JOHAN 9:7 - PATHIEN LEKHABU THIENGTHO (BSI)

⁷ “Siloam Dil ah va sil ah,” a ti a. (Siloam chuh “Sawl” tihna ahi.) Tichun, a va chieh a, a sil a, mit vakin a hungkit ta a.

JOHAN 9:7 ပူးပေါင်းရင်းမြစ်များ

ISAI 35:5

Zie tieng chuleh, mitdûkte chun mu thei tau untin; bengngawngte chun le za thei ta’n au.

JOHAN 11:37

Himahlele, abang chun, “Zie pa, mitdûk mit suvak theipa hin, zie pa hile a thih loh sak thei puoh a ahim?” a tiu a

JOHAN 9:11

Amah chun, “Isu a tih u khan tung a siem a, ka mit ah a nuh a, ‘Siloam Dil ah va chieh inla, va sil ah,’ ei ti a, khutichun, ka va chieh a, ka sil a, mit vakna ka muh ahi ta hi,” a ti a, a dâwng a.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

ISAI 8:6

“Zie mite hin Shiloh a tui awlcha a luong del del te chuh a deihloh ziek u leh, Rezin leh Remalia chapa Pekah chunga a kipah ziek un.

SAM LEHKHABU THE PSALMS 146:8

Lalpa chun mitdûkte mit a hihvak sak sek hi; Lalpa chun kun tha haw chuh a kaitho seka; Lalpa chun mi diktatte chuh a hehpih sek a;

LUKE 13:4

Chun, Siloam insang in, mi sawm le giet a delhlupte kha bangti dana le? Ziete kha, Jerusalem a mi dang chêngte sanga kha phalo zaw’n na ngai u?

ISAI 42:7

Mitdûkte mit sukvak sak ding leh; Suongkul tângte pawtsak ding leh, thimnuoi a chute puidawk ding in,

NEHEMIA 3:15

Chun, Mizpah a hotu Kolhozeh chapa Shallum in tuikul kawtkhak chuh a siempha a, a tung dawka; a kawt leh a kamna haw leh a zawl haw a zam a; lengpa huon kienga Shelah dîl bang, David khawpi akipat a chieh suk kalbi tiengin a siemphau a.

PAWTDAWKNA 4:11

Chun, Lalpa chun a kawmah, “Mihing kam hi kuo siem ahi? Pau theilote, bengngawngte, mitvakna piete, mitdûkte hi le kuo siem ahi? KEI, Lalpa siem hilo ahim?

GALATI 4:4

Himahlele, a hunbi a hungtun khan, cha hihna I muh theih na dingun.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

JOHAN 9:39

Isu’n “Zie vannuoi leisiet a hin, vaihawm dinga hung suk ka hi, mitdûkte chuh a mit uh a hung vakna ding leh, mit vakte chuh a mit uh a hung dûkna dingin,” a ti a.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

ISAI 43:8

Mit nei ngâla mu theilo leh bil nei ngâla za theilote chuh hun puidawk un!

ISAI 32:3

Zie tieng chuleh, muh theih na mit neite chuh sukthim hi puo’n tin, chun, zakna dinga bil neite chun le ngaitha ta’n au.

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.