JONA 2:9 - PATHIEN LEKHABU THIENGTHO (BSI)

⁹ Himahleh, ken vang, na kawmah kipah thugen ing ka, Na kawmah kithawihna lân ing ka ting: ka thutiem chuh hih guitung ing ka. Hukdamna chuh Lalpa a ahi ngâl a!” ti’n.

JONA 2:9 ပူးပေါင်းရင်းမြစ်များ

SAM LEHKHABU THE PSALMS 3:8

Hukdamna hi Lalpa a ahi: Na vangsakna chuh na mite chungah um hen. Selah

SAM LEHKHABU THE PSALMS 50:14

Pathien kawma kipah thugen kithawihna chu lân zaw’n la; Na thutiem haw le Chungnung pên pa kawmah huitun sak in:

HEBRAI 13:15

Tichun, amah zal chun kithawihna chuh Pathien kawmah lân zing hi tiu; zie chuh, amah chuh “Lalpa ahi,” tih, mûk a phuondawk a I lat uh chuh ahi ngâl a.

SAM LEHKHABU THE PSALMS 50:23

Kuole kipah thugen kithawihna lân ta poh chun ei limbawl sek u a: Chun, a umdan vawp kitûp kawm achun Pathien hukdamna etsak ing ka,” a ti a.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

SAM LEHKHABU THE PSALMS 68:20

Pathien chuh ei u dingin Tandawkpa Pathien ahi a; Thihna apat a suohchak na chuh Lalpa, JEHOVAH ahi.

ROME 12:1

Khutichun, suohpihte, Pathien khuotuohna vang hin, kithawihna hing leh thiengtho leh, Pathien pawm tâk hiding in na sapum u chuh na piek dingun ka hun nget na hiu hi; zie chuh na sep ding mawng uh ahi.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

THUPHUON 7:10

Ziete haw chun aw ngeih tak in, “I Pathien uh, Lalchutphah a chu pa kawm leh, Belamno kawm apat hukdamna a hung tung tai,” ti’n, a kiko uh a.

JOHAN 4:22

Nang un na het loh uh na chibai sek ui, kei hawn vang ka het u chuh ka chibai sek ui; hukdamna chuh Judate kawm apat hung tung ding a hi ngâl a.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

JOB LEHKHABU THE BOOK OF JOB 22:27

A kawmah paucham ta’n na tin, Amân hun dâwng intin, Tichun, na thutiem haw chuh pie ta’n la.

THILSIEMBUL 35:3

Kipan hiting un, Bethel ah chiehto hitiu; tichun ka lungzîn laia ei dâwng a, ka chieh na cheng a ka kawma um zel Pathien a ding khan maichâm siem ding ka hi,” a ti a.

NASEPTE 4:12

Mi dang kuomah kawmah hukdamna a um puoi; van khupsin nuoi ah, mihiem sak lak ah, ei hukdam ding min dang himhim a um puoi,” a ti a.

SAM LEHKHABU THE PSALMS 107:22

Amah chun kipahthu gen kithawihnahaw chu pie hen la, A thilhih haw chu kipahna lasa’n hilh u hen.

2 SAMUEL 15:7

Chun, hiti hi ahi a, kum sawm li a hung beih nung chun Absalom chun leng kawmah, “Hebron khuo a Lalpa kawma ka kipautiem na guitun sak dingin ei chieh sak tie.

DAN NIHNA 23:18

Nawhchi man ahim, uicha man ahim chuh kitiemna sukpitin na dinga Lalpa Pathien In a na hun chawih ding ahi puoi; a khawi zaw chule Lalpa na Pathien u a ding a thil tenum ahi.

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

SAM LEHKHABU THE PSALMS 95:2

Kipah thugen kawmin a masang ah chieh dii tiu ie, Pahchakna la sa a amah chawiân in lawp takin aw suoh hitiu.

1 SAMUEL 12:21

bangmah a mattheihloh, hun panpih thei leh hun hukdawk thei le hilo zui in petsan kiu in, bangmahlo ahi ngâl u a.