JOHAN 9:35 - PATHIEN LEKHABU THIENGTHO (BSI)

³⁵ Chun, a nawhdawk ui tih Isu’n a na het phetin, amah chuh a hawl dawk a, a kawmah, “Pathien Chapa na gingcha?” ti’n a dawng a.

JOHAN 9:35 ပူးပေါင်းရင်းမြစ်များ

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

1 JOHAN 5:13

Pathien Chapa min na ginchak u a, kumsawt a hinna na nei ui tih na het theihna dingun, zie thu hi na kawm u a ka hun zik ahi.

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

1 JOHAN 5:10

Khutichun, kuole Pathien Chapa gingcha ta chun, amah lunggil mawng ah, zie hetpihna chuh a nei hi; kuole, Pathien gingcha lo chun, amah chuh lepchieh a hih sak ahii, Pathien in a Chapa chanchin a hetpih chuh a ginchak loh ziekin.

1 JOHAN 5:5

Isu hi, Pathien Chapa ahi tih gingchate ngâllo chun, kuo a khawvel zo sek leh?

1 JOHAN 4:15

Kuole, “Isu chuh Pathien Chapa a hii,” ti a pang ta chuh, amah achun Pathien a um zing a, Pathien le amah ah a um zing ahi.

ROME 10:20

Chuleh, Isai inle hangsan takin, “Ei hawl lote muhin ka um a, Ei dâwp lote kawmah hetsak in ka um hi,” a ti a.

ROME 1:4

Thienthona thagau lam thu vang achun mithi lak apat thilhih theihna nasa taka kaihthawha a umna chun Pathien Chapa a hihna nasa takin a taklang hi.

NASEPTE 9:20

Kikhawpna Inhaw achun, Isu chuh Pathien Chapa a hih zie thu chuh a tângsappih ngâl ta a.

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

JOHAN 20:28

Thoma’n a kawmah, “Ka Lalpa leh ka Pathien na hi,” ti’n a dâwng a.

JOHAN 11:27

Amahnu chun a kawmah, “Gingcha e! Lalpa. Krista, Pathien Chapa, khawvel a hung ding pa chuh na hii tih ka gingchai,” a ti a.

JOHAN 6:69

Nang, Krista, Pathien hing Chapa chuh na hii tih ka gingcha tau a, het le ka heu hi,” a ti a.

JOHAN 5:14

Zie nung chun, Isu’n amah chuh Pathien Ho-In ah a mu a, a kawmah, “Ngai ah, na dam ta hi! thilhih gilo kit ta kih, khutilochun, thil phalo zaw diek na chungah hungtung kha’na,” a ti a.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 1:34

Zie chuh ka mu ta ngêi a, tichun, zie pa hi Pathien Chapa a hii tih ka hetsak tai,” a ti a.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

MARK 1:1

Pathien Chapa, Isu Krista Chanchin Pha tun kipatna chuh;

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

MATTHAI 14:33

Tichun, kuong a umte chun, “Pathien Chapa na hi takzet na hi,” tin amah a chibai u a.

SAM LEHKHABU THE PSALMS 27:10

Ka nu leh ka pa chun ei taihsan mahleu le, Lalpa chun ei pawm in a.

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

MATTHAI 4:3

Chun, thempa chuh a hung a, a kawmah, “Pathien Chapa na hih leh zie suonghaw hi chângthâk suok dingin thu pie’n,” a ti a.

JOHAN 9:22

Judate a lauh ziekun a nu leh a pa’n zie thu haw chuh a gen uh ahi; ziehaw chun, “Kuo’n le, Amah chuh Krista a hii, ti a gingcha ta chuh, kikhawpna In apat nawhdawk ngêi ngêi ding ahi,” ti’n a kithuguol suok kêi ta ngâl u a.

JOHAN 9:34

Chun, amau chun a kawmah, “Nang na pum changsana gitloh a pieng na hi a puo, nangin nei hun hilh vangvei hih!” ti’n a dawng u a. Khutichun, kikhawpna In apat chun a nawhdawk tau hi.

3 JOHAN 1:10

Zieziekchun, ka hung tieng leh a thilhih haw ka geldawk sakkit ding ahi. Ka chanchin uh sie taka gen dân te leh lepchieh a gen thute khah! Zie mai chule hun a sa puoh a, suohpihte a hung tieng u lele, ana lawp puo’n tin, a lawp nuomte nasan chuh zadah intin, Sapchuom apat nawhdawk guo ding ahi.

NASEPTE 8:37

Philip in a kawmah, “Na lungthim cheng chenga na ginchak chun, baptistma chang thei inla,” a ti a. Amah chun, “Ka gingchâi, Isu chuh Pathien Chapa ahi tih ka gingchâi” ti’n a dâwng a.