JONA 2:6 - PATHIEN LEKHABU THIENGTHO (BSI)

⁶ Tangbul kawdawn achun ka chieh suka, lei chun kumsawt a dingin a kalhna haw chun ei khakkhum ta a; himahleh, nang, Aw Lalpa ka Pathien, kawkhuk apat chun ka hinna na ladawk ta a!

JONA 2:6 ပူးပေါင်းရင်းမြစ်များ

SAM LEHKHABU THE PSALMS 30:3

Aw Lalpa, nang ka hinna hi Sheol apat chun na puidawk a; Kawkhuk a ka chieh suk lohna ding in nangin nei vawp hing zel a.

SAM LEHKHABU THE PSALMS 16:10

Ka thagau sheol ah nusieh puo’n na tin; Na mithiengtho hi muotna muh sak lo ding na hi.

ISAI 38:17

Ka gimtheihna chengcheng kha thamuonna a suok ta a, Lauh-umna apat in ka hinna na hukbit ta a, ka gitlohna chengcheng na ngaidam ta ngâl a.

HABAKKUK 3:10

Tang liente chun nang a hun mu u a, a kithing sieu a; tuipi chuh a kifawn a, a kinawk zela, tui thuk te chun aw a suoh u a, chunglam ah aban a zak tai.

HABAKKUK 3:6

Amah chuh a ding a, lei pumpi chuh a teh tuok a, Chun, a en viel a, namte chuh a nawhzak a; tichun, kumlekhuo a tâng ana umte chuh a thehdalh a, kumsawt apat ana um zing muol leh tângte chuh a tum suk u a; A lampite chuh kumsawt apat ahi.

ISAI 40:12

Kuo ahi tuite chuh a khutpêk kuok a kawih a, van khu khâp a teh a, leia leivui hi lawh a teh a, tângte gikdan chuh teh a, muol haw chuh bûkna a bûk thei ding?

SAM LEHKHABU THE PSALMS 143:7

Aw Lalpa, ei dâwng meng in; ka thagau a chau hi; Kei ahin na mai sel ki’n la; Khutilochun kawkhuka chieh suk te bang phet in a na um khang ka.

SAM LEHKHABU THE PSALMS 104:8

Tang haw achun a kalto u a, guom haw achun a kum suk u a, Amau dinga mun na guot sakna lam achun.

SAM LEHKHABU THE PSALMS 104:6

Nang chun lei chung hi tui thuk tak in puon bangin na silh sak a; Tui haw chuh tâng chunga chun a um pheuphou a.

SAM LEHKHABU THE PSALMS 65:6

Thilhih theihna a tai a kigak a, Nangmah hatna a tâng te hihdet sek chuh na hi.

SAM LEHKHABU THE PSALMS 55:23

Himahleh, Aw Pathien, nangin amau haw chuh beihmang na kawkhuk achun chieh suk sak inla: Thisan suoh hât haw leh milepbawl nuom haw chu a dam ding chan uh kimkhat le dam zo puo’n au; Kei vang chun nang hun gingcha’ng ka.

SAM LEHKHABU THE PSALMS 30:9

“Kawkhuk a ka kum suk a, ka thihna achun phatchuomna bang a um hi? Leivui in a hun pakcha dem? Na ginumna chuh a phuong na dem?

JOB LEHKHABU THE BOOK OF JOB 33:28

Amah chun thâna liem lo dingin ei hukdawk a, Ka hinna chun vak chuh mun a,” a ti a.

JOB LEHKHABU THE BOOK OF JOB 33:24

Zie mi chun amah deihsak takin, “Thâna liem lo in hukdam un, Zie hin amah kitatna ding a um hi.

DAN NIHNA 32:22

Ka lungnat mei guolin a kuong dawka, Sheol kawdawn chan in a kâng hi; Lei leh a gahsuoh cheng tawh a kang zo hi, Tang kingaknate haw chanin a kang hi.

MATTHAI 16:18

Chun, nang Peter, Peter na hi tih ka hun hilh na hi; zie suongpi chunga hin ka sapchuomte sa dawk ing ka ting, mithi khuo kulh kawtkhakhaw chun zie chuh nek zo puo’n au

SAM LEHKHABU THE PSALMS 18:5

Sheol khauhuol haw chun ei zem suok a: Thihna thâng haw ah ka âwk a.

SAM LEHKHABU THE PSALMS 116:3

Thihna khauhuol ten ei zem a, Sheol natna chun ei man a; Lungdawnna leh lungkhamna ka thuok a.

ISAI 38:10

“Ka damsung hun hawih lai tak hin, thân kawtkhak achun lut ding ka hi a; Ka kum um nalaite hile Sheol kawtkhak a mang zo mai ding ka hi ta die aw!

EZEKIEL 26:20

Tuonthangmang a mite, Sheol a chiehsate kawmah hun sawl tha suk ing ka ting, lei mun nuoinung pên a, tuona tânga ana gam ta, Sheol a chiehsate kawmah hun chensak ing ka ting, kuoma’n a hun luoh lohna ding leh hing nalaite laka lopi, na muh takloh hiel na dingin.

EZEKIEL 31:14

Tuia vak thing himhim, a san ziek u a, a ki-uon takloh u a, a zikuh thing tin chunga leng lo a, tui dawna hing thing himhim in zie chan chan chuh a phâk tâk lohna dingin: lei mun nuoinung pên a, Sheol a kum suk mihing chate laka chieh dinga, a bawn u a thi dinga guot ahi vek ngâl u a.

SAM LEHKHABU THE PSALMS 69:2

Buonthuok thuk tak, tawhchak pansakna ding um loh na ah, katum huoi huoi hi. Tui thuk tak, tuilien in ei chup zo tai.