JONA 3:2 - PATHIEN LEKHABU THIENGTHO (BSI)

² “Kipan inla, Ninevi khuo, khuo lopitak achun chieh inla; thu gen ding ka hun tih hi va kikopih ah,” ti’n.

JONA 3:2 ပူးပေါင်းရင်းမြစ်များ

ESTHER 9:31

Juda mi Mordekai leh lengnu Esther in a zuih ding u a a thupiek bangin amau leh a suonteu a dinga ngawlhna leh lusûn huna mat ding dân a neih dungzui u a, ahun bang zel a zie Purim ni hi hun mang zel dinga hilhna thu a kizik hi.

PAWTDAWKNA 4:28

Chun, Mosi chun Lalpa’n a sawl ahih dân thute chengcheng leh thilmak a hihsak ding thute chuh Aron a hilh suok kêi a.

JEREMIA 1:17

Zieziekchun, puon cheng inla, kipan inla thu ka hun piek chengcheng khah a zak dingun va gen ah. A masang u ah taisie ki’n, khutilochun a masang u ah hun taihsiet sak kha’ng ka.

JEREMIA 1:7

Himahlele, Lalpa chun, ka kawmah hiti hin a gena, “Ka naupang ta luoi, ti ki’n, Kuo kieng hileh ka hun sawl na phawt ah chieh in na tin; thu ka hun piek phawt chuh na gen ding ahi.

EZEKIEL 2:7

Chun, ka thu chuh, ngaitha leu, ngaitha kileu, a kawm u a na gen ding ahi: helchîng tak ahi ngâl u a.

EZEKIEL 3:17

Mihing chapa, Israel insung mite dinga gâlveng a ka hun guot na hi; khutichun, ka kam apat a thu na het cheng leh amau chuh ka thathenga na vaulawk ding ahi.

JONA 1:2

“Kipan in la, Ninevi khuo, khuo lopi tak achun chieh in la, a chungchâng thuu va kikopih ah; a nunsiet nau chuh ka masangah a hungtung to ta ngâl a,” ti’n.

JONA 3:1

Chun, Lalpa thu chuh Jona kawmah a hungtung kit a,

JONA 3:3

Tichun Jona chuh a kipan a, Lalpa thu bang chun Ninevi khuo achun a chieh ta a. Ninevi chuh khawpi lopitak mai, a let dân chuh ni thum lam set ahi.

MATTHAI 3:8

Na gitlohnateu na haihsan ui tih het theihna ding thilte chuh hih un.

JOHAN 5:14

Zie nung chun, Isu’n amah chuh Pathien Ho-In ah a mu a, a kawmah, “Ngai ah, na dam ta hi! thilhih gilo kit ta kih, khutilochun, thil phalo zaw diek na chungah hungtung kha’na,” a ti a.