JONA 2:7 - PATHIEN LEKHABU THIENGTHO (BSI)

⁷ Ka hinna ka sunga a chauh lai chun Lalpa chuh ka hezing a: ka pauchamna chuh na Ho-In thiengtho apat chun na za ta a.

JONA 2:7 ပူးပေါင်းရင်းမြစ်များ

SAM LEHKHABU THE PSALMS 18:6

Ka lungkham in Lalpa chuh ka sama, Ka Pathien kawmah panpihna ka ngên a, Amah chun a Ho-In apat chun ka aw a he a, A masanga ka kiko husa chuh a bil ah a lut tai.

2 KHANGTHUBU 30:27

Khutichun thiempute leh Levi te chu a dingdawk u a, mipi te dingin Lalpa vangsakna a ngên u a, vana a In apat in Pathien in a pauchamnau chu a ngaihthak saka, a pawm sak ta a.

SAM LEHKHABU THE PSALMS 143:5

Malai nite chu ka hezing sek a; Na thilhih haw chengcheng chu ka ngaihtuoh sek a: Na khut nasephaw chuh ka sut zel a.

SAM LEHKHABU THE PSALMS 11:4

Lalpa chuh a Ho-In thiengtho ah a um a, Lalpa chuh, a lalchutphah van ah a um a; Mihiem chate hi a mit in a en a, a thilhih teu a mûi.

1 SAMUEL 30:6

Chun, David chu nasatak in a lungzîng a; a chapateu leh a chanuteu sala mat a hih ziek u a lungkham a mi chengcheng in amah chu suong a seh ding thu a gen zing u a; himahlele David chu Lalpa a Pathien achun a kisuhat a.

SAM LEHKHABU THE PSALMS 27:13

Mihing gam ahin, Lalpa phatna muh kinem kivang leng sawlsam ta veng ka ti.

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

SAM LEHKHABU THE PSALMS 65:4

Na Ho-In huongsung kawtlaia um thei dinga Na tel a, na kieng na zawt sakte chuh mi hampha ahiu: Na in phatna chun tai ung kau, Na Ho-In mun thiengtho phatna chun.

HEBRAI 12:3

Khutichun, na thagau lam uh a na hung lungkiek uh a, na hung chawlh zieng lohna dingun, a chunga thiltung leh, mi gilote apat a muhdahna a thuokna haw chuh ngaihtuoh tiem u khai!

HABAKKUK 2:20

Himahleh, Lalpa chuh vang a Mun thiengtho ah a um a, a masang achun leisiet pumpi hi thipkêi in um hen!

MIKA 1:2

Nang haw, namtin chengte haw, zie hi heu in! Aw lei leh a sunga um chengcheng te haw, ngaithau in! Lalpa Pathien chun nang haw do in thu gen in tin; A Ho-In thiengtho apat a a thugen chuh ngaithau in!

JONA 2:4

Na mitmuh apat a paih dawk ka hi ta a, himahleh, Na Ho-In thiengtho lam nga kit ing ka, ka ti a.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

SAM LEHKHABU THE PSALMS 43:5

Aw ka hinna, bang ding a khun zing? Bangatih leh ka sung ahi buoi zing na him? Pathien kineppih in: amah chuh ka mel hihdampa ahi a, ka Pathien chuh pakcha kit ding ka hi ngâla.

SAM LEHKHABU THE PSALMS 42:11

Aw ka hinna bang dinga khun zing? Bangati a ka sunga hi buoi na him? Pathien kineppih in: amah chuh pakcha kit ding ka hi ngâla, Ka hukdampa ka Pathien chuh!

SAM LEHKHABU THE PSALMS 42:5

Aw ka hinna, bang dinga khun zing? Bangatih leh ka sung ahi buoi zing na him? Pathien ah kinem in: a mel a dam na ziekin Amah chuh pakcha kit ding ka hi ngâla.

SAM LEHKHABU THE PSALMS 22:14

Tui tawbanga buokthâk in ka um a, Ka guh chengcheng le kisupel in a um a: Ka lunggil hi khuoilu thaumei bang a hi a; Ka gil lak a hin a tui zo tai.

SAM LEHKHABU THE PSALMS 142:3

Ka sunga ka thagau a chauh lai khan, nang mah ngêi in ka lampi chuh na he a. Ka chieh na ding lampi achun ka awkna dingin thâng a gûk in a kam u a.

ISAI 38:17

Ka gimtheihna chengcheng kha thamuonna a suok ta a, Lauh-umna apat in ka hinna na hukbit ta a, ka gitlohna chengcheng na ngaidam ta ngâl a.