JOHAN 9:22 - PATHIEN LEKHABU THIENGTHO (BSI)

²² Judate a lauh ziekun a nu leh a pa’n zie thu haw chuh a gen uh ahi; ziehaw chun, “Kuo’n le, Amah chuh Krista a hii, ti a gingcha ta chuh, kikhawpna In apat nawhdawk ngêi ngêi ding ahi,” ti’n a kithuguol suok kêi ta ngâl u a.

JOHAN 9:22 ပူးပေါင်းရင်းမြစ်များ

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

JOHAN 7:13

Himahlele, Judate a lauh ziekun kuoma’n a chungchâng thu tâng-phuong takin a gen ngam puou hi.

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

JOHAN 9:34

Chun, amau chun a kawmah, “Nang na pum changsana gitloh a pieng na hi a puo, nangin nei hun hilh vangvei hih!” ti’n a dawng u a. Khutichun, kikhawpna In apat chun a nawhdawk tau hi.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

NASEPTE 5:40

Tichun, sawlchakte chuh a sam lut u a, a zêp u a, tichun, Isu min a thu gen kit lo hiel dingin thu a pieu a, a thahdawk tau a.

NASEPTE 5:13

Mi dang vang chuh, kuomah a laku ah a va tel ngam puou hi, himahlele, mi’n amau haw chuh a pakcha sek ui.

NASEPTE 4:18

Tichun, amau chuh a sam u a, Isu min a thugen lo hiel ding leh sinsak lo hiel dingin a hilh tau a.

JOHAN 20:19

Chun, zie ni, ni sagih ni masapen a nitâk lam a hung hih phet chun, Sinsakte chuh Judate a lauh ziekun, kawt kisungkam khum in a um khawm u a. Zie chun Isu a hung a, a laku ah a hung ding ta a, a kawm u ah, “Na chungu ah lungmuonna um hen,” a ti a.

JOHAN 19:38

Zie thil haw nung chun, Joseph, Arimathai khuo a um chun, Isu luong chuh la dingin Pilate kawmah a ngên a. (Joseph chuh Isu nungzuite laka tel ahi a, himahleh, Judate a lauh zieka, a gûka na um ahi.) Pilate in a phalsak a, tichun, a chieh a, Isu luong chuh a la ta a.

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

THUCHINGTE 29:25

Mihingte lauhna hi thâng tawbang ahi a, himahleh, Lalpa a ginna ngate vang chuh bit in au.

JOHAN 1:19

Chun, Judate’n, “Kuo na hi?” ti a dawng dinga, Jerusalem khuo apat a thiempute leh Levi chi laka mi a sawl lai u khan ziehaw hi Johan thu na hetsak chuh ahi:

JOHAN 9:18

Himahlele, Judate’n mitdûk nu leh pa chuh a sap macheng u chun, mitdûksa leh, tu a hun mu thei ei tai tih thu chuh a gingcha nuom puou hi.

JOHAN 9:21

Himahlele, bangtia tu a hi hun mu thei ahi tam tih ka he puou a, a mit hihvak pa le ka he diek puou hi. Amah dawng un, amah le pating ahi a puo, amah chungchâng chuh ama’n kigen heh!” ti’n a dâwng u a.

JOHAN 9:35

Chun, a nawhdawk ui tih Isu’n a na het phetin, amah chuh a hawl dawk a, a kawmah, “Pathien Chapa na gingcha?” ti’n a dawng a.