JOSHUA 1:1 - PATHIEN LEKHABU THIENGTHO (BSI)

¹ Chun, hiti hi ahi a, Lalpa suok Mosi thih nung chun, Mosi zenviel Nun chapa Joshua kawmah Lalpa’n zie thu hi a gena,

JOSHUA 1:1 ပူးပေါင်းရင်းမြစ်များ

DAN NIHNA 34:9

Chun, Nun chapa Joshua chuh chitna thagau in a dima; Mosi’n a chunga a khut a ngak ziekin; chun, Israel suonte chun a thu a zui u a, Lalpa’n Mosi thu a piek guol khan a hih u a.

DAN NIHNA 31:23

Chun, Nun chapa Joshua chuh a thu a pie a, a kawmah chun, “Hattak leh hangsan takin um in; Israel suonte chuh kihâksiela ka tiem gama chuh puilut ding na hi ngâla; chun, hun umpih zing ding ka hi,” a ti a.

DAN NIHNA 31:3

Lalpa na Pathien u ngêi chun na mau kai zel intin; zie nam haw hi hun sukmangthai sak intin, a gam u chuh luoh inlau; chun, Lalpa’n ana gen guol khan Joshua’n na mau kai ina.

DAN NIHNA 1:38

Nang hun kithuohpih, Nun chapa, Joshua hi chuh lut ina; amah hi tîlkhoh in la, amah hin Israel te chuh bit taka puilut ding ahi.’

PAWTDAWKNA 24:13

Chun, Mosi leh a nasempa Joshua chuh a kipan u a: chun, Mosi chuh tâng, Pathien tâng achun a chieh to ta a.

ROME 1:1

Paul, Krista Isu suok, sawlchak hi dinga sap. Pathien in a Chanchin pha gen dinga a kawihchuompa chun:

NASEPTE 7:45

Zie mah chuh, ei uh ei suonte suon kit inle a nei sawn zel u a, zie chuh, Pathien in ei uh ei suonteu maa Jentel nam a nawhdawkte haw gam luoh dinga Joshua lawi a a chieh lai u khan a lutpih u a. Zie chun, David hung um tieng khan a um zing ta a.

DAN NIHNA 34:5

Khutichun, Lalpa suok Mosi chuh Lalpa thu guolin Moab gam achun a thi ta a.

2 LENGTE 3:11

Himahlele, Jehoshaphat chun, “Zie taka hin Lalpa ei dawtsak ding, thiemgau kuo ahim bêk umlo ahiu em?” a ti a. Leng Jehoram sepaih liente laka khat chun a dâwng a, “Elija khut tui buok sakpa, Shaphat chapa Elisha, zie tak ahin a um a puo!” a ti a.

1 LENGTE 19:16

Chun, Israel te chunga leng hi dingin Nimshi chapa Jehu thau nuh inla: chun, na thasanga thiemgau hi dingin Abelmeholah khuo a um Saphat chapa Elisha thau na nuh ding ahi.

JOSHUA 12:6

Mosi leh Israel chate chun zie leng nih te hi a zo u a. Lalpa suok Mosi chun zie gam hi Reuben leh Gad phung te leh Manasseh phung kimkhatte kawmah a goluoh dingun a pie ta a.

DAN NIHNA 33:1

Zie vangsakna hin ahi Pathien mi Mosi’n a thih maa Israel suonte a vangsak chuh.

KISIMNA 13:16

Ziehaw hi gam entha dinga Mosi’n a sawlte min chuh ahiu a; tichun, Mosi chun Nun chapa Hosea chuh Joshua ti’n amin a sanga.

KISIMNA 13:8

Ephraim nam apat Nun chapa Hoshen,

KISIMNA 12:7

Ka suok Mosi ka hopih dân hi chuom tak ahi, Ka mi Israel te chung a mawhpuo dinga ka kawih ahi.

KISIMNA 11:28

Ziephet chun Joshua, Nun chapa a tangval lai apat a Mosi kithuohpihpa chun, Mosi kawmah, “Hepu, amau chuh khap in,” a ti a.

THUPHUON 1:18

A hingzingpa chuh ka hi! Ka hung thi a, himahleh, ngaitie, kumkhuotuong a dingin ka hung hing kit tai. Thihna leh Thihna khawvel chung achun thu ka nei tai.

JAKOB 1:1

Jakob, Pathien leh Lalpa Isu Krista sawntawlawi apat: Nam sawm leh nam nih, khawvel a vakchekte kawm achun chibai.

TITA 1:1

Paul, Pathien suokbilvih leh, Isu Krista sawlchak apat, Pathien mi telte chuh Pathien khawksakna lam thudika pui ding leh, taksanna lama panpih dinga teldawk leh sawl ka hi a,

LUKE 16:10

Kuole, tawmcha chunga taksanum chuh, tamtak chung ale taksanum a hi sek hi. Kuole, tawmcha chunga taksanum lo chuh, tamtak chung ale taksan a um sek puoi.

DAN NIHNA 34:12

Khut hattak leh thil lauh-um thupi taktak Israel mite chengcheng muh a Mosi’n a hih haw kha kuoma’n a hih ta puou hi.

JOSHUA 1:2

“Ka suok Mosi chuh a thi ta a, khutichun kipan inla, nang leh zie mipite cheng hi tawh Jordan lui hi kân unla, amau, Israel suonte ka piek gam chuh luoh dingin chieh un,

JOSHUA 1:15

Lalpa’n na suohpih teu chuh nangmau haw bang mah a chawlhna a piek a, Lalpa na Pathien un gam a piek chuh a mau inle a luoh macheng un; tichun Lalpa suok Mosi’n Jordan lui gâl, ni suohna gam lam na chanvo u a a hun na pieknau lam achun vaikit un na tin, na luoh dinguh hi’n a,” ti’n a gen a.

NEHEMIA 8:17

Khutichun, saltâng vaikit te chengcheng chun bâwkcha a kisiem u a, zie tak achun a cheng tau a. Nun chapa Joshua hun lai apat zie ni tieng chun zie tawbang chuh Israel chate’n a hih kha nai puou a, ziephet chun, kipahna nasa tak a hun nei tau hi.