JONA 4:2 - PATHIEN LEKHABU THIENGTHO (BSI)

² Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JONA 4:2 ပူးပေါင်းရင်းမြစ်များ

1 LENGTE 19:4

Himahleh, amah chu gamthip lam ah ni khat lam hiela gamla achun a chieh a, Juniper thing nuoi ahin a chu a; thih a ngên ta a, “Aw Lalpa, a hun tai; tuhin ka hinna hi la mai ta’n, ka pulepate sangin ka phazaw diek puoh ngâl a,” a ti a.

SAM LEHKHABU THE PSALMS 103:8

Lalpa chuh lainatna a dim, mi lungsiet thei tak, Lungnieng tak, zahngaihna hau tak ahi.

SAM LEHKHABU THE PSALMS 145:8

Lalpa chuh mi lungsiet thei lainatna a dim; Lungnem, zahngaihna nasa tak nei ahi.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

SAM LEHKHABU THE PSALMS 90:13

Aw Lalpa, hung kihei inla; bang chan lungnat guo na him? Na sawntawlawi chung ahin na lainatna sulang in,

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

JEREMIA 18:8

Zie nam chun thil phalo a chung u a tung ding apat a a hung kihei kit u chun, a chung u a thil phalo bawl ka guot chuh hai kit ing ka ting,

JEREMIA 20:7

Aw Lalpa, nang in nei na thêm a, thep a um ka hi ta hi. Nang chuh kei sangin na hatzaw a, nei zo ta a. Nichang tumin nuihzatbuk ka hi a, micheng in ei nuihsan u a.

JEREMIA 26:13

“Zieziekchun, tuhin na lampiteu leh na thilhih teu siemphau unla, Lalpa na Pathien u chuh a thu zawp un; tichun, Lalpa’n na chung u a thil phalo hih dinga a gen sa chuh lunghei kit ding ahi.

JEREMIA 42:10

‘Zie gam ahi na um zing u chun hun tung dawk kit ing ka ting, hun supuk puo’ng ka; hun phut ing ka ting, hun bawt dawk puo’ng ka, na chung u a thil phalo ka tunsak te chuh ka kisik ta ngâl a.

AMOS 7:3

Zie thu ahin Pathien chuh a kisik a, “Na thilmuh hi hungtung puo’n a,” a ti a.

AMOS 7:6

Zie thu ahin Lalpa chuh a kisik a, Lalpa Pathien chun, “Zie hile hung tung lo ding ahi,” a ti a.

JONA 1:3

Himahlele, Jona chuh Lalpa masang apat chun Tarshis gama taimang dingin a kipan ta a; chun, Joppa khuo ah a chieh suk a, Tarshis zuon ding kuong a mu a, tichun, a chieh man ding chuh a pie a, Lalpa masang apat chun Tarshis zuon dingte chu tawh kitawn dingin kuong achun a lut suk ta a.

JONA 3:10

Tichun, Pathien in a thilhih teu chuh a mu a, a lampi phaloteu chuh a haihsan ui tih a mu a. Khutichun, Pathien chun a lungthim ngaihtuohna chuh a sang ta a, hih tei ding ka hi ti a a gen guol khan a gawt ta puoi.

JONA 3:9

Khutichun, I manthai lohna dingun Pathien chuh lehhei kitin, lunghei in, a lungnatna nasa tak apat chun kilehhei puo’n a tih kuo a he?” ti’n.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

DAN NIHNA 4:31

Lalpa na Pathien u chuh zahngai thei Pathien ahi ngâla; hun thahtham puo’n tin, hun sumangthai puo’n tin, na pileputeu kawma kihâksiela a thuthun chuh hengilh hiel puo’n a.