JOSHUA 1:5 - PATHIEN LEKHABU THIENGTHO (BSI)

⁵ Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

JOSHUA 1:5 ပူးပေါင်းရင်းမြစ်များ

THILSIEMBUL 39:2

Chun, Lalpa chuh Joseph kawmah a um a, tichun, amah chuh mi vang nei tak ahi a. Chun, a pu Aigupta mi In achun a um a.

1 LENGTE 1:37

Lalpa chu ka lalpa, lengpa kawma a um sek bangin, Solomon kawm ale um zel hen la, ka lalpa leng David lalchutphah sangin, a lalchutphah chuh hih lopi zaw hen,” a ti a.

1 LENGTE 11:38

Chun hiti hi hi’n tin, thu ka hun piek taphawt na zawpa, ka lampite na hawh a, ka suok David banga ka thuguot te leh ka thupiekte zawpa ka mitmuh a thilpha na hih chun na kawmah um zel ing ka ting: David ka sukdet bang khan inkuon dettak hun dinsak ing ka ting, Israel te hi hun pie’ng ka.

1 LENGTE 6:13

Chun, Israel chate lak ah hin cheng ing ka ting, ka mi Israel te haw hi thahtham puo’ng ka,” a ti a.

1 LENGTE 8:57

Lalpa I Pathien u chuh I pulepateu kawma a um bang khan ei uh haw kawm a le um henla; ei taihsan in, ei thahtham kihen.

1 KHANGTHUBU 28:20

Leng David chun, a chapa Solomon kawm achun, “Hat tak leh hangsan takin um inla, na chuh sem inla, lau ki’n la, lungkie diek ki’n! Lalpa Pathien, ka Pathien, a na na sep pa hi na kawmah a um hi; Ho-In sak hi na zawh suok kêi ma’n, hun hengilh in hun thahtham puo’n a.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

JEREMIA 1:8

Amau haw chuh lau ki’n la, Nang hun hukdawk dingin na kawmah ka um zing hi,” tih hi Lalpa kamsuok ahi.

DANIEL 11:16

Himahleh, a hun do pa chun a nawp nawp un bawl untin, a masang ah kuomah ding zo puo’n a. Chun, amah chuh gamtiemna gam achun ding intin, a bawnin a thuneihna nuoi ah kawih vek in a.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

ROME 8:37

Khen lo e! ziehaw chengcheng achun, ei hehpihpa vang chun, lopi taka zote I hiu hi.

DAN NIHNA 20:1

“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.

DAN NIHNA 20:4

Guolzawhna na chan theihna ding u a na melmateu do dinga hun umpih zing chuh Lalpa na Pathien uh ahi ngâla,’ a tih ding ahi.

DAN NIHNA 31:23

Chun, Nun chapa Joshua chuh a thu a pie a, a kawmah chun, “Hattak leh hangsan takin um in; Israel suonte chuh kihâksiela ka tiem gama chuh puilut ding na hi ngâla; chun, hun umpih zing ding ka hi,” a ti a.

DAN NIHNA 4:31

Lalpa na Pathien u chuh zahngai thei Pathien ahi ngâla; hun thahtham puo’n tin, hun sumangthai puo’n tin, na pileputeu kawma kihâksiela a thuthun chuh hengilh hiel puo’n a.

DAN NIHNA 7:24

A lengteu chuh na khut u ah pien tin, a min u chuh vannuoi apat hi na nawihmang dinguh ahi; na sukmangthai suok kêi chan un nanguh hun tu ding kuomah um hiel puo’n au.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

HEBRAI 13:5

Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.

JOSHUA 1:17

Thil bangkima Mosi thu ka zawp bang u khan, nang thu le zawp zel ung kau; Lalpa na Pathien chuh Mosi kawma a um bang khan na kawm ahin um hen.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 10:8

Chun, Lalpa’n Joshua kawmah, “Amau chuh kihcha hiel ki’n, na khut ah ka pie tai; a lak uh a mi kuomah na ma a ding thei um hiel puo’n au,” a ti a.

JOSHUA 21:44

Chun, Lalpa’n a suonteu kawma kipautiema a na tiem bang tak chun muntin ah chawlhdamna a pie a; Lalpa’n a melma teu chengcheng chuh a khut u a a piek ziekin, a melmateu chuh kuomah a masang u ah a pang thei mawngmawng a um puou hi.

JOSHUA 3:7

Chun, Lalpa’n Joshua kawmah, “Mosi kawma ka um bang khan na kawm ale um ding ka hi tih a het theihna dingun, tuni hin Israel te chengcheng mitmuh ah hun limbawl ding ka hi.

JOSHUA 6:27

Khutichun Lalpa chuh Joshua kawmah a um a; chun, a gam pumpi achun a min a hung thang ta a.

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

VAIHAWMTE 6:16

Chun, Lalpa chun a kawmah, “Na kawma um zel ding ka hi, tichun Midian mite chuh mi khat bangmai in baihlam takin zo vek ding na hi,” a ti a.

1 SAMUEL 10:7

Chun, zie melchikna haw hi na chunga ahung tun tieng leh ahun ahun a thil umdan dungzuia na hih zieng sek ding ahi: Pathien in a hun umpih na hih tâk ziekin.