူးပေါင်းရင်းမြစ်များ

THILSIEMBUL 12:7

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.

THILSIEMBUL 26:3

Zie gam ahin um tadih inla, tichun na kawmah um zing ing ka ting, hun vangsak ing ka ting; zie gam chengcheng hi nang leh na suonte pien, na pa Abraham kawma ka kihâksiel na kha sudet ing ka.

2 SAMUEL 10:12

Hangtakin um unla, I miteu leh I Pathien khawpiu huk in kimek tak hitiu; chun Lalpa phasak bang zelin hi hen,” a ti a.

1 LENGTE 2:2

“Leisiet dân banga chieh ding ka hi ta a, hattak in um inla, pating takin um in.

1 KHANGTHUBU 22:13

Tichun, Israel te chungchâng thu a dante leh vaihawmnate, Lalpa’n Mosi a piek kha na zawp chun, lamzang zel inla. Hat takin um in la, hangsan takin um in; lau ki’n la, lung le lungthuoi diek ki’n.

1 KHANGTHUBU 28:10

Lalpa’n a Ho-In thiengtho sa dinga a hun tel ahi tih hezing in. Tuhin, pan ngâl inla, tupna dettak nei in, kisuhat inla bawl in,” a ti a.

1 KHANGTHUBU 28:20

Leng David chun, a chapa Solomon kawm achun, “Hat tak leh hangsan takin um inla, na chuh sem inla, lau ki’n la, lungkie diek ki’n! Lalpa Pathien, ka Pathien, a na na sep pa hi na kawmah a um hi; Ho-In sak hi na zawh suok kêi ma’n, hun hengilh in hun thahtham puo’n a.

2 KHANGTHUBU 15:7

Himahlele, nang haw vang hattak in um unla, lungkie kiu unla, na thilhih man uh mu ding na hiu hi,” a ti a.

2 KHANGTHUBU 20:11

Entie, ka neihlelam u leh ka gam uh susie ding a a hung kipat dân u hi, zie gam hi kei uh nei piek ngêi kha ahi ngâla.

2 KHANGTHUBU 20:7

Na mi Israel te zie gam ahi a chieh lai un, zie gama na cheng namte hi na nawhdawk a, a gam u hi na guolpa Abraham suonte kawmah a kumkhuo luoh ding un na pie ta a.

SAM LEHKHABU THE PSALMS 27:14

Lalpa chuh ngâk zing in; hattak in um inla, na lunggil chuh hangsan henla, A hi, Lalpa chuh ngak zing in!

DANIEL 10:19

Tichun, ka kawmah, “Pathien in a hun lungsiet hi, bangmah lungkham ki’n la, lauh le lau diek ki’n,” a ti a. Zie chuh ka kawma a hun gen lai chun ka hung hatzaw deuh ta a, a kawmah, “Hepu, na gen nawp chuh gen in. Nei suhat deuh deuh ta ngâl a,” ka ti a.

HAGGAI 2:4

Aw Jerubabel, tuhin chuh hangsan takin um in, Lalpa’n a tii. Aw Joshua, nang Jehozadak chapa, thiempu lienpen, nangle hattak in um in. Chun, nang haw zie gama mi cheng cheng te haw, hattak in um unla, sem un, na kawm u ah ka um ngâla, tih hi Sepaihte Lalpa kamsuok ahi.

ZEKARIA 8:9

Chun, Lalpa chun hiti hin a tii: “Temple ngêi chuh sak ahih theih na dinga Lalpa In suongphum phum ahih ni a thiemgaute kama thu pawt, nanguh tu a ngaithate hin na khut hawu suhat un.

KISIMNA 26:53

“Ziehaw hi a min zah zel un gam hi hawp sak ding ahi.

KISIMNA 33:53

A gam chuh luoh unla, zie tak achun um un, na luoh ding un gam chuh ka hun piek na hiu hi.

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

EPHESI 6:10

A chaihna kêi in, Lalpa leh a thahatna thagui a chun, thilhih theihna nei in a na um un.

DAN NIHNA 1:21

Ngaitiem u, Lalpa na Pathien un gam chuh a hun pie chienkei ta a; chieh to unla, Lalpa na pileputeu Pathien in a na gen tâk guol khan va luoh un; lau kiu inla, lungkie hiel kiu in,” ka ti a.

DAN NIHNA 1:8

Ngaitiem u, zie gam chuh ka hun piek sa ahi tai: na pileputeu Abraham leh Isak leh Jakob te leh a nung u a a suonteu kawma pie dinga Lalpa kihâksiel na gam chuh va luoh tau in,’” ti’n.

DAN NIHNA 11:8

Zieziekchun, na hung hât u a, luoh dinga na zawtnau gam chuh na luoh theihna dingun leh,

DAN NIHNA 31:23

Chun, Nun chapa Joshua chuh a thu a pie a, a kawmah chun, “Hattak leh hangsan takin um in; Israel suonte chuh kihâksiela ka tiem gama chuh puilut ding na hi ngâla; chun, hun umpih zing ding ka hi,” a ti a.

2 TIMOTHE 2:1

Khutichun, nang ka cha, Krista Isu tawh kipumkhatna zâla hehpihna ahin, thilhih theihna nei in um ta’n.

JOSHUA 1:18

Kuole na thupiek chunga kiphin a, thu na piek taphawt zawp nuom lo chuh suklup ding hi’n au. Hattak leh hangsan takin um phawt mai in,” ti’n a dâwng u a.

JOSHUA 1:7

Ka suok Mosi’n dân chengcheng zawp dinga thu a hun piek kha zawp chak kêi dingin hattak leh hangsan takin um phawt mai in; na chieh na cheng a na lamzan theihna dingin na changlam ahim, na veilam ahim ah petmang san hiel ki’n.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 10:25

Chun, Joshua’n a kawm u ah, “Lau kiu unla, lungkie hiel kiu un; hattak leh hangsan takin um un; na melmateu chungah Lalpa’n hitibang hin hih zel ding ahi,” a ti a.

JOSHUA 13:6

Chun, Lebanon apat a Misrephoth-maim mun tiengin, thingtâng gama cheng te chengcheng, Sidon mite chengcheng chuh; amau haw chuh Israel chate masang a hin nawhdawk ing ka ting, thu ka hun piek bang khan Israel te go chan ding siem sak in.

JOSHUA 18:3

Tichun, Joshua’n Israel chate kawm achun, “Lalpa, na pilepu teu Pathien in a hun piek tâk uh gam hih bang chan ahim luoh lo a na muon naklai dinguh?

JOSHUA 21:43

Khutichun, Lalpa’n a suonteu kawma kipautiema piek a na tiemna gam chengcheng chuh Israel chate chuh a pie a; tichun gam chuh a luoh u a, a chêng tau hi.

JOSHUA 5:6

Lalpa aw a ngaihthak nawp loh ziek u a mipi haw chengcheng, Aigupta gam apat hung pawt galdo mite na tieng a hih mangthai a a um suok tiengun Israel chate chuh gamthip ah kum sawmli zet a vak a vak u a: Lalpa’n a suonteu haw kawm a bâwngnawi leh khuoizu a luonna gam kipautiem a ei piek uh a na tiem kha, zie gam chuh mu lo dingin Lalpa’n a kawm u ah a kipautiem ahi.

1 SAMUEL 4:9

Aw, nang haw Philistia te haw, na suok u a aum guol u a khah Hebraite suok a na umloh na ding un hattak in um unla, kisupasal unla; kisupasal unla, do zel un,” a tiu a.