JONA 3:5 - PATHIEN LEKHABU THIENGTHO (BSI)

⁵ Ziephetchun, Ninevi khuo a mipite chun Pathien thu chuh a gingchau a. Khutichun, an ngawlh ding thu a phuong u a, a lienpen apat a neupen tiengin a kisik nau suklat na dingin kawlladip puon a silh tau a.

JONA 3:5 ပူးပေါင်းရင်းမြစ်များ

LUKE 11:32

Thutanna ni leh Ninevi khuo mite chuh tulai khangthakte tawh hung tho un ding un tin, mawh hun chan sak unau; Jona thugen ziekin a lung uh a hêi ngâl u a; ka hun hilh na hiu hi, Jona sanga lopi zaw taka hin a um a puo!

MATTHAI 12:41

Chun, thupi kitan ni chuleh Ninevi khuo mite chuh hung ding dawk un tin, tulai khang thakte hi mawh hun chansak ding ahiu ui. Jona thugen ziekin a lung uh a hei ngâl u a; ngaitiem u, Jona sanga lopi zaw zie hin a um a puo!

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

JOEL 1:14

An ngawlh hun mang thiengtho unla; kikhawppi guntak siem unla, Lalpa Pathien In achun teksiepute leh, zie gama chêngte cheng chuh puikhawm un la, Lalpa chuh sam un.

2 KHANGTHUBU 20:3

Chun, Jehoshaphat a lau a, Lalpa puihna ngên in a paucham ta a. Juda gam chengcheng ah an ngawlh ding thu a phuong viel a.

HEBRAI 11:1

Chun, taksanna hi kinepna thil haw hetchienna, muh loh thil a um mawng hi tih phawtchienna a hii.

HEBRAI 11:7

Taksanna ziekin Noa’n muh nailoh thil hungtung ding thu ah, Pathien hilh a a na um in, Pathien a gingcha a, a inkawte hukdamna dingin, kuong In nei khat a tu a; zie chun khawvel chuh mawh a chan sak a, chun, Noah chun Pathien apat a diktatna chuh taksanna vangin a mu tai.

NASEPTE 27:25

Zieziekchun pute haw, lungmuong takin um un, Pathien ka gingchai, ei hilh bang banga um ding ahi.

NASEPTE 8:10

Tichun, mi chengcheng, a neupen apat a lienpen tiengin, “Zie pa hi, Pathien thilhih theihna, ‘Lopi’ a tih u khah ahi hi,” ti’n a thu a limsak sek u a.

JEREMIA 42:8

Tichun, Karea chapa Johanan leh a kienga sepaih lawiupa um haw cheng a neu pên apat in a lien pên tiengin a sam ta a.

JEREMIA 42:1

Chun, sepaih lawiupate leh Karea chapa Johanan leh Hoshai chapa Jezaniah leh mipi chengcheng, a neupen apat a lienpen tieng in a hun naih u a,

JEREMIA 36:9

Chun, Juda leng Josia chapa Jehoiakim vaihawm kum ngana, tha kuona achun Jerusalem a mi chengcheng leh Juda khawpi akipat a Jerusalem a hung khawm chengcheng te chun Lalpa min a anngawlh thu a phuong tau a.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

EZRA 8:21

Khutichun, ka Pathien uh masang a kingaihniem ding thu ka phuong a, kei u leh ka chateu leh ka thuomphuo teu tawh lamzang taka ka chieh theih na dingun, Ahava lui a chun anngawlh ding thu ka phuong ta a.

THUPHUON 11:3

Tichun, ka thu ei hetpih nih te chuh thu pie’ng ka ting, amau chun kawlladip puon silh in, ni sang khat leh za nih leh ni sawmgup sung thu gen un au,” a ti a.

ESTHER 4:1

Chun, Mordekai in zie a thilhih chengcheng u chuh a het in lungkham in a puon a bawtthêk a, saidippuon silh in leivui a kibuokkhum a, khawlai dung achun a vak viel a, ngeihtak leh thasie takin a kap ta a,

JONA 3:7

Lengpa leh a miliente thupiek in Ninevi khuo a mipite kawm achun thu a suoh a: “Mihing hileh, gancha hileh, bâwng hawn leh belam hawn haw chun le bangmah tep kiu hen la, an leh tui le tep kiu hen!

PAWTDAWKNA 33:6

Zieziekchun, Israel mipite chun a kicheina hawu chuh Horeb tâng apat chun a suoh tha den tau hi.

2 LENGTE 19:1

Chun, leng Hezekia’n zie thu haw chu a zak phetin, lungkham in a silhlechen haw chu a bawtthêk a, kawlladip silh in Lalpa Ho-In achun a chieh ta a.