JONA 1:8 - PATHIEN LEKHABU THIENGTHO (BSI)

⁸ Tichun, a kawm achun, “Zie thil phalo, I chung u a hungtung hi kuo ziek ahi nei hilh ah. Khawi gam mi na hi? Khawi apat a hung na hi? Bang nasem na hi? Bang nam na hi?” ti’n a dawng u a.

JONA 1:8 ပူးပေါင်းရင်းမြစ်များ

THILSIEMBUL 47:3

Chun, Pharaoh chun a kawm u ah, “Bang nasem na hiu hi?” ti’n a dawng a. Amau chun a kawmah, “Na suokte hi ei suonteu a kipatin belamching mi ka hiu hi,” a tiu a.

1 SAMUEL 30:13

Chun, David chun, “Kuo lama pang na hi? Khawia hung kipan na hi?” ti’n a dawng a. Chun, amah chun, “Aigupta tangval ka hi a, Amalek mi khatin suok a ei neih ka hi; ni thum masanga kha ka na damloh zieka ka pu’n ei nutsieh mai ka hi.

JOSHUA 7:19

Chun, Joshua chun Akan kawmah, “Ka chapa, Lalpa Israel te Pathien chuh pakchah aw; a masang a chun kiphuong mai in; na thilhih chuh ei hilh inla; ka kawmah hin îm hiel ki’n,” a ti a.

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

1 SAMUEL 14:43

Khutichun Saul chun Jonathan kawm achun, “Bang a na hih ei hilh in,” a ti a. Chun, Jonathan chun “Ka mawlh chawih mawng in khuoizu chu neukhat ka tep ngêi mai a; ngaitie, ka thih tei ding ahi,” a ti a.